الحمد لله استلمت امبارح من الاتحاد صني ذهبي اوتوماتيك abs و دة بقي تقرير الاستلام
1- الناس بصراحة هناك محترمين جدا وملتزمين في المواعيد اوي
2- عملت بالنصائح بتاعتكو وجربت الانوار والتكييف والاشارات والكاسيت
3- استلمت كاتالوج العربية وضمان الكاسيت وضمان البطارية وقالولي ضمان العربية هستلمو ان شاء الله مع الورق بتاع العربية
4- عملت بنصيحة الاستاذ حسين و روحت علي اقرب محطة بنزين وفولت وحطيت نيتروجين في الكاوتش بس الراجل قالي معنديش 33 و36 عندي في الجهاز 30 و 35 معرفش دة صح ولا لا ؟ المهم خليتو ضبتهم مؤقتا علي 30 بس بصراحة الموضوع دة فرق اوي في المشي بتاع العربية وبقت ناعمة اوي
والحمد لله وصلت البيت بسلام
ملاحاظاتي علي السيارة حتي الان
1- باب السائق محتاج يتظبط مش بيقفل بسهولة
2- الباور تقيل اوي يعني زي ما يكون مفيش باور فهل دة طبيعي ولا ايه ؟
3- صوت الموتور عالي شوية
لكن عموما انا الحمد لله لحد دلوقتي مبسوط بيها اوي وربنا يباركلي فيها وارخص علي خير
مستني تعليقاتكم وتوجيهاتكم الغالية والمفيدة
واخيرا يا ريت تقبلوني عضو نيساناوي جديد معاكم
المفضلات