الكتيب بيكتبلك ايه الصيانة اللي هتعملها على المسافات المقطوعة المختلفة و عاملك جدول بالكلام ده
انما مش هيقولك التوكيل هيصلح الاعطال بانه طريقة
عرض للطباعة
يعنى انت عايز تفهمنى ان فيه بند اسمة "صيانة طنابير" و فة نفس الوقت مش موجود فى الكتالوج ولا فى السيرفس مانيوال؟؟؟؟؟؟؟؟؟؟؟؟
MMamdouh
يا جماعة الى حصل بالظبط كدة ان انا غيرت المساعدين والبطاحات و الكوبايات وظبط العربية وكدة لو انا ماشى بيها على 160 بتبقى ثابتة ولو حتى اعلى من ال 160 كمان لكن مجرد بس انى اكون ماشى على سرعة عالية واجى ادوس على الفرامل بلاقى العربية بتغربل والدريكسون مش بيكون ثابت مع العلم انى عملت ترصيص بردو قولت احتياطى عشان لو المشكلة مشكلة ترصيص ابقا انا عملت كل حاجة واتأكد بردو انها مشكلة الطنابير
بس عاوز افهم هى اية عالى و واطى دى ؟؟
الطنابير عندنا عبارة عن قرصين معدنين و بينهم فتحات تهوية... معنى كدة ان فيه اجزاء من الطنبورة وراها فراغ و اجزاء تانية وراها معدن... دة بيخللى الطنبورة لما تسخن فيه حتت تسخن اكتر من التانية (الاماكن اللى وراها فراغ حتسخن اسرع و تبرد اسرع) و دة بيعمل اجهاد لمعدن الطمبورة فى اماكن الفراغات و مع الحرارة بتمدد اكتر من الاماكن اللى وراها معدن....
دة بيعمل اماكن مرتفعة فى الحتت اللى بتسخن جامد و اماكن منخفضة فى الحتت اللى مبتسخنش جامد و بالتالى سطح الطمبورة مبيبقاش مستوى و لما تيل الفرامل بعدى على الطمبورة و هى بالشكل دة التيل بيتحرك على سطح الطمبورة مما يسبب الاحساس بذبذبة فى دواسة الفرامل و الشعور برعشة فى العربية لان لما التيل بيعدى على الحتة العالية بيبقى اكنك بتفرمل بزيادة و لما بيجى فى حتة واطية بيبقى اكنك خفيت رجلك من على الفرامل و حدوث دة فى العجلتين الاماميتين بيسبب رعشة فى الدركسيون
MMamdouh
لازم تغيرها
MMamdouh
ياباشا فلوسك في جيبك اطلع ع التوكيل عدل غير طنابير اصلي
طب ليه الطنابير ما بتجهدش حراريا اول سنة من شراء العربية ..
انا هدور على مصطلح الاجهاد الحراري ده و اعرف عنه اكتر ، بصراحة يا باشا انا مش متأكد من موضوع اني ممكن اموت في لحظة بسبب اني كان المفروض الديسك عمره الافتراضي مثلاً 20000 وانا كملت عليه كمان 5000 ازاي مافيش ديسكات مبيتعملهاش صيانة .. و مين اللي بيقول اني لازم اغيرها
يعني تقصد تقول اني المفروض بيكتبولي في جدول في المانيول بتاع العربية اغير الطنابير امتى ؟؟؟ هو في حاجه اسمها كدا ؟؟
انا معايا شيفورليه كابريس 2008 سعة 6 سلندر المحرك 3600 سى سى و طبعاً الديسكات ما بتختلفش في الشكل و الديناميكية و الاداء المتشابه لكن اكيد هتختلف في الحجم،، اقسم بالله العظيم صيانتها كلها في التوكيل و لحد دلوقتي جنرال موتورز عملها مسح ديسكات مرتين خلال ال3 سنين اللي فاتوا
مع العلم التقرير اللي بستلمه منهم وانا ماشي على الحجات اللي شيكو عليها بيكتبولي تيل الفرامل فاضل فيه نسبة كام % ولو الديسكات محتاجه تتخرط بيعملوها و يقولولي .. يبقا ازاي مافيش حاجه اسمها خرط ديسكات او صيانة للديسكات يا باشا ؟؟؟؟؟؟؟؟؟؟
عشان الاجهاد بيبقى تراكمى و بالتالى لازم العوامل اللى بتؤدى الى سخونة الطنابير بشدة تتكرر (او تبريدها فجاءة تتكرر) و دة صعب فى اول سنة او اتنين... الا اذا كانت سواقتك عنيفة او متعود تغسل العربية بمية كتير بعد كل مشوار
هو الاجهاد الحرارى مش بيؤدى الى فشل نظام الفرامل بالكامل... لو تلاحظ الناس اللى اشتكت كانت بتشكى من غربلة مش من ضعف فى اداء الفراملاقتباس:
، بصراحة يا باشا انا مش متأكد من موضوع اني ممكن اموت في لحظة بسبب اني كان المفروض الديسك عمره الافتراضي مثلاً 20000 وانا كملت عليه كمان 5000
مهما برضة مش كاتبين امتى تغير التيل... لان الحاجات دى بتعتمد على طريقة الاستخدام و مضش كل واحد ظروف قيادتة زى التانى و بالتالى مش كلو واحد حيغير الحاجات دى فى نفس التوقيتاقتباس:
ازاي مافيش ديسكات مبيتعملهاش صيانة .. و مين اللي بيقول اني لازم اغيرها
يعني تقصد تقول اني المفروض بيكتبولي في جدول في المانيول بتاع العربية اغير الطنابير امتى ؟؟؟ هو في حاجه اسمها كدا ؟؟
اى ديسك فى الدنيا له حد ادنى من التخانة المسموح بيها و لو تجاوزتها لازم الطمبورة تتغير... فى الدايو الفرق بين الحد الاقصى و الادنى للتخانة 2 مللى فط.... هل الاستخدام الطبيعى + خراطة 3 مرات مش حتتعدى ال2 مللى؟اقتباس:
انا معايا شيفورليه كابريس 2008 سعة 6 سلندر المحرك 3600 سى سى و طبعاً الديسكات ما بتختلفش في الشكل و الديناميكية و الاداء المتشابه لكن اكيد هتختلف في الحجم،، اقسم بالله العظيم صيانتها كلها في التوكيل و لحد دلوقتي جنرال موتورز عملها مسح ديسكات مرتين خلال ال3 سنين اللي فاتوا
مع العلم التقرير اللي بستلمه منهم وانا ماشي على الحجات اللي شيكو عليها بيكتبولي تيل الفرامل فاضل فيه نسبة كام % ولو الديسكات محتاجه تتخرط بيعملوها و يقولولي .. يبقا ازاي مافيش حاجه اسمها خرط ديسكات او صيانة للديسكات يا باشا ؟؟؟؟؟؟؟؟؟؟
كمان الاجهاد الحرارى بياثر على المعدن فا الخرط او المسح مش حيفيد... دة ممكن يكون مفيد لو الطنبورة سطحها مبقاش مستوى من الاستخدام الطبيعى لو لان التيل خلص و الحديد علم فى الطنبورة... لكن لو فيه اجهاد الموضوع مش حيفيد خالص
MMamdouh