أنا خلاص والحمد لله قررت إن شاء الله إنى أعمل فيزا للشراء من النت بس أنا محتار أعمل فيزا انترنت من بنك كريدى أجريكول مصر ولا من بنك الأهلى سوستيه جنرال nsgb
ومين الاحسن فيهم ؟؟؟؟؟؟؟؟؟؟؟؟؟؟؟؟؟
أنا خلاص والحمد لله قررت إن شاء الله إنى أعمل فيزا للشراء من النت بس أنا محتار أعمل فيزا انترنت من بنك كريدى أجريكول مصر ولا من بنك الأهلى سوستيه جنرال nsgb
ومين الاحسن فيهم ؟؟؟؟؟؟؟؟؟؟؟؟؟؟؟؟؟
متابع باهتمام
ابعد عن كريدى خالص nsgb احسن بكتير عن تجربه
حضرتك كفايه ان فى كريدى ماكانوش عارفين ازاى يفعلوا الفيزا و خدمة عملاء نائمه و مكن البنك علاطول عطلان و مينفعش تتحكم فى حسابك من النت
انا معايا بتاعة كريدى
لازم تحط الايداع فى المكن
بيسمع فى ساعتها
خدمة العملاء ساعات متعبة بس الكلام ده على الحساب الشخصى مش على النت
بس
طيب إيه الخطوات المطلوبة والاوراق علشان اعمل الفيزا من بنك nsgb ؟؟؟؟
والمصاريف هتبقى كام هى ومصاريف التجديد السنوى ؟؟؟؟
والكارت هيطلع فى وقت أد ايه ؟؟؟؟؟؟؟؟؟؟؟
حضرتك اقل ولا اكتر من 21 سنه
أنا كنت عامل بتاعة nsgb و بعدين روحت عملت فيها ايداع مرة و اشتريت كلموني بعدها و قالولي انت عليك فلوس قلتلهم ازاي و انا عامل ايداع في الكارت أكتر من الميلغ ده و واخد ورقة, قالولي مفيش حاجة علي السيستم, المهم انع كان حوار و بطلت أتعامل معاهم من ساعتها. حاليا شغال ب كريديت كارد hsbc و مريحني.
متابع باهتمام
العربي الافريقي احسن فى فيزا الانترنت وبيعملها بصورة البطاقه فقط ومصاريفها 20 جنيه وبتستلمها بعدها بساعه او تانى يوم بالكتير
يبقى خليك فى بنك مصر او الاهلى المصرى
أنا من شوية دخلت على موقع البنك العربى الأفريقى ودخلت على الكروت مسبقة الدفع
لقيت فيه ميزة حلوة وهى
INTERNET & TRAVEL
http://www.aaib.com/App_Themes/Default/Images/au1.jpg Virtual InternetCard
- Maximize your security and privacy by separating your virtual spending from your other spending.
- Shop with confidence at any website that displays the Visa Logo.
- Issuance fee: EGP 20.
- Minimum & Maximum amount: EGP 100 --- EGP 15000.
- Card valid for 3 years from issuance date.
.
بس فيه حاجة لقيتها فى آخر الصفحة
Please note that ATM cash withdrawal fee (non-AAIB ATM) is EGP 5 or 1.5% of the transaction amount.
1 - بالنسبة لفيزا بنك مصر دي عملتها ب 10 جنية صلاحيتها سنة وبتستلمها بعد 10 ايام عشان بيكون مكتوب عليها اسمك والايداع في اي فرع والمبلغ بيبان في حسابك تاني يوم او نفس اليوم باليل وبيبعتلوك ميل اخر كل شهر بالعمليات الي عملتها
2 - وعملت بتاعت البنك الاهلي مصاريفها 20 جنية وبتعملها حدود للشراء ولازم تغطي المبلغ دائما في حسابك ومدتها 3 سنوات والمبلغ بيبان في حسابك تاني يوم ولك كنترول بانل لحسابك في الموقع بتاع البنك الاهلي وبيبعتلوك كل العمليات الي تمت عن طريق الميل
3- عملت كمان كريدي اجريكول بتستلمها وانت واقف لان مش مكتوب عليها اسمك ومدتها سنة او سنة ونصف او سنتين انت ونصيبك لان الكروت بتبقي مطبوعة عندهم مصاريفها 15 جنية والايداع عن طريق ماكينات الصراف الالي بس والمبلغ بيكون في حسابك بعد الايداع مباشرة . بس مفيش اي حاجة تبين لك العمليات الي تمت علي حسابك ولا ميل ولا كنترول بانل في الموقع وبياخدوا نسبة علي عمليات الشراء الي تمت بس انا لسة ماحسبتهاش كويس لانها نسبة بسيطة
4- ناوي اعمل بتاعت البنك العربي لاني سامع انها كويسة
يعني كده افضلهم العربي الافريقي؟
إحنا عاوزين حد عمل فيزا للشراء عن طريق النت فى البنك العربى الأفريقى
يقولنا إيه العيوب والمميزات اللى فيها
آخر ما وصلت إليه من البحث فى النت
إن الفيزا بتاعة كريدى أجريكول مصر بتتقبل على البنك الألكترونى باى بال
انا كنت في حاجة لعمل كارت للشراء من الإنترنت ولم أكن أريد ان أفتح حساب في بنك ربوي فنصحني أحد الإخوة في المنتدى ربنا يبارك فيه لعمل كارت دفوع مقدما من كريدي أجريكول مصر وده عامل زي المحمول تشحن قبل الشراء وبيسمع المبلغ في الحال ولم يصادف ان تم رفض إستخدام الكارت من اي مقع سواء محلي او عالمي.
بتشحن عن طريق ماكينات ATM الخاصة بالبنك.
الميزة بالنسبة لي انه حقق لي الفائدة للشراء من الإنترنت بدون ان يكون لي حساب في البنك الربوي.
العيب فقط بالنسبة لي هو عيب بسيط وهو عدم إمكانية الإستعلام عن العمليات إلا عن طريق الهاتف ولا يوجد internet banking
وديه تجربتي
ممكن توضحولنا المواقع اللي جربتوها ومعاملتها كويسه
ومثلا لو هتشتري موبيل مش موجود زيه في مصر... لما يبعتوه بتستلمه في بيتك ولا لازم تروح تدفع الجمارك عليه..
متابع
احسن بنك تتعامل معه فى كروت الائتمان هو سيتى بانك
يس لاتدخل معهم فى قروض والا بعت كل الذى ورائك
انا استخدمت كرتهم للشراء من النت على مدى سنوات ولاتوجد مشكله
وبمجرد اتمام عمليه البيع يتصلوا بى لتاكيد العمليه
على فكره انا جربت كروت الائتمان بتاعه اغلب بنوك مصر يعنى ان باكتب من واقع تجربه وخبره
ابعد عن بنك nsgb انا مرتبى متحول عليهم وكل شهر بمشكله
وكذلك اجريدى كول تشاجرت معهم ولغيت الكارد بتاعهم لانهم نصابين
لسة مفيش أخبار ؟؟؟؟؟؟؟؟؟
مفيش حد جرب البنك العربى الأفريقى ؟؟؟؟؟؟؟؟؟؟؟؟؟؟؟؟؟؟؟؟؟؟؟
العربي الافريقى مش لازم يكون عندك حساب والحد الاقصى 15000 على ما افتكر وصلاحيتها 3 سنين ومصريفها 20 جنيه
كارت الانترنت من nsgb زي الفل...اشتريت بيه حاجات كتير ومن مواقع مختلفة وما حصلش معايه اي مشكلة
هو زي كارت الشحن بتحط فيه رصيد مسبقا قبل اجراء معاملة الشراء على النت وشكرا..
وعلى فكرة مش لازم تروح البنك شخصيا بنفسك تحط فيه فلوس..اي حد بس تديه الاسم والرقم (طبعا يكون ثقة)
طبعا لازم يكون لك حساب في البنك..واستخراج الكارت لا يستغرق اكتر من يوم...بتملا طلب وصورة البطاقة
أنا رحت النهاردة البنك العربى الأفريقى
مش لازم يكون عندك حساب علشان تعمل الفيزا بتاعة الشرا عن طريق النت ، بس فيه نقطة الكارت مينفعش تسحب بيه من الصراف الآلى علشان لازم يكون عندك حساب وتطلع عليه كارت atm وأقصى حد بيوصل لــ 15 ألف جنيه والإيداع من خلال البنك نفسه
إنما بالنسبة كريدى أجريكول مصر فيه ناس على النت بتقول إنك تقدر تودع وتسحب بيه من مكن الصراف الآلى وفيه ناس عرفت تربط بينه وبين البنك الإلكترنى ألرت باى واستطاعوا يملوا الكارت فلوس من خلال الألرت باى ويقدر يسحب الفلوس من مكن الصراف الآلى بس أقصى حد للإيداع فى الكارت مبلغ 5000 جنيه
أنا خلاص احترت
أفيدونى .........
انا جربت الكارت الخاص ببنك كريدي اجريكول سهل في الاصدار والايداع و اشتريت مرتين من الامازون بالكارت ولم يحدث لي اي مشاكل وكانت الحاجة بتوصل في خلال اسبوع لكن عيبه الوحيد ان اقصى حد 5000 جنيه فبصراحة الكارت ممتاز
ابتعد عن كريدى نهائى بنك زباله