قلنا البلد محتاجه احكام عرفيه -- قالو اطلع منها

**aminibrahim** · 08-05-2011 04:54 AM

لو كانوا فرضوها من الاول لحد النتخابات يمكن مكنش الي بيحصل ده حصل

شكلها كده غايره في داهيه

**cheetos_892005** · 08-05-2011 05:00 AM

يا جدعان اعرفوا يعني ايه احكام عرفيه الاول بعد كده طالبو بيها .............

و بعدين احنا بقالنا كام شهر على ده الحال

كل ما نهدى ......يطلعلنا حاجه زي دي ....

والله واحد صاحبي مهييس قالي مثل مش قدر انساه ((مصر بقت عامله زي واحد بيستحمى ....كل ما يظبط ساقع مع سخن ....امه تفتح المياه في المطبخ ))

ملحوظه : احنا في احكام عرفيه

**aminibrahim** · 08-05-2011 05:12 AM

المشاركة الأصلية كتبت بواسطة cheetos_892005

يا جدعان اعرفوا يعني ايه احكام عرفيه الاول بعد كده طالبو بيها .............

و بعدين احنا بقالنا كام شهر على ده الحال

كل ما نهدى ......يطلعلنا حاجه زي دي ....

والله واحد صاحبي مهييس قالي مثل مش قدر انساه ((مصر بقت عامله زي واحد بيستحمى ....كل ما يظبط ساقع مع سخن ....امه تفتح المياه في المطبخ ))

ملحوظه : احنا في احكام عرفيه

شكلها الدش هايغرقها الوطنين بقوا بلطجيه

**Ghost2** · 08-05-2011 05:58 AM

ان لم تدخل مصر في مجال الشرعية خلال فترة قليلة فانا اتعهد لكم انه سيتم تقسيم مصر ... خلو بالكو ان اللي حصل ده هيكون صداه وحش جدا في الصعيد .. ده داخليا .. بغض النظر على نشوء حزازيات بين الطوائف الدينية والمذهبية ... خارجيا لو الموضوع تطور هندخل في طريق الوصاية على مصر ..( والامريكان لما بيلزقو في حته ولا بيطلعوا بالطبل البلدي )

السلفيين من وجهة نظري انهم متهورين شوية ... بمعنى ان واقعة زي دي وكلام عن بنت مخطوفة او ما شابه ... فا صعب يوصل الامر الي اكتر من 100 جريح .. و14 قتلى ... اللي مات ده مصري .. مش هنصنفه بدينه ... الثورة في سنة 1919 كان شعارها الهلال والصليب ... في 1952 مكانش في فتن طائفية .. ولما حاولو يلعبوها مع السادات .. هو عرف يلم الموضوع بس وقتها كان في قائد بتثق فيه جموع الشعب بكامل طوائفه ... دلوقتي الشعب الي الان مالوش كبير واللي عايز حاجه بيعملها ... السلفيين لا يمثلوا اكتر 3% من المصريين ... انا عايز اقول حاجه ... اللي بيخطط عشان ينفذ فكرة ... عمره ما هيحاول يبان في الصورة ... السلفيين كانو موجودين في الواقعة فعلا .. بس مفيش بينة على انهم ضربوا نار على الكنيسة ... ولو ضرب نار فده رد فعل على ضرب نار من الكنيسة . ومعظم الروايات بتقول كده والله اعلم. بس السؤال بقه لو السلفي معاه سلاح والقبطي معاه سلاح ... السلاح ده جه منين ؟؟؟؟!! .... ليا طلب عندكو ... ياريت مجدش ينشر خبر اللي لو متأكد منه على الاقل بنسبة 90 % في ناس ماتت انهارده بسبب ترويج اشاعة .

ملحوظة : مش كل ما تحصل حاجه نقول موساد او مخابرات امريكية ولا حماس ولا شيعة ... ( نعيب زماننا والعيب فينا ... ولو نطق الزمان لنا هجانا) ولكم فائق تحياتي