ايه رأيكم فى التقييم المرفق - التقييم عن الأعتماديه فى ماركات السيارات و هناك مفاجات فيها
Ratings | J.D. Power
عرض للطباعة
ايه رأيكم فى التقييم المرفق - التقييم عن الأعتماديه فى ماركات السيارات و هناك مفاجات فيها
Ratings | J.D. Power
مش بقتنع احياناً بتقييمات JD Power, لانهم بيقيموا من منطلق عجيب شويه, يعني مثلاً.......
ازاااااااي بي ام اقل من كيا و هيونداي في الباور ترين !!!!, و ازاي هيونداي اعلى من كيا اصلاً
في حين انهم وجهان لعمله واحده تقريباً..!!!! فولكس واخده تقييمات ضعيفه جداا و اقل من هيونداي بردو..!!
ازااااي اذا كان بي ام و مرسيدس و فولكس يعتبروا في صدارة مصنعيين المواتيير و الجيربوكس المتطورين..!!!
تويوتا واخده اعلى تقييمات في الياباني تقريباً... في حين ان نيسان و مازدا و هوندا اقل منها في التقييم,
و الواقع من وجهة نظري ان تويوتا تاخد تقييمات اقل من هوندا و نيسان و مازدا....!!!!!
ليكزس و لينكولن و جاجوار واخدين اعلى تقييم في كل البراندات اللي تم تقييمها تقريباً... مش هنختلف
ده مجرد مثال يخليني لا اقتنع بالتقييم ده على الاطلاق... و عموماً ده رأي الشخصي و وجهة نظري
تقبــل تحيــاتي...
أتفق تماما مع المهندس غازي في الرأي
طيب انت تعرف ايه هى الاسس اللى قيموا علي اساسها ؟
انا شخصيا شايف ان كلامهم صحيح الى حد كبير فى موديلات 2011 بالتحديد زى ماهم قالوا
لكن على مستوى السنوات السابقه قد يختلف الوضع
يـا ريت تقوللي ايه هي الاسس اللي بيقيموا على اساسها ؟؟؟
و سواء الكلام على موديلات ما قبل 2011 او موديلات 2011, يا ريت تشرحلي
وجهة نظرك ايه الفرق اللي حضرتك شايفه فااارق للدرجه دي خصوصاً في 2011 ؟؟؟
انا شايف ان التطور التكنولوجي واضح زي الشمس... يعني لو ركبت بي ام او مرسيدس
موديل التسعينات (مش 2011 ولا 2000 حتى) هتقدر تميز و بوضوح شديد
التكنولوجي و الجوده و الاداء و القوه في كل شئ... و طبعاً كان يعتبر الفرق شاااااسع
بينهم و بين اي براند آخر في الفتره دي او بعدها وصولاً لـ 2011... بردو في فرق
مين في البراندات اللي اتقيمت تقييم لا تستحقه (عالي عليهم) عملت جيربوكس
بنفس التطور بتاع الـDSG من فولكس فاجن ؟؟؟ دول لسه بيقولوا يا مُسهل في
جير بوكس عااااااادي 6 سرعات..!!!!!! مين عمل موتور تيربو زي الـTSI مثلا
او تيربو في البراندات اللي اتقيمت تقييم ظالم زي نيسان او بي ام مثلاً او اللي ماتقيمتش اصلا
زي فيات و ألفا....!!!!!!! ليه لم يتم تقييم فيات و ألفا بالمناسبه بقى ؟؟؟؟
مين منهم عمل تكنولوجي زي فيات مثلاً او مجموعة فولكس او مرسيدس او بي ام..... ؟؟؟؟
انا فعلاً عايز افهم وجهة نظرك, ايه الفرق بين البراندات في موديلات 2011 و ما قبلها؟؟؟
و ليه شايف ان عندهم حق؟؟؟ و ايه هي الاسس اللي بيتم التقييم على اساسها في JD Power ؟؟
تقبـل تحيــاتي...
انا نفسى معرفش ولكن بالتأكيد هم ليس لهم مصلحه فى تزوير او تزييف
ممكن يكون التقسسم بناء على رأى مستخدمين أو من وجهة نظر مستعمل عادى ميهموش التكنولوجيا الجديده أو معدلات سحب السيارات لعيوب ما, لا أعرف وان كنت سأبحث فى الموضوع ده لما يكون عندى وقت
وشكرا