الموضوع: بوش فى الكرونه

المشاركة الأصلية كتبت بواسطة saadelden

هي الفكره ان الزيت مايخلصش

فى حاله عدم نقصان الزيت ... ووجود سن ترس مكسور فى الكرونه مع وجود مانع ونه
هل ممكن فى المستقبل ان الكرونه تقفش مره واحده ؟؟؟ او ان الونه دى ترجع تانى ؟.؟

المشاركة الأصلية كتبت بواسطة khaled_sabry

السلام عليكم و رحمة الله و بركاته
اول موضوع ليا فى قسم الورشه من فتره طوييييله و الحمد لله (لأن ماحصلتشى مشاكل فى العربيه)
وكان اخر موضوع ليا هنا ك كان عن ان مره فى رمضان اللى فات حصل انى مشيت بالعربيه بسرعه و ماكنشى فيه زيت فى الكرونه
وادى ده لصوت الونه فى السرعات الاعلى من 50
المهم اشتريت مانع الونه و صوت الونه انتهى و الحياه ماشيه حلو من ساعتها

فى نفس الوقت اللى حصلت فيها المشاكل دى لاحظت بوش فى الكرونه ( بمعنى انى بسمع صوت خبط الحديد فى بعضه من الكرونه لما بطلع مره واحده بالعربيه )
و نزلت انا تحت العربيه و حركت عامود الكردان بايدي و لاقيته بيتحرك عادى لما تبقى العربيه مموره و بيعمل صوت حبط الحديد بالفعل من الكرونه
روحت للميكانيكي قالى ان ده بالفعل بوش فى الكرونه و مالهوش حل الا انها تتغير ...
بس اللى قالهولى ان ممكن فى المتسقبل الحاله تسوء اكتر من كده و الكرونه تقفش و تقف مره واحده
الكلام ده كان من 6 اشهر تقريبا
و من ساعتها الحاله مستقره ... بس لاحظت ان صوت الونه بيظهر على خفيف من اول 110 او 100 ا و مش بيبقى باين اوى من صوت الهواء اصلا

فياريت حد يأكدلى المعلومه دى ( معلومه ان الكرونه ممكن تقفش مره واحده ) ...لأنى افتكرت الكلام ده و انا على طريق الصعيد الصحراوى و قولت ربنا يستر لأنى بسافر بيها كتير ولو حصل كده فى سكة سفر ممكن العربيه تتقلب

اولا البوش ده ممكن يكون من الكردان او الصلايب او كرسى النص مش شرط ان الكرونة لما تون تكون مبوشة
ثانيا الكرونة من الحاجات اللى بتبوظ واحدة واحدة مش فاجاة يعنى معاك فرصة تساوى نفسك لتغييرها بس متماطلش علشان متعملهاش معاك فى يومين مزنقين واهم حاجة لحد متغيرها تابع الزيت بتاعها

المشاركة الأصلية كتبت بواسطة a_hmed

اسف هطلع برة الموضوع

ايه الكرونة ديه ؟؟ و ايه عامود الكردان ؟؟

دول بديل الكبالن فى عربيات الدفع الخلفى الكردان بياخد من الفتيس يوصل للكرونا ورا العربية والكرونة تحول الحركة الطولية الى عرضية وتحرك العجل الخلفى