رجة بالسيارة ولغز ملهوش حل

**E30power** · 06-05-2011 08:40 PM

السلام عليكم ...

باختصار العربية عندى اول ما تيجى تفتح المروحة تحصل رجة جامدة فى العربية ولما تقفل برضك ...
خدنا وصلة ارضى للموتور ونفس المشكلة ومحتارين بقالنا اسبوع لحد دلوقتى مش عارفين الحل ...؟؟؟

فياريت يا جماعة الى عندة حلول او الى قابلتة المشكلة دية يساعدنى ...

ملحوظة البطارية ساعات بتهيس معايا ..؟؟ بس كذا وزاحد اكد انها بتحمل على الدينمو ...

الموضوع دة بقالة اسبوع ومحدش قادر يجيب قرارة للاسف وابتديت افقد الامل

**mohamed_e36** · 06-05-2011 09:20 PM

يمكن عشان البطاريه ضعيفه
طب جرب وركب بطاريه بتاعه اي واحد من صحابك وشوف الدنيا هتبقى ماشيه ازاي لو اتظبطت يبقى عيب بطاريه

**E30power** · 07-05-2011 12:21 AM

جربت نفس الرجة برضك :ٍ:ٍ

**WalidAdel** · 07-05-2011 01:48 AM

جرب شغل المروحه نفسها علي كهربا بعيده عن كهربة العربيه لان كده ممكن يكون في شورت في دايرة الكهربا بتاعة المروح بتعمل شورت او تلميس في الكهربا او قفله فبتعمل الرجه دي
راجع علي كافة الاسلام ممكن يكون في فار دخل قرقد حته من سلكه معرياها ولا حاجه دا السبب الارجح

**bmw323** · 07-05-2011 10:19 AM

الكلام دا فى البى أم ولا فى ال لانوس ؟

**E30power** · 07-05-2011 03:10 PM

هو فى غيرها الاماية ...

بس انا مغير حاجات كتيرر فيها عموما وعامل كهرباء كاملة ليها ..

**WalidAdel** · 07-05-2011 05:46 PM

المشاركة الأصلية كتبت بواسطة e30power

بس انا مغير حاجات كتيرر فيها عموما وعامل كهرباء كاملة ليها ..

يبقي حضرتك تراجع علي الشغل كله طالما مغير حاجات كتيييييير
و ياريت بس اقولي الرجه دي بتظهر امتي تحديداً يعني لما المروحه تشتغل او لما تبطل كده يعني تحكيلي كأني شايف اللي بيحصل ادامي للتوضيح بس

و بعدين يعني ايه لما تيجي تفتح المروحه دي حضرتك عاملها مفتاح خارجي ولا ايه

**Gelgel2004** · 07-05-2011 06:58 PM

جرب تكشف على قواعد و قميص المروحه من ناحيه و شوف جلب المروحه اذا كان فيها بوش و الا لا
عموما دايما بيكون تحت اماكن تثبيت المروحه قواعد او جلب كاوتش لعدم توصيل الارتجاج و الذبذبه الناتجة من التشغيل راجع عليها ممكن تكون وقعت و انت بتغير الشغل اللى اتعمل حسب كلامك
دمت بود