رعشة فى العربية كل لما اعدى ال 100 وادوس فرامل

**sala7** · 12-05-2011 04:46 PM

المشاركة الأصلية كتبت بواسطة mmamdouh

يعنى التوكيل بيعمل صيانة مش موجودة فى كتيب الصيانة اصلا؟

mmamdouh

الكتيب بيكتبلك ايه الصيانة اللي هتعملها على المسافات المقطوعة المختلفة و عاملك جدول بالكلام ده
انما مش هيقولك التوكيل هيصلح الاعطال بانه طريقة

**MMamdouh** · 13-05-2011 04:08 PM

يعنى انت عايز تفهمنى ان فيه بند اسمة "صيانة طنابير" و فة نفس الوقت مش موجود فى الكتالوج ولا فى السيرفس مانيوال؟؟؟؟؟؟؟؟؟؟؟؟

MMamdouh

**MMamdouh** · 18-05-2011 03:27 AM

الطنابير عندنا عبارة عن قرصين معدنين و بينهم فتحات تهوية... معنى كدة ان فيه اجزاء من الطنبورة وراها فراغ و اجزاء تانية وراها معدن... دة بيخللى الطنبورة لما تسخن فيه حتت تسخن اكتر من التانية (الاماكن اللى وراها فراغ حتسخن اسرع و تبرد اسرع) و دة بيعمل اجهاد لمعدن الطمبورة فى اماكن الفراغات و مع الحرارة بتمدد اكتر من الاماكن اللى وراها معدن....

دة بيعمل اماكن مرتفعة فى الحتت اللى بتسخن جامد و اماكن منخفضة فى الحتت اللى مبتسخنش جامد و بالتالى سطح الطمبورة مبيبقاش مستوى و لما تيل الفرامل بعدى على الطمبورة و هى بالشكل دة التيل بيتحرك على سطح الطمبورة مما يسبب الاحساس بذبذبة فى دواسة الفرامل و الشعور برعشة فى العربية لان لما التيل بيعدى على الحتة العالية بيبقى اكنك بتفرمل بزيادة و لما بيجى فى حتة واطية بيبقى اكنك خفيت رجلك من على الفرامل و حدوث دة فى العجلتين الاماميتين بيسبب رعشة فى الدركسيون

MMamdouh

**MMamdouh** · 18-05-2011 05:44 PM

لازم تغيرها

MMamdouh

**sala7** · 24-05-2011 06:26 PM

المشاركة الأصلية كتبت بواسطة mmamdouh

الطنابير عندنا عبارة عن قرصين معدنين و بينهم فتحات تهوية... معنى كدة ان فيه اجزاء من الطنبورة وراها فراغ و اجزاء تانية وراها معدن... دة بيخللى الطنبورة لما تسخن فيه حتت تسخن اكتر من التانية (الاماكن اللى وراها فراغ حتسخن اسرع و تبرد اسرع) و دة بيعمل اجهاد لمعدن الطمبورة فى اماكن الفراغات و مع الحرارة بتمدد اكتر من الاماكن اللى وراها معدن....

دة بيعمل اماكن مرتفعة فى الحتت اللى بتسخن جامد و اماكن منخفضة فى الحتت اللى مبتسخنش جامد و بالتالى سطح الطمبورة مبيبقاش مستوى و لما تيل الفرامل بعدى على الطمبورة و هى بالشكل دة التيل بيتحرك على سطح الطمبورة مما يسبب الاحساس بذبذبة فى دواسة الفرامل و الشعور برعشة فى العربية لان لما التيل بيعدى على الحتة العالية بيبقى اكنك بتفرمل بزيادة و لما بيجى فى حتة واطية بيبقى اكنك خفيت رجلك من على الفرامل و حدوث دة فى العجلتين الاماميتين بيسبب رعشة فى الدركسيون

mmamdouh

طب ليه الطنابير ما بتجهدش حراريا اول سنة من شراء العربية ..
انا هدور على مصطلح الاجهاد الحراري ده و اعرف عنه اكتر ، بصراحة يا باشا انا مش متأكد من موضوع اني ممكن اموت في لحظة بسبب اني كان المفروض الديسك عمره الافتراضي مثلاً 20000 وانا كملت عليه كمان 5000 ازاي مافيش ديسكات مبيتعملهاش صيانة .. و مين اللي بيقول اني لازم اغيرها
يعني تقصد تقول اني المفروض بيكتبولي في جدول في المانيول بتاع العربية اغير الطنابير امتى ؟؟؟ هو في حاجه اسمها كدا ؟؟

انا معايا شيفورليه كابريس 2008 سعة 6 سلندر المحرك 3600 سى سى و طبعاً الديسكات ما بتختلفش في الشكل و الديناميكية و الاداء المتشابه لكن اكيد هتختلف في الحجم،، اقسم بالله العظيم صيانتها كلها في التوكيل و لحد دلوقتي جنرال موتورز عملها مسح ديسكات مرتين خلال ال3 سنين اللي فاتوا
مع العلم التقرير اللي بستلمه منهم وانا ماشي على الحجات اللي شيكو عليها بيكتبولي تيل الفرامل فاضل فيه نسبة كام % ولو الديسكات محتاجه تتخرط بيعملوها و يقولولي .. يبقا ازاي مافيش حاجه اسمها خرط ديسكات او صيانة للديسكات يا باشا ؟؟؟؟؟؟؟؟؟؟

**mahmoudysf** · 24-05-2011 07:47 PM

المشاركة الأصلية كتبت بواسطة mmamdouh

يعنى انت عايز تفهمنى ان فيه بند اسمة "صيانة طنابير" و فة نفس الوقت مش موجود فى الكتالوج ولا فى السيرفس مانيوال؟؟؟؟؟؟؟؟؟؟؟؟

mmamdouh

لاحظ يا محمد باشا ان مفيش بند فيه تغيير طلمبة المية في الكتالوج ولا السيرفس مانوال وانت بتنصح بتغييرها عند 80 الف

**MMamdouh** · 25-05-2011 02:55 PM

المشاركة الأصلية كتبت بواسطة sala7

طب ليه الطنابير ما بتجهدش حراريا اول سنة من شراء العربية ..

عشان الاجهاد بيبقى تراكمى و بالتالى لازم العوامل اللى بتؤدى الى سخونة الطنابير بشدة تتكرر (او تبريدها فجاءة تتكرر) و دة صعب فى اول سنة او اتنين... الا اذا كانت سواقتك عنيفة او متعود تغسل العربية بمية كتير بعد كل مشوار

، بصراحة يا باشا انا مش متأكد من موضوع اني ممكن اموت في لحظة بسبب اني كان المفروض الديسك عمره الافتراضي مثلاً 20000 وانا كملت عليه كمان 5000

هو الاجهاد الحرارى مش بيؤدى الى فشل نظام الفرامل بالكامل... لو تلاحظ الناس اللى اشتكت كانت بتشكى من غربلة مش من ضعف فى اداء الفرامل

ازاي مافيش ديسكات مبيتعملهاش صيانة .. و مين اللي بيقول اني لازم اغيرها
يعني تقصد تقول اني المفروض بيكتبولي في جدول في المانيول بتاع العربية اغير الطنابير امتى ؟؟؟ هو في حاجه اسمها كدا ؟؟

مهما برضة مش كاتبين امتى تغير التيل... لان الحاجات دى بتعتمد على طريقة الاستخدام و مضش كل واحد ظروف قيادتة زى التانى و بالتالى مش كلو واحد حيغير الحاجات دى فى نفس التوقيت

انا معايا شيفورليه كابريس 2008 سعة 6 سلندر المحرك 3600 سى سى و طبعاً الديسكات ما بتختلفش في الشكل و الديناميكية و الاداء المتشابه لكن اكيد هتختلف في الحجم،، اقسم بالله العظيم صيانتها كلها في التوكيل و لحد دلوقتي جنرال موتورز عملها مسح ديسكات مرتين خلال ال3 سنين اللي فاتوا
مع العلم التقرير اللي بستلمه منهم وانا ماشي على الحجات اللي شيكو عليها بيكتبولي تيل الفرامل فاضل فيه نسبة كام % ولو الديسكات محتاجه تتخرط بيعملوها و يقولولي .. يبقا ازاي مافيش حاجه اسمها خرط ديسكات او صيانة للديسكات يا باشا ؟؟؟؟؟؟؟؟؟؟

اى ديسك فى الدنيا له حد ادنى من التخانة المسموح بيها و لو تجاوزتها لازم الطمبورة تتغير... فى الدايو الفرق بين الحد الاقصى و الادنى للتخانة 2 مللى فط.... هل الاستخدام الطبيعى + خراطة 3 مرات مش حتتعدى ال2 مللى؟

كمان الاجهاد الحرارى بياثر على المعدن فا الخرط او المسح مش حيفيد... دة ممكن يكون مفيد لو الطنبورة سطحها مبقاش مستوى من الاستخدام الطبيعى لو لان التيل خلص و الحديد علم فى الطنبورة... لكن لو فيه اجهاد الموضوع مش حيفيد خالص

MMamdouh

الموضوع: رعشة فى العربية كل لما اعدى ال 100 وادوس فرامل

LinkBack

أدوات الموضوع

عرض

-

-

-

-

-

المواضيع المتشابهه

رعشة العربية

العواكس اللى فى شارع الهرم لما اعدى عليها الاقى العربية زى ما تكون بترقص ده عيب عفشة

رعشة فى العربية

رعشة العربية

رعشة فى العربية

الكلمات الدلالية لهذا الموضوع

المفضلات

المفضلات

ضوابط المشاركة