الموضوع: تخيلوا الإستفزاز

المشاركة الأصلية كتبت بواسطة heshamzaky

هو لو شايف و مش راجل كبير و برضو عمال يزق فى العربية يبقى رخم و غلس لو عربيتك جامدة ممكن كنتى تزعلية جامد أنا مرة حصلت معايا حاجات مشابهة بصراحة لما بتجنن بطلع للأمام متر مثلا و بعدين برجع مرشدير بسرعة أكيد بزعل العربية الى ورايا جامد أو بلزق أكصدام فى أكصدام و بزق عربيتة ساعات بسمع صوت تكسير بلاستيك ورايا مرة عربية قفلت عليا و راكن صف تانى و شادد فرامل اليد و معشق العربية لغاية ما واحد راكن أمامى طلع و خرجت من المكان بس روحت بصراحة بعدها أتغابيت على العربية بتاعتة الناس قالو لى يا أستاذ خلاص كفاية حرام هو كدة أتعلم الادب مش حا يعملها تانى أكيد كفاية

انا افترضت انه مش شايف علشان كده نبهته قبل ما يحك فيها
لكن بعد كده بقى عارف ومتأكد انه خابط في عربيتي لأنها كانت بتتزق واكيد شايفها
عربيتي مش جامده ولو جامده بصراحه هههههههه معنديش الجرأه اعمل كده
شكلك ما بتسيبش حقك يا استاذ هشام

المشاركة الأصلية كتبت بواسطة nevozaky

فى الاْول ازيك يا سارة .ومعلش عديها المرة دى ممكن يكون غشيم فى السواقة بس اكيد مش قصده غلاسة لانه مايعرفكيش هيغلس عليكى ليه .معلش خليها عليكى المرة دى
انا عارفة انها حاجة تغيظ شويتين .بس معلش افترضى انه فعلا غشيم فى السواقة فعلا .وبما انه راجل كبير شوية فمعلش وطنشى وكبرى دماغك .

ازيك يا نيفو
خلاص والله مش متضايقه دلوقتي
انا اتضايقت ساعة الموقف وخلاص
وهو اكيد مش بيغلس عليا لكن هو عنده لامبالاه وعدم احترام للآخرين مش اكتر
اللي ضايقني ان بعد ما روحت ماما قالت لي انه من وهو بيدخل في المكان وهو بيزق العربيه
وهي اتخضت لإنها كانت جوه العربيه بس مارضيتش تقولي