الموضوع: ركبت انذار 2-way بس ما بيفتحش الشنطة من الريموت :(

السلام عليكم

النهاردة ركبت انذار 2 واي spy في سبير كار في التجمع

هو اتكلف 410 جندي بالتركيب

بس اكتشفت بعد ما ركب انه ما بيفتحش الشنطة من الريموت

ودة ليه بقى ؟؟؟؟؟

لو كان فيه زرار لفتح الشنطة من جوة العربية كان نفع

انما انا عندي الشداد الهيدروليك + الزرار اللي بيفتح الشنطة اوتوماتيك من الريموت القديم (الأصلي)

بس الموضوع مش داخل دماغي ....أكيد في حل يعني

مميزات الانذار ال2 واي

1-المدى بتاعه ظريف

2-بصة واحدة في الريموت تعرف العربية مقفولة ولا انت نسيتها مفتوحة (كنت بعمل الحركة دي كتير ههههههه)

العيوب

1-دلوقتي انا معايا اربعة ريموت واحد بشاشة واتنين اصلي قديم وواحد جديد من غير شاشة
2- الريموتات القديمة بتشتغل عادي بس من غير صوت (يعني فيه وحدتين استقبال جوة العربية)
3-ماينفعش توصله على الكلاكس على كلام الفني بس صوت السرينة بتاعته عالي

4-مش هتفتح الشنطة من الريموت تاني


واللي انا فهمته من الراجل هناك ان فيه 3 انواع من انذار Spy

1-ال2 way
2-انذار بيتباع من غير ريموت اساساً وبيتوصل على الريموت الأصلي اسمه Upgrade
3-انذار عادي 1 واي وبيتباع باتنين ريموت

بس هو كويس بغض النظر عن الحاجات دي

المشاركة الأصلية كتبت بواسطة timtim77

الف مبروك يا عمرو باشا
فين التقارير الجامده بتاعتك؟؟؟

راحت أيام الشباب بقى يا تامر بيه :))