ماهي الاجراءات المثلى لشراء سيارة مستعملة

**aliabutaleb** · 19-04-2008 09:12 PM

السلام عليكم يا شباب
الحقيقة معروض عليا عربية مستعملة وكان الأخ الكريم معاذ الشرباصي جزاه الله خيراً معايا النهاردة بنتفرج عليها
السيارة زي ما شفنا كدة لا غبار عليها من حيث الحالة والكماليات
وكنت اتفقت مع المالك على الكشف عليها في التوكيل قبل أي خطوات
ولكن المالك كان اشترط شرط غريب شوية وهو استلام نصف ثمن العربية المطلوب قبل التسليم وإنه مش هايسلمنا العربية قبل اسبوع
يعني ياخد الفلوس وميسلمنيش حاجة غير بعد اسبوع
ده طبعاً شئ قلقني جداً ويمكن خلاني أخد القرار بالبعد عن السيارة دي

كنت عاوز أعرف منكم ايه هي الاجراءات الصحيحة لشراء السيارة المستعملة وبالتسلسل الصحيح
من حيث استخراج شهادة المخالفات وكتابة عقد والتسجيل في الشهر العقاري وهل الافضل نقل الملكية أم عمل توكيل من البائع
وهل للتوكيل أي مخاطر؟
وصحيح ان العربية لو ملاكي القاهرة وانا نقلت ملكية هايبقى لازم عليا اني انقلها لتبقى ملاكي اسكندرية؟
خصوصاً واني كنت ميال اني اسيب العربية لاخر الترخيص الحالي لها في أواخر نوفمبر القادم

**SEATLOVER** · 19-04-2008 09:49 PM

ازيك يا ابو رُقية ..
اولاً سيبك من العربية دى
ثانياً الاجراءات كالاتى

1-كتابة عقد ابتدائى بالتفاصيل بينكم -دفع عربون -تحديد ميعاد التسجيل و بقية المبلغ فى العقد مع باقى البيانات الكاملة لكل من (بائع-مشترى -سيارة )
2-يروح يجبك و يجهزلك شهادة البيانات فقط إذا الرخصة سارية ..ولو منتهية اضف لذلك شهادة بيانات
3-تتقابلوا فى الشهر العقارى ..
يفضل عقد تسجيل ليك لو بايع او شارى ..(بايع اكتر)
التوكيل فية شوية قلق للبايع و ليس للمشترى
4-تخلص العقد و التسجيل فى الشهر العقارى و تدفعلة بقية المبلغ
5-تثبت فى العقد الابتدائى اللى كان معاك وقت تسلم العربية و المبلغ (خالص) فى ساعتة و تاريخة

والف مبروك ..بس مش فى العربية دى .

**aliabutaleb** · 19-04-2008 09:56 PM

المشاركة الأصلية كتبت بواسطة SEATLOVER

ازيك يا ابو رُقية ..
اولاً سيبك من العربية دى
.......

والف مبروك ..بس مش فى العربية دى .

جزاك الله خيراً يا عمرو على الاهتمام وسرعة الرد
ممكن توضح لي ايه سبب قلقك منها؟
على فكرة انا قلقان اكتر منك بس أدينا بنحاول نوصل لفكرة واحدة

ده بالرغم من انه كلمني من شوية وانا صارحته بكل مخاوفي دون إخفاء أي منها
هو ارتبك شوية بس في الاخر قال انه موافق على طلباتي واللي كانت اني افحصها في التوكيل وادفع تمنها كله بالكامل واسجلها وطبعاً استلمها كله في يوم واحد

واداني معاد على يوم الاحد الجاي
بس احساسي الشخصي انه كدة هايحلق لي :D

**ابو سيف** · 19-04-2008 10:02 PM

المشاركة الأصلية كتبت بواسطة SEATLOVER

ازيك يا ابو رُقية ..
اولاً سيبك من العربية دى
ثانياً الاجراءات كالاتى

1-كتابة عقد ابتدائى بالتفاصيل بينكم -دفع عربون -تحديد ميعاد التسجيل و بقية المبلغ فى العقد مع باقى البيانات الكاملة لكل من (بائع-مشترى -سيارة )
2-يروح يجبك و يجهزلك شهادة البيانات فقط إذا الرخصة سارية ..ولو منتهية اضف لذلك شهادة بيانات
3-تتقابلوا فى الشهر العقارى ..
يفضل عقد تسجيل ليك لو بايع او شارى ..(بايع اكتر)
التوكيل فية شوية قلق للبايع و ليس للمشترى
4-تخلص العقد و التسجيل فى الشهر العقارى و تدفعلة بقية المبلغ
5-تثبت فى العقد الابتدائى اللى كان معاك وقت تسلم العربية و المبلغ (خالص) فى ساعتة و تاريخة

والف مبروك ..بس مش فى العربية دى .

تقصد يا باشمهندس شهادة مخالفات؟؟؟

**SEATLOVER** · 19-04-2008 10:05 PM

معلش يا ابو رُقية اصل انا بشم العربيات دى من بعيد كدة ..:)
1-بدام هو هو مش مستعد للبيع بيبيع لية
2-عايز يمسك فلوس فى ايدة ..اهم من عربيتة
3-لو واثق و متمسك بعربيتة يقولك حاجة من اتنين
- انا عربيتى متروحش توكيل يتكشف عليها ...اعمل اللى انت عايزة قدامها
-ناخدها و تكشف فى التوكيل بعدين ربنا يتمم

بس كدة ..دة الصح و المفروض فى العرف بمنتهى البساطة

اة معلش الاولانية شهادة مخالفات ..التانية شهادة بيانات

**ابو سيف** · 19-04-2008 10:10 PM

المشاركة الأصلية كتبت بواسطة seatlover

معلش يا ابو رُقية اصل انا بشم العربيات دى من بعيد كدة ..:)
1-بدام هو هو مش مستعد للبيع بيبيع لية
2-عايز يمسك فلوس فى ايدة ..اهم من عربيتة
3-لو واثق و متمسك بعربيتة يقولك حاجة من اتنين
- انا عربيتى متروحش توكيل يتكشف عليها ...اعمل اللى انت عايزة قدامها
-ناخدها و تكشف فى التوكيل بعدين ربنا يتمم

بس كدة ..دة الصح و المفروض فى العرف بمنتهى البساطة

اة معلش الاولانية شهادة مخالفات ..التانية شهادة بيانات

هههههههههههههههههههه و عربيته ميتكشفش عليها في التوكيل ليه ان شاء الله .... بتتكسف؟؟؟

هههه انا فاهم طبعا انه يقصد انها زي الفل الا ان اكون فاهم غلط بس انا اقصد ان المفروض الثقه في حاله العربيه الزايدة تخليه مش هامه اي حاجة و بدل ما يقول انا عربيتي ميتكشفتش عليها في التوكيل يقولك وديها في المكان اللى انت عايزة

**SEATLOVER** · 19-04-2008 10:15 PM

المشاركة الأصلية كتبت بواسطة ابو سيف

هههههههههههههههههههه و عربيته ميتكشفش عليها في التوكيل ليه ان شاء الله .... بتتكسف؟؟؟

هههه انا فاهم طبعا انه يقصد انها زي الفل الا ان اكون فاهم غلط بس انا اقصد ان المفروض الثقه في حاله العربيه الزايدة تخليه مش هامه اي حاجة و بدل ما يقول انا عربيتي ميتكشفتش عليها في التوكيل يقولك وديها في المكان اللى انت عايزة

لا يا ابو رُقية من حق صاحب العربية رفض اى كشف على العربية مهما كان من مين سواء كان من (ميكانيكى ) او توكيل ... لية
-ممكن يكون لا يثق فى اى ميكانيكى تجيبة انت يقعد يلعب فى العربية يبوظلة حاجة وفى الاخر ..تمشى و تسيبة ...يبقى هو استفاد اية !
-ممكن يكون مابيتعاملش مع التوكيل بتاعة و مقتنع انهم فاشلين و بيبوظوا العربية ...واكيد هو يعرفهم اكتر منك ..لآنة هو اللى تبعهم

فى الاخر هى عملية تفاهم و تراضى بيحكمها العُرف ..بدون التجنى على حق واحد منهم المشترى او البائع

**معاذ الشرباصى** · 19-04-2008 11:40 PM

المشاركة الأصلية كتبت بواسطة SEATLOVER

لا يا ابو رُقية من حق صاحب العربية رفض اى كشف على العربية مهما كان من مين سواء كان من (ميكانيكى ) او توكيل ... لية
-ممكن يكون لا يثق فى اى ميكانيكى تجيبة انت يقعد يلعب فى العربية يبوظلة حاجة وفى الاخر ..تمشى و تسيبة ...يبقى هو استفاد اية !
-ممكن يكون مابيتعاملش مع التوكيل بتاعة و مقتنع انهم فاشلين و بيبوظوا العربية ...واكيد هو يعرفهم اكتر منك ..لآنة هو اللى تبعهم

فى الاخر هى عملية تفاهم و تراضى بيحكمها العُرف ..بدون التجنى على حق واحد منهم المشترى او البائع

الراجل واثق جدا فى مركز العبور, لدرجة انه جاب واسطة علشان نحجز ميعاد بدرى, و الميعاد اللى يناسبنا

الغريب انه حاليا, بيقول طب سيبوا عربون حتى لو 1000 جنيه علشان اربط معاكم كلام

الراجل ده معلومات ممكن تبقى مفيدة لناس خبرة: بيول انه بيغير عربيات كل 6 شهور, و جاب مش عارف 6 ماتريكس, و تريوس و شاريد, و رينو ميجان كابورليه على كلامه خسران فيها 40 الف لما باعها, و حاجز حاليا تويوتا فى اسكندرية, و هو ساكن فى مدينة نصر, ده غير انه بيقول انه حاجز مرسيدس C-Class.

الكلام الكتير ده يمثل ليك ايه يا عمرو؟

**aliabutaleb** · 20-04-2008 12:22 AM

وأضيف إنه بيقول إنه بيحب يجيب العربية جديدة متقعدش معاه أكتر من 5 آلاف كيلو
وحالياً معاه بي إم دبليو إكس ثري بس مش بيرتاح فيها زي ما بيرتاح في السيريون
أنا مش متفاااااااااااااااااائل :)

نسيت أقول ان العربية سيريون 2008 1500 سي سي :)

**SEATLOVER** · 20-04-2008 12:29 AM

بص يا معاذ ..كدة اللى انا قولتة فى الاول بيتأكد ليا

الراجل واثق جدا فى مركز العبور, لدرجة انه جاب واسطة علشان نحجز ميعاد بدرى, و الميعاد اللى يناسبنا

عارف حد هناك

الغريب انه حاليا, بيقول طب سيبوا عربون حتى لو 1000 جنيه علشان اربط معاكم كلام

عايز يربوطكوا بالعربية

بيول انه بيغير عربيات كل 6 شهور, و جاب........

الكلام دة جميل لو هاتشتغل فى اللون ذية
يعنى العربية مش جاية تبقى بيتى

[quote]نسيت أقول ان العربية سيريون 2008 1500 سي سي [/
Quote]
كمان ..يعنى مُعقدة

الخلاصة ...فى رايى طبعاً

أبعد ....أبعد ....أبعد ... ولو عرفت تجرى اجرى