الموضوع: تويتا سوبرا !! و مساعدة عامة في التويوتا

السلام عليكم !! أنا عايز أشتري عربية ممكن اعدل فيها براحتي و ميكونش سقفي محدود معاها !!

و في نفس الوقت أههههههم حاجة تكون "دفع خلفي"

بصراحة بتمزج بالدفع الخلفي أوي أوي ،، و سقت أكتر من عربية الحمد لله ،، أحسنهم معايا في الدريفتات و كده ،، اكنت محبوبتي الحالية "الشاهين" ... بسبب انها دفع خلفي ،،، أنا مكدبش عليكم ،، أنا أن شاء الله حكمل معاها و أكمل تعديلات فيها برده ،، بس عايز جنبها عربية كمان تكون سبور على حق !!

بالي راح للتويوتا سوبرا !!! ممكن مساعدتكم ،،، ممكن أعرف حيكون نظامها معايا أيه هنا في الغالية مصر أم الدنيا !!!

حتطلع عيني ولا ؟؟؟ مصاريفها ؟؟؟ و الأهم من ده ،، سعرها ؟؟؟ أنا مش لاقي ليها رينج معين !!

طبعاً العربية مطلوبة مستعملة !!! بس انا معرفلهاش سعر ،، فقلت أسأل أخواني في منتدى التويوتا !! ممكن تفيدونا ،، و هل ممكن حد يرشحلي عربية دفع خلفي ممكن تصد معايا في الحاجات دي ،، بس اي حاجة غير البي أمات
لأنها لو قديمة ،، يبقى رخيصة أينعم ،، بس حتطلع عيني في قطع الغيار و البنزين ،، و لو جديدة ،، حيبقى سعرها فوووووووووووق !! :))))

و أنا مش غني اوي كده يعني !! :)))

نصيحتكم

و يا ريت تسعر العربية التويوتا أيكو !! و اعطائي معلومات عنها و عن أحسن موديل ليها نزل سنة كام و كده !!

وشكرررررررراً مسبقاً أن شاءا الله :)

المشاركة الأصلية كتبت بواسطة amrelsaqqa

شيفرولية كابرس امريكاانى موديل تمانينات او اوائل التسعيناااات وعييييييش بقى ومش هتحتاج اي تعديل ومش غالية
كل الحكاية انك هتخليك وراها بالبنزين :d

والله فعلاً فكرت في الموضوع ده ،، أني أحاول أجيب أي حاجة أمريكاني قديمة ،، و حتى دورت على شوية حاجات أوبل ،، لقيت عربية أوبل قديمة شكلها شبه الكامارو أس أس الشكل القديم و دخلت دمااغي جداً ،، و كانت معروضة للبيع !! و بالفعل أخدت رقم الراجل ،، و أنا بعاين والدي كان معايا ،، قالي أيه الخرده دي !!! ملحقتش حتى اعرف نوعها أيه بظظبط ؟؟ دفع أيه ؟؟؟ سي سي كام ؟؟
والله من اول 30 ثانية ،، الموضوع اتقفل ،، بابا قال للراجل "بايع على كام؟" الراجل قاله 40 ألف ... بابا قاله "حرام فيها 20 ألف أصلاً ،، و ركب عربيتنا ،، و قالي يلا يابني !!
ناهيك بقا على التعتيت "هيا دي عربية ؟؟ دي خرده .. دي مش عارف أيه ؟؟؟ .. و هكذا :))) "
أما موضوع العربيات الأمريكي القديمة !! فأنا أعرف أن مساؤ أستخدام البنزين صعبة أوي :( ده غير أن بالفعل صيانتها صعبة ،، و مش اي حد بيشتغل فيها "صيانة مش تعديل" .. غير صعوبة توفر قطع غيار ليها ،، علشان كده كبرت دماغي

:((

المشاركة الأصلية كتبت بواسطة me5ooo

السوبرا و السكاي لاين حلم و الله
بصراحه انا في حياتي ما شفتش سبرا غير تلات مرات مره شفتها وهيه ماشيه راح الراجل قارص عليها ما شفتهاش
و مره كانت راكنه رحت اتصورت جنبيها
لكن السكاي لاين عمري ما شفتها عشان ممنوعه في امريكا بس بيتعمل لا تعديلات عشان تخش امريكا بس سعرها بيكون غالي جدا جدا و بصراحه السبرا و السكاي لاين يستحقوا كل قرش يتدفع فيها
و ممكن يوصلوا بعد التعديل ل2000 حصان و اكتر كمان بس انا بحب السبرا اكتر و دول كام فيديو ليها
ده فيديو ل سبرا بتسحق لامبو موشيلاجو من اسرع سيارات لامبوجيني
youtube - supra vs lambo
وده فيديو لسكاي لاين لوحدها
youtube - skyline from hell (burnout)
و ده اشهر فيديو للسوبرا و بصراحه بحبه جداا
youtube - supra from hell
حضرتك بس اعمل سيرش علي ال يو تيوب و اكتب supra

أكييييد عارفها !! :))) ،، تسام أيدك على الفيديوهات !! :)

أمال لو شفت اللومينا أس أٍ تعمل أييييه :))))

أمااااال لو ركبتهااااا تعععمل أييييييييه !!!:)))))

اهي اللومينا أس أس دي بجد ألي وحش !! :) من غير تعديل ولا أي حاجة ،، هيا وحش :)