الموضوع: ارجو المساعده بسرعه انا رايحه اختار العربيه

المشاركة الأصلية كتبت بواسطة ashouhdy

والله انا برشحلك بكل قوة هيونداى فيرنا .... لكن اللوجان بالنسبة ليل ودة رأيى الشخصى مستريحتش فيها خالص صوت الموتور عالى جدا تصميمها معجبنيش تكييف اوروبى عادى ... بالنسبة لقطع غيار اللوجان معرفش اسعارها بس عموما الرينو اسعارها عالية

الفيرنا معايا بقالها 3 سنين ماشاء الله عليها لو حجيب تانى فى نفس الشريحة السعرية طبعا فيرنا بس اوتوماتيك :-))))))))))

قطع غيار رخييييصة اعتمادية عالية جدا تقريبا بلا اعطال تكييف تلاججججججججججججججججة بجد موتور ممتاز

عيوبها الثبات على سرعات عالية 140 وطالع محتاجة تحكم عالى الا لو حتغيرى الجنوط بأخرى مقاس 15

دة اللى فى رايى وربنا يوفقك لما فية الخير

يا عام حرام عليك الفيرنا زبالة و صاجها ضعيف بشكل لا يذكر و ثباتها وحش و بعد ال 120 بتعوم و فراملها بتبقى وحشة و قريبة جداااا من الأرض و المواد الداخلية للصالون و التابلوة معفنة و عفشتها زبالة و التابلوه فقير جداااا جداااا جدااااا .....
اما اللوجان ناعمة و ثابتة و اقتصادية و عفشتها راااااااائعة و عالية و صاجها محمل و لله الحمد و واسعة و شنطتها ينام فيها فيل 510 لتر ما شاء الله و تقفيلها احسن من تقفيل الفيرنا مليون مرة و ثباتها افضل من الفيرنا و التسارع بتاعها هاااااايل و توكيلها محترم فوق الوصف و مستوى الأمان فيها اعلى و تكيفها ثلاجة و كل ملاك العربية بيقولوا الكلام دة و انا ركبتها مع واحد صاحبى و عجبتنى و ناوى اشتريها ان شاء الله .....

[QUOTE=fouaa;3873482274]انا بما انى عندنا العربيات الى اتذكرت هنا كلها وهام الفيرنا واللوجان والبيكانتو انصحك نصيحه عمرك مهتندمى عليها ابدا هاتى كيا بيكانتو وهاقولك مميزات العربيه وعيوبها ليكى كبنت
اولا العربيه قويه جدا فوق تخيل اى حد ومحدش من فضلكو يحكملى على عربيه هو مساقهاش كتير وعارف هيا ايه الماتور بتاعها سحبو ممتاز جدا بالنسبه للعربيه استهلاك البنزين ليكى كبنت مش هتجرى وتحرق عليها معقول جدا صالونها واسع ومريح العربيه عفشتها من ادام قويه جدا فيها مقصين كبار وانتره وميزان رابط مبينهم ومن ورا العربيه تورشان بيم وده مخليها ثابته جدا على اى طريق انا بعمل بيها غرز على 130 و120 فصلاح سالم العربيه من مميزاتها حجمها صغير جدا من بره وده شيى جميل مع القوه الى فالماتور والثبات الى ملوش مثيل شكلها شيك جدا وحلوه انا معايا مشمشى
بالنسبه لعيبها الوحيد ان الشنطه بتاعتها صغيره شويه بس الكنبه ممكن بتتلم وبتبقى الشنطه لحد كرسى السواق
قطع الغيار والله مش غاليه اوى يعنى التيل الفرامل الاصلى قدام هو هو بتاع الهيونداى i10 بيعمل 300 جنيه وفى انواع تانيه ارخص فلتر البنزين الاصلى 80 جنيه والميزه ان حاجاتها مش استهلاكيه خالص ومعمره
نبذه بقى عن اللوجان عربيه حلوه جدا كبيره ووسعه مشكلتها ان حاجتها اغلى من الكيا بكتير وطبعا مفيش غير فالتوكيل مرايت الباب الواحد 1000 جنيه من غير ضريبه والفوانيس الى قدام الواحد 1500 جنيه من غير ضريبه والاكصدام 1600 ولو تعمقنا شويه فالعربيه العفشه غاليه جدا علبه الدركسوين 7700 جنيه العربيه رخيصه واى وحلوه بس حاجتها منصحكيش بيها تماما ده غير انها مش ثابته زى الكيا وربنا يوفئك[/QUOTE

اولا انا ولا معايا بيكانتو ولا فيرنا ولا I10 ولا لوجان باس كلمة الحق تقال:
1-البيكانتو ضيقة جداااا من الداخل و شنطتها علبة و عفشتها ناشفة و صاجها ورق و تكيفها ضعيف و موتورها ضعيف و مش ثابتة بعد ال 100 كم و قطع غيارها غالية على عربية ب 56000 جنيه و سعرها مبالغ فيه الى حد ما باس هى افضل من I10 .....

2- اللوجان عربية فرنساوى تقفيل مصنع رينو ( صوماكا ) اللى فى الدار البيضاء ( المغرب ) عالية و قوية و سريعة من 0 - 100 خلال 11.5 ثانية تكيفها ثلاجة و الأبشنز بتاعتها راااااااااائعة و مستوى الأمان فيها عالى جداااا العربية حاصلة على 3 نجوم من 5 نجوم فى اختبار السلامة الأوروبى و الأبشنز بتاعها راااااااائع و صالونها محترم و واسع جدااااا و الشنطة بنام فيها فيل 510 لتر ما شاء الله و ثباتها رائع فوق الوصف صاحبى جاب بيها 100 على الثالث و 145 على الرابع و 170 على الخامس و كانت العربية ثابتة تماما و فى هدوء تام و لم تتجاوز ال 5 RBM و قطع الغيار ارخص من اللى حضرتك قولته يعنى الفانوس الأمامى ب 350 جنيه و الفانوس الخلفى ب 300 جنيه و فلتر البنزين ب 60 جنيه و فلتر الزيت ب 30 جنيه و الأكصدام ب 700 جنيه و المراية الجانبية ب 300 جنية ......
دة كويس بالنسبة لقطع غيار فرنساوى و من قلب التوكيل ....
و الدليل على انها رااااااائعة انها اكتسحت السوق و بقة مرغوبة و عليها طلب كتير و الناس كلها بتشكر فيها الحمد لله و سعر اعادة بيعها مثل الفيرنا والانوس و بعدين العربية نزلها قطع غيار خارج التوكيل و كمان سنة هتبقى قطع غيارها متوافرة زى الانوس و الفيرنا ان شاء الله .....