الموضوع: اخطاء شائعة عند تركيب الإنذار (دعوة للمناقشة)

ربنا كرمنا بالنت ومواقع زي اليوتيوب وكدا..واكتشفت إننا في مصر بنركب الإنذار علشان يوأوأ ويعمل دوشة وخلاص..لدرجة إن مابقاش حد يهتم بالعربية إللي بتصرخ في الشارع..اي شارع..المهم اكتشفت إن في فروق كتير في حرفية تركيب الإنذار بين مصر والعالم!!! خدوا عندكم..

- تضفير السلك: في مصر بيقشروا السلك وبعدين يضفروا الحتت المقشرة ويحطوا عليها شريط لحام ودمتم..برة بيلحموا السلك المقشر بالقصدير وبعدين يحطوا عازل heat shrink، وفي قلة قليلة مندسة في الخارج بعد القصدير بيعزلوا بشريط لحام..وطبعا الصنايعية في امريكا بيستخدموا حاجة اسمها posi tabs ودي حاجة اختراع في توصيل الاسلاك..

- مكان جهاز الإنذار: مكان جهاز في مصر معروف مسبقا..مد ايدك تحت عمود الدريكسيون وشد يا معلم وافصل الجهاز وانطلق بالعربية وخللي صاحب العربية يبقى يدور عليها بقى!!!..في اوروبا والدول المتقدمة بيخبوا جهاز الإنذار في ارخم حتة تحت التابلوه..يعني يفكوا الدرج او الكنوسول حوالين الكاسيت ويحطوا جهاز الإنذار وراهم

- الاسلاك الزائدة: عادة بتلاقي الصنايعي في مصر اول ما يمسك ضفيرة السلك يبدء في نزع مجموعة من الاسلاك ويرد عليك الاسلاك دي زيادة!! وطبعا كلنا عارفين إن مافيش صنايعي في مصر بيركب الريلاي بتاع قطع الكهربا عن الموتور..طبعا في الخارج ما فيبش العك دا..دول حتى بيشتروا حساس الحركة داخل الصالون (ميكروييف سنسنور) إللي مش بيجي مع الإنذار اصلا..بالمناسبة الميكروييف سنسور دا مش بيتباع في مصر!!! وايضا، في مصر لا يوصلون الكبود على الإنذار..وداخلين في موضوة اليومين دول إن الشنطة ماتتفتحش لو بشداد!!

- قطع الكهربا: قطع الكهربا دا اساس من اساسيات الإنذار في اي نوع وموديل، ولكن..نعم ولكن.. وكما قلنا مرارا..ماحدش بيركب الخاصية دي!! اللذيذ بقى إنهم لو ركبوها بيركبوها تقطع كهربا الموبينة..بس الأفضل إنه يركب على طلمبة البنزين..يعني يفصل الكهربا عن طلمبة البنزين..ليه بقى!!! لأني شفت سواق تاكسي عمل توصيلة من البطارية للموبينة ودور يا معلم

- في الخارج في ناس مبالغين بيحطوا بطارية احتياطي backup battery على الإنذار..الفكرة عامله زي كشاف النور إللي بيشتغل لما الكهربا تقطع..علشان لو الحرامي ناصح شوية وعمل قفلة او عرف يوصل لسلك التغذية للإنذار يبقى كأنك ما غزوت.

ما رأيكم ادام الله عزكم

المشاركة الأصلية كتبت بواسطة a.saad

مش اما يعرفوا بصلحوا العربيات الاول

ههههههههه
جامد جدا التعليق دا...صحيح ايه الطموح إللي الواحد فيه دا :-)))))

عاوز اقولك انت راجل برنس...موضوع جامد جدا للغايه بشده

هما بس اللى فالحين فيه لما يجى يركب يسالك و يقولك
بااااااااااااااااااشا مش عايز و حدتين رفع بالمره :)

الصنايعى المصرى الوحيد اللى لما بلقيه فاكك حاجه وبعدين يجى يركبها بلاقى نص الحاجات مش متركبه واسئله عليها يقولى دى زياده اصل هو بيعدل على الخواجه
وفعلا على رايكم لما يعرفوا يصلحوا العربيه الاول يبقى نكلم فى لحام سلك