سلام عليكم
شباب كنت عاوز اعرف سعر بيجو 406 موديل 2003 فى حدود كام و هل فيه حاجات اخد بالى منها وانا بكشف على العربية
عرض للطباعة
سلام عليكم
شباب كنت عاوز اعرف سعر بيجو 406 موديل 2003 فى حدود كام و هل فيه حاجات اخد بالى منها وانا بكشف على العربية
السلام عليكم
بالنسبة لبيجو 406 أهم شيء في الفحص يكون التركيز على الفتيس، وياريت تكون عارف من صاحبها مواعيد تغيير الزيت ده لو كان بيغره وهي دي مشكلة 406 إننا كشعب مبيهتمش بجداول الصيانة فإن فتيس 406 هو سر نجاحها وفي نفس الوقت سر خوف الناس منها. يعني الزيت المفروض يتغير كل 50 ألف وطبعا محدش كان بيعمل كده وده يؤدي لتغيير البلوف والزيت. الخلاصة إنك طبعا زي أي عربية تكشف على أهم شيء ألا وهو الشاسيه والدواخل وبالأخص النص الأمامي. والمفضل إنها تكون فابريقة بالكامل وده شئ مش صعب الحصول عليه في 406 لإنها عربية فخمة وشيك وكانت غالية لما نزلت زيرو.. يعني المفروض متكونش متهانة.. وأنصحك تشتري 406 أم موتور فضي أو بيسموه الموتور الأبيض.. بشكل عام لو جربتها على طريق ومجابتش معاك 200 كيلو/ ساعة بسهولة متبقاش تمام وتراعي إن النقلات ناعمة وسلسة واتزانها عالى والباور ستيرنج ميعملش صوت وانت بتلفه وهي واقفة ودايرة طبعا.. وتراعي الكونترول شغال كويس في كل حاجة زي ضبط مستوى الضوء الأمامي وتوجيه التكييف ديجيتال والاستجابة تمام وكونترول الكاسيت من الدركسيون والانارة الأوتومتايكية... وربنا يوفقك
ونسيت أقولك تقريبا أسعارها وهي تتراوح من أوائل السبعين ألف لغاية خمسة وثمانين ألف وده للحالة الجيدة .. يعني ممكن تلاقي حاجة في الستينات وبصراحة التسعينات هيكون كتير لأن السوق أنت أكيد عارف حالته لكل الموديلات..