العربية بتقطع و انا ماشى!!!!

**mbehery** · 07-05-2011 09:26 PM

يا جماعة انا عربيتى بتقطع و انا ماشى وانا بنقل مع اول كل نقلة وانا بدوس بنزين العربية تقطع منى مش عارف ليه مع العلم انى لسة عملها صيانة 20000 كيلو فى التوكيل وغيروا فيها سير التقسيمة والبلية و البوجيهات و فلتر البنزين و فلتر الهوا و اتلمتها منهم و مشيت بيها 4 ايام و ما مكنتش بتعمل كدة بس فجاة امبارح و انا ماشى بيها فوجئت بالحكاية دى كل ما اجى انقل نقلة فى اولهها و انا بشيل رجلى من الدبرياش و بدوس بنزين العربية تقطع و بعدين تمشى عادى لحد ما انقل تانى تقوم عاملة نفس القصة
و لما فتحت الكبوت و هى دايرة سمعت صوت حاجة ذى طقطقة كدة و هى دايرة و لما بقف جنب الشكمان بسمع صوت الفرقعة او الطقطة دى بتروح و تيجى
يا ريت يا جماعة حد يفيدنى لانى خايف يكون التوكيل الفاشل ده بوزلى حاجة

**eslaaam** · 08-05-2011 03:52 PM

متابع
للاهمية

**mbehery** · 09-05-2011 08:15 PM

مفيش حد يرد علينا ولا ايه يا رجالة.......................
طيب انا حزود حاجة تانية يمكن اسهلها شوية..........
انا بسمع صوت الطقطقة من عند الموتور و الصوت شكله كده و الله اعلم زى ما يكون صوت كهربا........
ياريت حد يفيدنا يا جماعة بسرعة قبل ما تحصل مشكلة وانا ماشى لا قدر الله .............

**mohamedhussien1977** · 14-05-2011 02:22 PM

ان شاء الله كده المشكلة تكون بسيطة و غالبا هتكون مشكلة ضبط كهرباء الاسبراتير
خاول تروح لميكانيكى يظبط كهرباء العربية

**elewey** · 15-05-2011 02:04 AM

المشاركة الأصلية كتبت بواسطة mbehery

مفيش حد يرد علينا ولا ايه يا رجالة.......................
طيب انا حزود حاجة تانية يمكن اسهلها شوية..........
انا بسمع صوت الطقطقة من عند الموتور و الصوت شكله كده و الله اعلم زى ما يكون صوت كهربا........
ياريت حد يفيدنا يا جماعة بسرعة قبل ما تحصل مشكلة وانا ماشى لا قدر الله .............

باشا دة احتمال كبير تكون طرمبه البنزين ضعيفة بس من الواضح ان عربيتك لسه زيرو يبقى ارجع للتوكيل يكشف عليها هناك

**mbehery** · 15-05-2011 09:08 PM

يا جماعة انا متشكر جدا لمشاركتكم فى حل مشكلتى بس للاسف هى ولا دى ولا دى انا علافت المشكلة منين و للاسف يا ريتنى ما عرفت.................

طلع ان بتوع اوماترا منهم لله و هما بيغيرو ا البوجيهات قطعولى كبل من كبلات البوجيهات و علشان يداروا عليه لازقوا بشيكارتون علشان يعنى محسش بحاجة و انا بستلم العربية و بعد ما ستلمتها بكام يوم بدء التقطيع لان الشياكرتون ساح فالكابل بدا يهرب كهربا و يعمل التقطيع و الصوت ده فى العربية................
مش حقول غير ربنا ينتقم منهم علشان مدوخنى كده بس انا اللى استاهل انى روحتلهم اصلا دى غلطة و مش حتكررر تانى انشاء الله