ربنا يفك كربك
عرض للطباعة
ربنا يفك كربك
إن شاء الله خير يا أحمد.......أكثر من الإستغفار
لو عاوز إستشارة قانونية كلم الرقم ده
0105480201
أسمه طارق....ده أبن خالتى....كلمه و قوله أنك صاحبى و أحكيله الموضوع و اللى عملته فى حضور المحامى بتاعك......و شوف هو رأيه إيه......مجرد إستشارة فى التليفون قد يكون المحامى بتاعك نسى حاجة..... و بالمرة تطمن.
إن شاء الله خير و ربنا يسترها على الولد و يطلع سليم.
انا مش مريحنى موضوع ان المحضر بدون تفاصيل
حتى لو حصل صلح المفروض ان المحضر يكون فيه التفاصيل
ربنا معاك يا أستاذ أحمد .. يخرجك من المشكلة دى على خير ويشفى المصاب
اللهم فرج كربه و همه و يسر له كل خير وأمنع عنه كل شر وأذى يا رب
عادى جدا واحد صاحبى كان بيجرى على الاوتو ستراد ناحيه السيدة عيشه خد احد مطبات الهواء المعروفين هناج طار دخل فى الرصيف العربيه لفت راحت فى اتجاه الجزيرة كان فيه واحد جاى من ناحيه الشمال بعربيه فيتارا راح لابس فى الباب بتاع السواق .. ودخل فى الجزيره بعد كدا وسواق الفيتارا مات فى وقتها وصحبى طلع من العربيه سسليم الحمد لله ..شوف بقى مع انو غلطاان ومموت واحد والقضيه شغاله راح بس يوم الجلسه دفع 500جنيه غرامه وخد قتل خطا وخرج ..وعلى كلامه بيقول انو لو كان متابع من الاول مع القسم مكنش دفع كمان ال500 جنيه ولا راح جلسه ...هدى انت نفسك ومتخفش ومدام انت عامل اثبات يبقى هتمشى مدنى عادى متخفش
اولا الف سلامه للواد وربنا يقيمه بالسلامه
ثانيا انا مقدر مخاوفك لاني مريت بحدث مشابه
ثالثا: انت مكبرها قوي ..القتل الخطأ لو انت مش غلطان زي حالة سيادتك بيكون الحكم براءه اما لو كان فيه جزء من الخطأ عليك كأن تكون ماشي بسرعه فبيكون الحكم مع ايقاف التنفيذ اما لو سيادتك ماشي من غير رخصه او سكران فهنا يكون الحكم بالسجن و ممكن ايقاف الحكم لو حصل تصالح
طب سيادتك مش غلطان و متصالح كمان و متعهد بالعلاج ...خايف ليييييييييييييييييييييييي يييييييييييه؟
اطمن و انا باطمنك عن تجربه....
انا ليا تجربة شخصية فى موضوع مشابه مع قريبى خلاصتها ان التصالح بيلغى القضية اصلا ورفض التصالح هو اللى بخليها تمشى
واخرها يوم ما تكمل
ان شاء الله قتل خطأ
واعتقد فى حالة حضرتك التصالح موثق فى القسم لكن فى حالة قريبى تم الاستدعاء للنيابة وسأل وكيل النيابة اهل الضحية هل موافقين على التصالح لان الجانى رائد شرطة وتم عمل محضر مرفق بالمحضر الاصلى وما فيش قضية اصلا
وقبل كل شئ نتمنى الولد يقوم بالسلامة ويفك كربك ويعينك على علاجه لان الموضوع محتاج مصاريف فى الحالتين سواء تم شفائه ان شاء الله او مات لاقدر الله
ساعتها اهله هايرفعوا قضية تانية لكن مش عليك انما على العربية وبيتحكم ليهم فيها بمبلغ 40000 تعويض على التأمين اكيد حضرتك عند التجديد بتدفع مبلغ التأمين اللى كلنا بندفعه القلق بس لو رخصة عربيتك منتهية ومش مأمن على العربية ساعتها تتفتح القضية تانى بحضورك
لكن ليها حل ودى من اولها انك لو مش مأمن تدفع لاهله مبلغ التامين وزيادة شوية علشان ما يرفعوش قضية على العربية
وده اللى حصل مع قريبى لانه ما كانش مأمن ولا مجدد الرخصة لانه كان ظابط ومقضيها بلطجة ومش عايز يجدد
اسف للاطالة وارجو اكون اقدرت افيدك بتجربة واقعية حصلت من وقت قريب جدا
ربنا يشفى الولد ان شاء الله ويعينك
وانت بس هدى نفسك يا استاذ احمد وباذن الله الموضوع يعدى على خير
ابقى طمنا باستمرار على الموقف
ربنا يفرج همك و كربك و ان شاء الله الولد يشفى و الامور تمر بسلام بفضل الله
ربنا يجيرك في مصيبتك ويفرج همك ويرفع البلاء والكرب وييسر لك أهل الحق والعدل ولا يجعل عليك للظالمين سبيلا..
عليك بالدعاء والإستغفار والتضرع إلى الله الواحد القهار.