لمحبي السيارات المعدلة: ما هو في رايكالموديل الذي يعطي النتيجة الاجمل بعد التعديل؟
لاني من الناس اللي بتحب العربيات المعدلة "المتظبطة" و باعتبرها انعكاس في احيان كتيرة لشخصية اصحابها و تميزهم "وده طبعا ينطبق بس على اللي عنده امكانيات انه يمتلك و يعدل عربيته الخاصة, يعني الادا بتاعة والدي اللي بركبها احيانا مش محسوبة" كنت دايما احب التعديل في موديلات معينة بحس ان المجهود اللي صاحبها بذله فيها غير من هويتها تماما و خلى شكلها اروع بكتير ,غير موديلات او ماراكات تانية بحس ان التظبيط ما بيلقشي عليها .
عشان كده احب تشاركوني برايكم و ياريت لو في صور توضح راي كل مشارك ان امكن
وانا هابدا براي عن احلى الموديلات في التعديل:
-الاوبل فيكترا الشكل اللي قبل الحالي
- الفولكس جولف بكل اجيالها
-الهوندا سيفيك كل موديلاتها الحديثة
-الانسر الكريستالة
-طبعا ال128 و الشاهين "عربيات مصرية اصيلة"
طبعا ملاحظين ان كلها موديلات موجودة في مصر لان لو فتحت في اللي بره مش هنخلص
اسف على التطوييل و ارجو تشاركوني بارائكم.