عرض للطباعة
رجالة الفليشيا
كل و احد يقر و يعترف
بيحط بنزين كام ؟؟
بقاله اد ايه بيحطه ؟؟
عمله مشاكل طول الفترة ديه ولا لأ ؟؟
الى عرفته ان البنزين بيتحط حسب نسبة الانضغاط
8 يبقى 80
9 يبقى 90
10 يبقى 92
11 يبقى 95
12 يبقى 95
و نسبة انضغاط الفليشيا 8.9 !! (ايه الوضع دلوقت !! :oops1:)
انا الصراحة مشيت ب 90 الاول فترة كبيرة و بعد كدة 80 فترة اكبر
و بفكر حاليا احط ايه بعد كدة !!
الفليشيا يمشى معها أى بنزين بس يا تحط 80 يا 90مينفعش تغير كل شويه علشان بنزين 80 بيحتاج زبط معين غير التسعين
بس طبعا لو تقدر تحطلها تسعين هيفرق معاك فى السحب وصوت الموتور
اقتباس:
المشاركة الأصلية كتبت بواسطة x_john
انا مش بغير كل شوية انا الاول كنت بمشى 90 و بعدين قلبت 80 من 8 شهور قللت الكهرباء شوية
انت بتحط ايه ؟؟ من قد ايه ؟؟
80 بقالى سنة وقبلها كنت 90
العربية ماشية بال80 عادى لكن فى فرق طبعا فى الاداء
لكن فرق الفلوس يستحق التضحية ههههههههههههههه
أنا هطيط تسعين مرتين ساعة ماجبت العربيه وبعدها قلبت 80 وظبت الموتور على كدة
ايه يا جدعان فيين بقيت الفليشياوية
80
ربنا يكرمه ويخليه
دا حبيب الملايين
تسعين علشان احافظ على العربية
80
+11111
بعد تجربة 80 لستة اشهر 90 هو الانسب للفليشيا فرق فى الاداء و السحب و صوت الموتور
انا بحط 90 علشان الاداء احسن
انا بحط 92 لان السعر مش بيفرق عن 90 كتير
يا جماعة العملية واضة :: لو انت مش مشكلة الفلوس معاك و فرق السعر يبيقي خليك 90 أو 92 لانه انسب للعربية كتير من حيث السحب و صوت الموتور و كمان حسب طريقك المعتاد لو انت بتمشي كتير وسط البلد انصحك ب 90 او 92 لكن لو سكتك في السالك علي طرق مفتوحة ساعتها 80 هيكون كويس
انا عنفسى معود عربتى على ال80 وهيا مرتاحة معه تمام التمام وماشية زى الفل اللهم لا حسد والحمد الله رب العالمين....*
طيب يا جماعة استفسار ازاي اظبط العربية عشان احط بنزين 80
اقتباس:
المشاركة الأصلية كتبت بواسطة atala
شوف انتا حط فيها بنزين 80 ورح للميكانيكى بتاعك هو حيظبط لك كل حاجة....
90 علشان بيفرق فى السحب و المحافظه على الموتور على الرغم انه بيتعب الجيب امرى لله
مش بتفرق كتير عندي 80 زي 90 زي 92 مش ليه
80 لو انا طالع من مطب علي التاني وجبت اخر الدواسه (كيك دون بلدي)مش بتسقف بس الصوت بيكون خشن شوية ولو حطيت 92 العربيه بتسحب سحب ممتاز بحس ان صوت العربيه مكتوم لما بجيب اخر الدواسه
الافضل للعربيه 90 لان 8.9 يعني 1. ده مش رقم يعني
92 لأن العربيه جربت احطلها 80 بهدلتنى ومكنتش بتدور الصبح خالص
وطبعاً مجاش فى بالى وروحت للميكانيكى دخلت فى طرمبه وفلتر وبوجيهات وكل ده وانا مش متصور انه البنزين وسبحان الله فى الاخر مظبتتش غير لما التنك خلص ورجعت تانى 92 بالصدفه لأن ملقتش 80 ومن ساعتها مجربتش تانى لو هركب مواصلات
السلام عليكم
الكتالوج بيقول بالنسبة لمحركات سكودا فيليشيا كربراتير: وقود عادي بالرصاص أو بدون لا يقل عن 91
بصفة عامة ومن التجربة فعلا 90 مناسب وكويس ولو الفرق في سعر 80 مغري العربية بتستهلك منه كتير عشان معدل الأداء.
92 مناسب لعربيتي مجربتش اغير بصراحة لـ 90 او 80
اقتباس:
المشاركة الأصلية كتبت بواسطة x_john
انا بستعمل 80 بس بفكر اغيرو عشان حاسس انو بيتعب العربيه وبما انكو بتتكلمو فى البنزين لو حد اتعامل مع بتاع كربيراتير كويس يدلنى عليه
مساء الخير يا جماعه من فضلكم عايزيين نفيد بعض و نعرف معدل الا ستهلاك للبنزين داخل و خارج البلد بالنسبه للبنزين 80 و 92 . اتمنى الرد منكم انا عن نفسى بعد ما ضبط شويه حاجات جارى التجربه .
انا حطيت 92 لمدة سنتين و لما غلي و من اول يوم غلي فيها حطيت 80 اعتراضا على الغلاء , هههههههه ال يعني في حد هايعبرني , اهو احتجاج داخلي و خلاص بدل ماطق اموت , و مني اوفر برضه , ساعتها كان احمد عز الله يلعنه هو سبب اخر غلاء للبنزين و بصراحة من ساعتها و انا 80 و بس و نادرا لما بحط 92 , انا شخصيا مش معترف بــ 90 خالص لانه بيستعبط كدة لا منه رخيص و نضيف و لا منه فارق بكتير عن الــ 92 فانا بعتبر نفسي مش شايفه و بحط 92 وقت اللزوم لما بتبقى في ازمة في الــ 80
حلوة الاحتجاج الدخلى اهو نوع من انواع التعبير ....اقتباس:
المشاركة الأصلية كتبت بواسطة wael_ghreez
السلام عليكم..انا والدى عنده سيارة بيجو 605 وهى نسبة الانضغاط فيها 1:8.7...المهم فضلت وراه لغاية ما حط 80..العربية أداءها قل عن الأول..لو طنشت وجيت اطلع على التالت تسقف...على سرعة 180كم/س تلاقى صوتها عالى وممكن تسمع تسقيف فى السرعات العالية مع التكيف..البوجيهات احمرت جدا..كل دى اعراض تخلى بعد كدا الكرنك يبوظ ويقصف عمر الموتور..نصيحة منى لو نسبة الانضغاط اعلى من 8.4 متحطش 80