الموضوع: تقرير كامل مصور لتعديل شكل طاسات النيو اكسنت

النهرده بعد صلاه الجمعه قررت اعمل تغير فشكل العربيه من بره وفكرت لحد موصلت لانى ممكن اغير فشكل الطاسات لان العربيه 2010 وحرام اغير الجنوط دلوقتى الفكره وبكل بساطه انى قولت لو دهنت بعض اجزاى فالطاسه هيخلى شكلها احلى ومعاكو بقى بالتفصيل الملل
الاول هنجيب الطاسه بتاعت العربيه وبعد منفك الاربعه من العربيه ويطلع عنينا طبعا لانها لازم يتفك كل المسامير الى فالعجله
وبعدين اول حاجه هنشتريها ورقه صنفره 1000 وهنسحق ابيها الطاسه عشان المعان الى فيها يروح تماما وهتبقى بالشكل ده

صوره الطاسه بعد ماتسحقت يعنى اتصنفرت كويس

وبعدين هنبدا بقى نلزق الاماكن الى احنا عوزنها يبقى لونها فضى عشان ميجيش عليها لون مختلف بالشكل ده


اثناء مرحله التلزيق لازم نختار كويس ايه الى عاوزينو فضى وايه الى عوزينو اسو
بعد كده روحت اشتريت المون من عند محل بتاع دهانات وهيا كالاتى
نص كيلو اسود مط فرن
تمن كيلو ورنيش فرن بالمصلب والثنر بتاعو
كانو فحدود 40 جنيه
ورحت رايح لواحد بتاع دوكو اعرفو عشان يرشهملى طبعا رحتلو بعد مكنت مجهز كل حاجه فاضل الرش بس
وبدا فعلا يرش بعد ماتفقت معاه ياخد 30 جنيه
مرحله رش اللون الاسود طبعا بعد مانا لزقت الحتت الى عاوزها فضى وقطعتها كويس
بعد مالاسود خلص رش


طبعا الاسود المط ده بياعد عشر دقايق وينشف خصوصا الجو حر هنشيل اللزق وبعدين هيرش الورنيش على طول والورنيش مبيخليش الون الاسود يطلع ابدا تحت اى ظرف ويفضل محافظ على لمعه الطاسه زى دهان العربيه تمام


بعد مخلصنا رش الورنيش طبعا مفيش مكان بعيد عن التراب غير شنطه العربيه

دى كل الى انا عملتو هسيبكو بقى مع الصور بعد التركيب وعاوز رايكو