الجنوط بتسخن !

**Ashraf_Ibrahim** · 07-05-2011 02:46 AM

ازيكم يا شباب
من فترة غيرت تيل فرامل من شهر تقريبا !
لاحظت ان الجنوط اللي قدام بقت بتسخن اكتر من اللازم لدرجة انها بقت بتلسع لما احط ايدي عليها
دلوقتي انا حجزت في تكنو وان عشان اشوف الحكاية دي
التيل اللي ركبته مش الاصلي دا تيل كوري اسمه Hi Q
دلوقتي لما اروحلهم اقلهم غيرولي تيل الفرامل وشوفولي السخونية منين واللا اقول ايه بالظبط؟!
واحد من اعمامي قلي التيل اللي ركبته وحش وهو اللي مسخنلك الجنوط
وعمي التاني قلي ماستر الفرامل مش مظبوط بيقفش على التيل وميرجعش لوضعه الطبيعي
مش عارف اصدق مين فيهم او ايه غلط وايه صح؟!
انا اعتقد اني ضروري اغير تيل الفرامل عشان استمر في الضمان !
منتظر آراؤكم يا شباب !

**hondaaaa** · 07-05-2011 03:11 AM

باشا انا هقولك على المفيد .. المشكلة الا عندك دى ملهاش اى علاقة بالتيل المشكلة عندك فى خزنة الفرامل لان البستم الا بيضغط على التيل الفرامل مبيرجعش تانى وبتالى بيفضل التيل زانق على الطنبورة ...العلاج حسب لم الميكانيكى يحل الخزانة ويشوفها عايزة تتغير كاملة ولا عايزة طقم اصلاح

**hondaaaa** · 07-05-2011 03:13 AM

ملاحظة : بلاش تمشى بالعربية على كدة كتير لان كدة فى عبء على الماتور وممكن تدخل فى مشاكل تانية دا غير ان التيل هيخلص بسرعة جداا

**Ashraf_Ibrahim** · 07-05-2011 10:54 AM

المشاركة الأصلية كتبت بواسطة maka

هو التيل ال hi q كان فى الاول حلو لكن دلوقتى بقى ناشف و مش حلو

ممكن يكون معدل الحرارة اللى ناتج من احتكاكه بالطنبورة اعلى فده اللى مسخن الجنط

لو عاوز تعرف التيل قافش ولا لا اطلع اجرى بالعربية جامد و مور الفتيس و سايبها لو وقفت بسرعة تبقى الفرامل قافشة لو كملت جرى بنسبة طبيعية يبقى مفيش قفش

انا لما بمور العربية العربية بتستمر في المشي عادي جدا ولا كأن فيه حاجة مسكاها خالص!

المشاركة الأصلية كتبت بواسطة hondaaaa

باشا انا هقولك على المفيد .. المشكلة الا عندك دى ملهاش اى علاقة بالتيل المشكلة عندك فى خزنة الفرامل لان البستم الا بيضغط على التيل الفرامل مبيرجعش تانى وبتالى بيفضل التيل زانق على الطنبورة ...العلاج حسب لم الميكانيكى يحل الخزانة ويشوفها عايزة تتغير كاملة ولا عايزة طقم اصلاح

العربية لسة معملتش غير 21000 كم فقط لا غير!
معقولة يكون البستم ؟! طب ولو فرضنا ليه مكانتش بتسخن مع التيل القديم؟!

المشاركة الأصلية كتبت بواسطة hondaaaa

ملاحظة : بلاش تمشى بالعربية على كدة كتير لان كدة فى عبء على الماتور وممكن تدخل فى مشاكل تانية دا غير ان التيل هيخلص بسرعة جداا

سيبك من ان التيل يخلص بسرعة لأني ان شاء الله رايح اغيره يوم الاربعاء باذن الله
اساسا من ساعة ما ركبته وهو مش داخل دماغي !
ربنا يستر ان شاء الله !
طب فيه احتمالات تانية واللا هو البستم دا اخر كلام؟!

**essamenen** · 07-05-2011 02:26 PM

ارفع عجله عجله ودورها بايدك ودوس فرامل (كرر الموضوع مع كل عجله ) وشوف انه الى قافشه وقبل لما تدوس فرامل ولا بعدها
احتمال كبير من الفرامل

**fouaa** · 07-05-2011 02:43 PM

متابع

**mrghost** · 07-05-2011 07:47 PM

باشا كانت عربيتى كده واكتشفت ان العيب منى انا مش من العربيه ههههههههه
رجلى تقيله ع الفرامل وكمان بجرى وادوس فرامل كتير اوى اوى اوى ولما بقيت امشى طبيعى مبقاش فى الموضوع ده فخلى بالك قبل ماتلعب فى الفرامل ياريت تقول طريقه سواقتك هاديه ولا بتجرى ؟

**Ashraf_Ibrahim** · 08-05-2011 10:28 AM

المشاركة الأصلية كتبت بواسطة keko

الموضوع ده كان بيحصل معايا وسبه ان اجهزة اللفرامل كانت وحشة والفرامل بتقفش ومش بترجع تانى فاصبحت العربية ماشية باستمرار بالفرامل شغالة وده بيخلى الطنابير والجنوط تسخن الى جانب اكلان تيل الفرامل

f;vة ان شاء الله هشوف الحكاية دي عشان هحجز صيانة بكرة باذن الله

المشاركة الأصلية كتبت بواسطة essamenen

ارفع عجله عجله ودورها بايدك ودوس فرامل (كرر الموضوع مع كل عجله ) وشوف انه الى قافشه وقبل لما تدوس فرامل ولا بعدها
احتمال كبير من الفرامل

نجرب باذن الله بس ان شاء اله بكرة يحلولي المشكلة دي !

المشاركة الأصلية كتبت بواسطة fouaa

متابع

شرا لوجودك معانا هنا

المشاركة الأصلية كتبت بواسطة mrghost

باشا كانت عربيتى كده واكتشفت ان العيب منى انا مش من العربيه ههههههههه
رجلى تقيله ع الفرامل وكمان بجرى وادوس فرامل كتير اوى اوى اوى ولما بقيت امشى طبيعى مبقاش فى الموضوع ده فخلى بالك قبل ماتلعب فى الفرامل ياريت تقول طريقه سواقتك هاديه ولا بتجرى ؟

لا يا باشا انا مش بتاع شد وجري وكدة
اي نعم احيانا بعمل فيها عم المحترف وادوس وغرز وبتاع بس دي ليها اوقاتها لما حد بيضايقني على الطريق
ولكن لما امشي طريق مش طويل نسبيا مسافة 60 كم والكاوتش كان يفترض انه في نهاية الرحلة يكون مجرد انه دافي تشعر منه باحساس الدفء بس وتلاقي انه من دافي اتحول لأنه بقا سخن جدا وتحط ايدك عليه يلسعك يبقا الوضع مش طبيعي خصوصا انه طريق سريع يعني مفيش استخدام كتير للفرامل يبقا اكيد فيه حاجة غلط !
واللا انت ايه رأيك؟!