انا اشتريت عربيه النترا 2009 مستعمله عامله حتى الان 48000 و عايز على ال 50000 اعمل الصيانه بس المشكله ان مش معايا فواتير متابعه العربيه مع الصيانه من الاول و بعدين هيا ملاكي بورسعيد و كانت كل صياناتها هناك اتعامل انا ازاي مع التوكيل هنا في القاهره ؟؟
اولا 1000 مبروك على العربية و يا رب تكون وش خير عليك
عادى جدا كلمهم واحجز موعد الصيانة
ولما تروح اسأل على الصيانة اللى قبل كده لو كانت عندهم حتلاقى المعلومات موجودة على السيستم
ولو مش عندهم حيبقى الضمان باى باى بس حيقولولك على كل اللى فيها
بالتوفيق
تحياتى
السلام عليكم
طالما العربيه وكيل مش خليجي هاتلاقي بيانات العربيه عنهم و صيانتها كلها بتقارير أستلام و تسليم موجوده لكن بشرط تكون بتعمل الصيانه في التوكيل من الأول
حضرتك هاتعمل حاجه بسيطه جدا هاتتصل بجي بي أوتو و تديهم رقم الشاسيه و الموتور و لو طلبوا أديهم رقم العربيه و تقلهم علي الصيانه المطلوبه
و ده رقم مركز ابو رواش 0235391201
و انا إن شاء الله بكره في التوكيل لو تحب أسأل لحضرتك علي أي حاجه
الف شكر يا حسام باشا و شكرا على الافاده يا عادل باشا
العفو يا فندم
على فكره لو معملتيش فى التوكيل مفيش مشكله
اىى مركز خاص بره يعمله
لانه مفهاش اى شىء معقد انت هتغير السيور بس هته من التوكيف فى شارع دمشق بلاش من بره نصيحه
وطقم كهرباء وفلتر بنزين وتكييف على الحر النار الى احنا فييه وتربيط عشفه بس
والف مبروك على العربيه
الف شكر علي المعلومات الظريفة دي