احذر شراء السيارات الآن (( تحليل لسوق السيارات فى مصر ))بعد الثوره

العربيات الشيفروليه اسعارها نزلت و كل العربيات فى مصر اسعارها نزلت النهارده
الأوبترا اللى كانت وصلت ل 96 الف مانوال دلوقتى ب 89500 و كمان فى حرق يعنى ممكن تنزل
الواضح اداى دلوقتى ان النتيجه المنطقيه لكل الأحداث اللى حصلت هتكون كالتالى
1- اسعار العربيات لازم تزيد نظرا لتراجع قيمه الجنيه
2- التجار مش هتعرف تبيع العربيات نظرا لخروج البنك من عمليه التمويل اللهم الا اللى عنده وديعه فى البنك بكامل قيمه العربيه
3- التجار عليهم مصاريف و لازم يبيعوا العربيات عشان يسددوا المصاريف العليهم فيبتدى الحرق فى الأسعار
4- النتيجه النهائيه و الطبيعييه ان ما بنى على باطل فهو باطل والى زوال يبقا لازم التوكيلات الحراميه و النصابه و التجار الحراميه الكبار اللى محتكرين تجاره السيارات يقفلوا و يتشال مبلغ كبير من تمن العربيات اللى كان بيروح لجيوب المحتكرين الكبار (( منصور بيكسب فى العربيه 35 او 40 الف جنيه الواحده ) لأنه بيجيبها فرز تالت و ناقصه كماليات و من غير ضريبه من المنشأ و خصم على الكميه و فى بعض العربيات كمان بيغير المواتير بمواتير تعبانه زى الكروز كده
5- فى النهايه بعد الأنتخابات الرئاسيه و بعد نوع من الأستقرار هتطبق اتفاقيه الجات و تنزل جمارك السيارات + لازم يحصل رفع لسعر البنزين و رفع لضريبه السيارات عشان يحصل تعادل وتتعوض ايرادات الجمارك اللى بتدخل البلد لكن فى كل الأحوال العربيات سعرها هينزل و احتمال كبير يتفتح استيراد المستعمل سنه او سنتين كمان

والله أعلم

الكلام ده عاوز وقت طويل وفيه ناس مش حتقدرتستنى سنتين تلاته

كل اللى بتقوله جميل بس مش فاهم ايه العلاقه بين زياده سعر البنزين ورخص العربيات
وانا عن نفسى اتمنى ان كل حاجه ترخص مش بس العربيات وتبقى سوق مفتوحه يعنى البقاء للاصلح والاجود مع سعر مناسب

اقتباس:

---

المشاركة الأصلية كتبت بواسطة tarekomar66

كل اللى بتقوله جميل بس مش فاهم ايه العلاقه بين زياده سعر البنزين ورخص العربيات
وانا عن نفسى اتمنى ان كل حاجه ترخص مش بس العربيات وتبقى سوق مفتوحه يعنى البقاء للاصلح والاجود مع سعر مناسب

---

اقولك يا باشا العلاقه ايه بين اسعار البنزين و جمارك السيارات
اولا لو اسعار العربيات نزلت فعلا نتيجه نزول الجمارك و عدم وجود الوكيل او بمعنى اصح المحتكر اللى بياخد مبلغ كبير فى العربيه و يعلى سعرها يبقا كميه العربيات اللى فى الشوارع هتزيد و ده مينفعش لأن الشوارع فعلا مش مستحمله عربيات زياده فلازم يكون فى حاجه تقلل طلب الناس على السيارات ( زياده تكلفه تسيير سياره )
ثانيا ان الجمارك مصدر كبير و مهم من مصادر الدخل فلو اتشالت و ده لازم يحصل عشان اتفاقيه الجات اللى هتطبق هتطبق سواء عاجلا او اجلا يبقا لازم يكون فى حاجه تعوض الفرق و ده هيكون فى شكل زياده اسعار البنزين اللى بدوره هيوفر مبلغ الدعم الكبير اللتى بيتدفع فى البنزين + زياد ه الضريبه على السيارات و كل الكلام ده لازم يتعمل بنوع من انواع الحساب الدقيق عشان ميحصلش دروب زى ما كان بيحصل فى قرارات النظام السابق يعنى زياده سعر البنزين اكيد بتأثر على باقى السلع الا لو ........ هو ده اللى المفروض ان الحكومه تدرسه جديا و توصل لحل فيه
بمعنى اصح العربيه سعرها كويس و زيك زى اى بلد فى العالم اسعار كويسه
بس اللى غالى هو تسيير السياره تمن البنزين الضريبه اللى بتدفعها كل سنه هو ده التعادل بين شيل الجمارك و رفع تمن البنزين و الضريبه

تخمينات ومحدش عارف الحقيقة فين

اقتباس:

---

المشاركة الأصلية كتبت بواسطة mbisar

اقولك يا باشا العلاقه ايه بين اسعار البنزين و جمارك السيارات
اولا لو اسعار العربيات نزلت فعلا نتيجه نزول الجمارك و عدم وجود الوكيل او بمعنى اصح المحتكر اللى بياخد مبلغ كبير فى العربيه و يعلى سعرها يبقا كميه العربيات اللى فى الشوارع هتزيد و ده مينفعش لأن الشوارع فعلا مش مستحمله عربيات زياده فلازم يكون فى حاجه تقلل طلب الناس على السيارات ( زياده تكلفه تسيير سياره )
ثانيا ان الجمارك مصدر كبير و مهم من مصادر الدخل فلو اتشالت و ده لازم يحصل عشان اتفاقيه الجات اللى هتطبق هتطبق سواء عاجلا او اجلا يبقا لازم يكون فى حاجه تعوض الفرق و ده هيكون فى شكل زياده اسعار البنزين اللى بدوره هيوفر مبلغ الدعم الكبير اللتى بيتدفع فى البنزين + زياد ه الضريبه على السيارات و كل الكلام ده لازم يتعمل بنوع من انواع الحساب الدقيق عشان ميحصلش دروب زى ما كان بيحصل فى قرارات النظام السابق يعنى زياده سعر البنزين اكيد بتأثر على باقى السلع الا لو ........ هو ده اللى المفروض ان الحكومه تدرسه جديا و توصل لحل فيه
بمعنى اصح العربيه سعرها كويس و زيك زى اى بلد فى العالم اسعار كويسه
بس اللى غالى هو تسيير السياره تمن البنزين الضريبه اللى بتدفعها كل سنه هو ده التعادل بين شيل الجمارك و رفع تمن البنزين و الضريبه

---

هو احنا ليه مش مكتوبلنا نتهنى بقرش بجيبنا سواء قبل الثورة اوبعد الثورة:crying1:

ربنا يصلح الحال ويفتح الاقتصاد بتعنا ويخلى الناس تقتنع بالمكسب القليل الدائم

يا تري ايه الماركات اللي اسعاره نزلت كمان ؟ الأوروبي كمان ؟

دة غلطة اللي صمموا البلد كل واحد باني عمارة 12 دور و تحتها 10 محلات و مفيش جراج بالعقل كد الناس هتركن فين يعي

تانيحاجة لازم البلد تعتمد انها تجيب فلوس من حاجة انتاجية مش كل حاجة فلوس بالساهل عن طريق جمارك او ضرائب معديش مشاكل ادفعهم بس ما تكونش هي الاعتماد الكلي للبلد عليهم

اقتباس:

---

المشاركة الأصلية كتبت بواسطة dr_abooody

دة غلطة اللي صمموا البلد كل واحد باني عمارة 12 دور و تحتها 10 محلات و مفيش جراج بالعقل كد الناس هتركن فين يعي

تانيحاجة لازم البلد تعتمد انها تجيب فلوس من حاجة انتاجية مش كل حاجة فلوس بالساهل عن طريق جمارك او ضرائب معديش مشاكل ادفعهم بس ما تكونش هي الاعتماد الكلي للبلد عليهم

---

المشكله الاكبر بالاضافه لمشكله الركنه
الطاقه الا ستيعابيه للشوارع اثناء السير
خلاص انتهت من 15 سنه
الشوارع عندنا عامله زي زجاجه مياه تحت الحنفيه والزجاجه اتملت وما زالت تحت الحنفيه
كل الشوارع عندن كبيرها سنتين او 3 بالكتير والسرعه لاتزيد عن صفر

احتمال برضه

في حاجة نسيتوها .
لو فرضنا ان الكلام دة الي هايحصل بالشكل الي بتقولوا علية .
يبقي اما يعوضوا فرق الجمارك في البنزين يبقي السلع الغذائية هاتغلي جدا وكل المواد الخام ونقل البضائع والمواصلات ورغيف العيش وكل حاجة
يبقي علية العوض
عشان العربيات ترخص ونركب يبقي مش هانعرف ناكل
معني كدة انة مش هايقدر يغلي البنزين لاكن لازم يكون في حل تاني عشان يطبق الاتفاقية دي
واعتقد انة ممكن تطبيقها بعد ما نتوسع في بناء المدن الجديدة وانهاء حالة زحام القاهرة والمحافظات ووجود صناعات تعتمد عليها الدولة في الدخل
ساعتها ممكن العربيات ترخص