طلب مساعدة من خبراء المنتدى

**mfe** · 06-05-2011 11:50 PM

السلام عليكم
ارجو مساعدتى من خبراء المنتدى انا عربيتى نوبيرا 2006 , انا مغيرتش فيها اى حاجة من تاريخ شرائها على الزيرو , طبعا كاوتش و صيانة و جوانات فقط انما العفشة لم تمس ، هى قاطقة حوالى 95000 كيلو . المشكلة بدات مع سماع صوت حكة مع السرعة اكثر من 40 و صوت هبدة بالعربية , المهم رحت لمركز صيانة طلع معايا بالعربية و قالى ده بلى عجل خلفى و لازم يتغير , المهم خليته يكشف على العربية كلها نزل 5 دقائق تحت العربية و قالى العفشة كلها تتغير
مقصات
مساعدين
بلى
و حجات تانية مش فاكرها بحوالى 4000 جنيه
طبعا سيبته و روحت و قلت اجمع الفلوس الاول
الاسبوع الماضى انا سافرت الغردقة و مشيت على سرعة 190-200 و العربية كانت ثابتة تمام على الطريق السؤال هنا هل بالعفشة السيئة ممكن العربية تبقى ثابتة على السرعة دى , انا عارف انى لازم اغير البلى الخلفى و المساعدين الخلفيين علشان الهبدة لكن بصراحة مستخسر اغير حاجة مش محتاجة تغيير زى المقصات و المساعديين الاماميين
ياترى راى الخبراء ليه اغير كله و امرى لله و لا كفاية البلى و المساعدين الخلفيين

**محمد الشامي** · 07-05-2011 12:17 AM

سرعة 200 كم/ ساعه مش مقياس للثبات طالما انت على طريق مستقيم
الثبات يبان في منحنيات الطريق او الانحرافات المفاجئه او حتى لو اتعرضت لمرتفع او لمنخفض حاد في الارض

من رأيي حضرتك ممكن تروح لعفشجي واتنين وتلاته وشوف الاجماع هيكون على ايه وتوكل على الله واعمله

**mfe** · 07-05-2011 01:30 AM

شكرا للرد استاذ محمد و عموما العربية كانت ثابتة معايا فى كل الاحوال و انا اسمع ان العربية بتعوم بعد ال 100 لو المقصات تعبانة على العموم هروح لواحد تانى و اشوف بس انا خايف من الناس الى بتستسهل و تقول غير و انا قبل كدة جربت الكلام ده حتى مع التوكيل اى شكوى يقول غير مهو مش دافع حاجة من جيبه