استفسار بخصوص المياه الخضراء !!!! :)

**3ateef** · 06-05-2011 06:54 PM

كنت بحط فى الاول نوع اسمه ماستر,,تركيز 20%...

وغيرت وبقيت احط السعودى "spedo" وتركيزه 40%....

تقريبا والله اعلم انى من اول ما بدأت احط السعودى بقى فيه زى رشح ناشف لونه " احمر" على الخراطيم والريداتير..

فأنا عايز اعرف ايه ده ؟؟؟؟

شكرا....

**3ateef** · 06-05-2011 07:30 PM

وسؤال تانى,,,

عندى خرم صغير فى الريداتير,,,لحامه يتكلف كام تقريبا ؟؟؟!!

شكرا..

**3ateef** · 07-05-2011 01:43 AM

يااااااااااااااااااا ناااااااااااااااااااااااا اااااااااس...

**فادى محمد** · 07-05-2011 10:30 PM

خرم الرادياتير يتكلف حوالي 30ج بالفك والتركيب تقريبا والميه السعودي جربتها وكانت مضروبه وبتعمل ريم ملمسه زي الزيت في القربه ..انا بحط الميه الامريكي اللي في الكانز وبزود ميه مقطره او ميه صرف تكييف

**Gelgel2004** · 15-05-2011 01:16 PM

المشاركة الأصلية كتبت بواسطة 3ateef

حبيبى يا فادى ربنا يكرمك..

انا معنديش الريم ده على القربة,,يمكن عشان مغير الغطاء قريب..

بس الريم ده عندى على كل خراطيم الدورة تقريبا,,,,اللى داخل وخارج من الردياتير...

غالبا هرجع للماستر تانى ولو انى حاسس ان السعودى نضيف...

شكرا..

السلام عليكم ا عاطف
سائل التبريد السعودى اللى فى السوق معظمه موش مضمون .
1 / اقرا تركيز المياه اللى عندك فى كتالوج العربيه - فى الغالب هتلاقيه من 35 % الى 50 %.
2/ اغسل دوره التبريد فى اى محطه معتمده - الحم خرم الرادياتير - افتح السخن اللى فى التابلوه و انت بتغسل ضرورى .
3/ انفخ بالهواء و ضيف المياه المطلوبه من 35 % الى 50 % موبيل او شل او اى ماركه مضمونه و فيه موضوع موضح فيه كل التفاصيل بعنوان مياه الرادياتير و اخر صيانه الرادياتير .
4/ راجع اذا كان فيه اى تسريب .
دمت بود

**samsong** · 03-06-2011 10:36 AM

المشاركة الأصلية كتبت بواسطة gelgel2004

السلام عليكم ا عاطف
سائل التبريد السعودى اللى فى السوق معظمه موش مضمون .
1 / اقرا تركيز المياه اللى عندك فى كتالوج العربيه - فى الغالب هتلاقيه من 35 % الى 50 %.
2/ اغسل دوره التبريد فى اى محطه معتمده - الحم خرم الرادياتير - افتح السخن اللى فى التابلوه و انت بتغسل ضرورى .
3/ انفخ بالهواء و ضيف المياه المطلوبه من 35 % الى 50 % موبيل او شل او اى ماركه مضمونه و فيه موضوع موضح فيه كل التفاصيل بعنوان مياه الرادياتير و اخر صيانه الرادياتير .
4/ راجع اذا كان فيه اى تسريب .
دمت بود

كلام مضبوط عن تجربه

**Gelgel2004** · 05-06-2011 10:47 AM

المشاركة الأصلية كتبت بواسطة 3ateef

وعليكم السلام أ/ جلال....

هو فعلا مش مضمون,,من ساعة ما حطيته ظهر خرم الريداتير,,,,قلت يمكن صدفة....

بس اللى حصل ان العربية جابت جوان وش سلندر,,,,الحمد لله على كل حال...

بأذن الله هغير الجوان والريداتير كله...

رحت لواحد بتاع ريداتير قاللى لأ ده مينفعش يتلحم عشان الخرم فى معرفش فين كده بس عموما انا ببيعه استيراد ب

400...رحت لتاجر بتعامل معاه قاللى "لأ" ده الومنيوم ومش بيتلحم وببيعه جديد اصلى ب 425....

لا مؤاخذة يا باشا على الرغى,,بس كنت محتاج افضفض حبتين,,,,كله عايز يطلع بمصلحة وخلاص وطظ فى اى حاجة...

شكرا يا استاذ جلال وجزاك الله كل خير...

السلام عليكم و صباح الخير
الحمد لله انها جت على اد كده
ان شاء الله اما تركب رادياتير جديد و قبل ماتركبه اغسل دوره التبريد عند حد كويس و ضرورى ضرورى تكون الدائره مغلقه و تفتح مفتاح السخن الللى فى لوحه التكييف علشان تنظف السربنتينه بتاعه السخن ( علشان دايما بيبقى فيها صدا ) و راجع التسريبات ان وجدت
افكرك بالكوليهات لازه تكون جديده علشان عزم الربط
المياه انواع افضلهم من وجهة نظرى :- موبيل 50 % - ac delco - شل .و اتاكد من نسبه التركيز و اللى فى الغالب بتكون 50 % .

و بالمناسبه الرادياتير الالومونيوم بيتلحم
دمت بود