الفيرنا بتسخن مع التكييف

**bakkarahmed** · 10-05-2011 03:57 AM

نفس المشكله اللي مع واحد صاحبي وبعد ما عمل كل الكلام ده واكتر كمان لانه غير شكمان ممكن يكون مكتوم وغير قمصان المراوح علشان مش حاكمه وحساسات وغطا ردياتير ... وفي الاخر خلع الردياتير وسلّكه وبعدها المشكله راحت
العربيه كانت اتوماتيك

**lolita** · 10-05-2011 04:42 PM

غير جوان وش السلندر زى عندى و انسى اى سخونة

**SAMEHNOSHI** · 10-05-2011 06:38 PM

باشا... الكلام ده كان بيحصل معاك من قبل الثورة ولا بعدها؟؟؟ لان فى ايادى خفية بتخرب فى البلد و ممكن يكون اللى بيحصل فى عربيتك ده من اعمال فلول النظام السابق اللى عمالة تخرب فى البلد

معلش الرجالة قالو كل حاجة ممكن تكون السبب فملقتش حاجة اقولها...

**ahmedsameir** · 11-05-2011 06:02 PM

المشاركة الأصلية كتبت بواسطة pedooooo

يا رجاله هيونداى العربيه عندى بتسخن كل لما التكييف يشتغل و العربيه تكون بتجرى على طريق الحراره بتعلى بس انا بلحقها قبل ما توصل للاحمر بس الموضوع ده حصل بتاع تلت مرات
وروحت غسلت الريداتير و السربنتينه و التلاجه و برضه الموضوع زى ما هو
و بعدين الحر داخل و محتاج التكييف جدا
فا ياريت يا جماعه تقولولى الموضوع ده بيحصل من ايه

و شكراااااااا مقدما

بص يا باشا انا قابلتنى المشكلة دى و مرتاحتش الا لما غيرت الردياتير بس انا عربيتى موديل 2004 و لسه مغير الردياتير من شهرين بس و انا عملت كل اللى انت عملته و فى الاخر غيرته فبلاش مصاريف و غيره و علشان تتاكد خلى حد يفك الردياتير و يضغطلك فيه ميه وانت تشوف السدد بعينك لو لاقيت جميع المجارى اللى فيه سالكه يبقى تمام و العيب فى حته تانيه

**organic_magic** · 11-05-2011 08:30 PM

غيرت الفريون ؟؟؟؟

**khaabas** · 12-05-2011 02:56 PM

المشاركة الأصلية كتبت بواسطة SAMEHNOSHI

باشا... الكلام ده كان بيحصل معاك من قبل الثورة ولا بعدها؟؟؟ لان فى ايادى خفية بتخرب فى البلد و ممكن يكون اللى بيحصل فى عربيتك ده من اعمال فلول النظام السابق اللى عمالة تخرب فى البلد

معلش الرجالة قالو كل حاجة ممكن تكون السبب فملقتش حاجة اقولها...

ههههههههههههههههه فعلا فلول النظام هى السبب

**virus2007** · 15-05-2011 05:02 PM

اكيد فى حاجة مخرومة فى الريداتير

حاول تكشف عليها ...

انا معايا العربية وبسافر تلت مرات فى الاسبوع بعمل حوالى 250 كيلو فى الاسبوع ومشغل التكيف ومفيش مشكلة نهائى بالعكس انا شايف ان دى من اكتر مزايا الفيرنا

العربية بتتعب بس مع التكيف من حيث الاداء لما تكون مسافر مثلا شرم الشيخ وكدة انما غير كدة العربية مع التكيف كويسة جدا ومش بتسخن نهائى ودايما العلامة فى النص

**sindbad2day29** · 10-05-2013 04:08 AM

يا ترى صاحب الموضوع ده لقى العيب فين
و هل العيب ده إتحل و لا لسه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**zakiali** · 10-05-2013 04:52 AM

أنا عندي نفس المشكلة بس العربية بتسخن لما اوصل لسرعة 120 لدرجة انها ممكن توصل قرب الأحمر ولما اخفف السرعه تقل ولما ازود تاني السخونة تزيد .. غسلت دورة التبريد مفيش فايدة .. شلت ثرموستات الكوع مفيش فايدة .. غيرت فلتر الهوا والزيت والبنزين والبوجيهات مفيش فايدة .. مش عارف أعمل ايه تاني حاجة تقرف