المشاركة الأصلية كتبت بواسطة shadygalal669
أعمل زي الحياه لذيذه جدا على قد الدراسه و الاصحاب و كدا لكن حب دلوقتي وانا في الجامعه يبقي بهزر و اكيد في حاجه منهم هتاخد حق حاجه تانيه ده اولا
ثانيا بقي دلوقتي وقت دراسه مش هقولك انا بجيب امتيازات يعني لا انا زي باقي البشر ماده ولا اتنين امتياز و الباقي تشكيله من التقديرات يعني عادي بس انا مأجل الموضوع ده لاني شايف ان في وسط الجامعه مفيش واحده تنفع تبقي ام لاولادي بعد كدا
والجواز ان شاء الله جاي جاي متقلقش بس مش دلوقتي الجواز ده مسئوليه كبيره جدا مش مجرد يا حبيبي و يا حبيبتي و عرض فودافون للرسائل اللي رفع معدلات الحب عندنا في مصر ده :@
انا شايف الموضوع اكبر من كدا اولا لازم تبقي ضامن دخل ثابت و شقتك جاهزه و حياتك مستقره لابعد الحدود
وانا ضد اللي بيتجوز بالسلف و يزنق نفسه عشان يتجوز
سبها على الله و اتجوز لما تكون مستريح و يبقي الجواز مش حمل عليك
عن نفسي مش هتجوز غير لما اكون مستريح و شقتي و عربيتي و فلوس و وظيفه محترمه ليها مستقبل غير كدا يبقي انا هبهدل بنات الناس معايا و انا مش ناقص اشيل ذنوب علي واحده تتبهدل معايا كفايا الذنوب اللي عندي ربنا يغفرهملي
بالنسبه للبنت ... انا مش عارف انت ليه مش عايز تاخد بالك انك للاسف مركون على الرف او عجله احتياطي على حد تعبيرك
هي بس مجرد انها كرامتها وجعتها انك ازاي تسبها بالسهوله دي الموضوع عندها مجرد كرامه و كبريائها تعبها شويه مش اكتر
كبر دماغك و عيش اليومين بتوع الجامعه دول انا عايشهم محاضرات بما اني بحضر يعني و اقعد مع صحابي شويه و خلاص الحياه حلوه لكن متشغلش بالك كتير بالكلام ده و هتنساها و هتلاقي ست ستها :d