الموضوع: انا بمشكلة بتمنى تساعدوني

كنت خايف عليك لما واحد قال هيا عايزاك تاخد خطوات ايجابية .. لان الانسان المحب بيبقا عايز يسمع الكلام اللي عايزة حتى ولو خطأ ..
لكن ارتحت لما لاقيتك لسه فاكر انها فعلا عاملاك احتياطي .. اوعا تنسا دة .. اياك ان تقبل ان ترتبط بواحدة كانت حاطاك احتياطي ..

افتكر جمله من لا يضعني تاج فوق رأسه .. لا أضعه حذاءاً في قدمي ..
وهي لم تضعك فوق رأسها .. يبقا مفيش مكان ليها ولو حتى في حذائك ..

وخليك متأكد من واحد مجرب .. انت طبعا هاتفتكر ان الحياه خلصت وانك مش هتلاقي حد زيها .. وانا اقسملك انك هاتلاقي الاحسن منها فوق ماتتخيل ميت مرة ..

خليك واقعي أكتر و قول الحمدلله ان الموضوع محصلش فيه حاجه تعقده ومتقدرش تسيبها. سيبك تماما منها ومتحولش تدور على غيرها دلوقت ابدا. ركز في دراستك ومستقبلك الوظيفي اولا عشان تبني اسقلاليتك. متوجعش دماغك في التفكير هيا ليه بتبعت رسايل, ايا كان السبب مش مهم, سيبها و خلاص

بجد حرام تدخل نفسك في مشاكل الحب والجواز وانت لسه صغير و مش مستعد خالص لأي حاجه هتظلم نفسك وهتظلمها معاك. الجواز والحب مش بس حبيبي وحبيبتي. بجد بجد بجد انساها تماما و صدقني هتنساها لو بطلت تفكر بيها. اهتم بدراستك و قوي الصله بربنا و بأصدقاء صالحين عشان متحسش بفراغ

انت لسه فى مقتبل العمر ,انساها وركز فى دراستك .وبعدين نصيبك حتاخده .

اوعي تزعل
لو قلتلك انك الكوتش الاحطياطي يبقي موقفق حلو كتير بالنسبالها
انت شوية شطه وتوابل لحاياتها مش اكتر هي بنت بتحب ان الكل يتعلق بيها
من الاخر البنت دي لعوب لعوب لعوب وبعد عنها
وهي من الاخر بتشتغلك

المشاركة الأصلية كتبت بواسطة زينة الله

أولا : ربنا معاكم فى الظروف الحالية فى سوريا

ثانيا : واضح إنها يا أما مش عارفة هى عاوزة إيه وكدا هتحيرك على الفاضى وتضيع وقتك وتتعب أعصابك وتعطلك عن مذاكرتك :::
يا إما عايزاك تدخل رسمى لو تقدر تمام وهتكون الأمور كدا أوضح من غير لوع ::: لكن لو ما تقدرش ركز فى مستقبلك

ثالثا : أنت لسه بتبنى مستقبلك ::: اللى هو أهم هدف فى حياتك حاليا وأى شئ يخليك تلخبط فى دراستك وأمتحاناتك زى ما بتقول أرميه ورا ضهرك وأنساه لأنك ببساطة لو فشلت فى دراستك ومستقبلك لا البنت دى هترضى بيك ولا غيرها ... لكن لو نجحت ألف واحدة أحسن منها تتشرف بيك ::: فاهمنى

أنا لو هأنصح أخويا الصغير مش هأقوله أكتر من كدا ربنا يصلح لك الحال و يكرمك بمستقبل ناجح وزوجة صالحة تسعدك

بغض النظر عن البنت دى و نواياها و افعالها, او اى بنت غيرها
اسمع الكلام الى فوق يا نضال و بطل تتعب اعصابك و مشاعرك
الحياه مراحل و المرحله الى انت فيها مرحلة دراسه و مذاكره
و ربنا يوفقك و يهديك الى صلاح الحال و راحة البال