:oops1:
انا اسف اذا كان خاني التعبير او اللفظ انا مش قصدي صداقه بمعنى صحوبيه يعني
انا قصدي على المنتدى هنا علاقه اخويه زي اللي بين جميعا والله لا اقصد خالص صداقه كصديق شخصي يعني
وعموما الحمد لله اخونا اعتذر لحضرتك والموضع انتهى على خير
عرض للطباعة
انا كنت عاتب عالمشرف اللي شاف ان ردي كان يستحق المخالفه
ومع ذلك تقبلته..
ولكن ..قبل مايتقفل الموضوع ده احب اقول بس ان الكلام اللي اتحذف من مشاركتي مكنتش شتيمه زي اللي حصل من الاخ التاني ولكن كان( عتب ) عليه, والاداره شافت اني كده بتهكم عليه
عشان حذف الكلام ممكن يدي انطباع اني سبيت لا سمح الله
معلش بس كان لازم أوضّح الكلام..
و عموما حصل خير
الحمد لله حصل خير كما قلت سلفاَ
واجمل شيئ عملتة انك وضحت الاسباب بأنواعها بما فيهم الحذف والنقاط .. وانك مكنتش بتشتم خصوصا ان النقاط بتتفهم لدي البعض بشكل عكسى وغير واضح وبيعتقد انها الفاظ سيئة ... وانت دكتور محترم طبعا وانا اشهد بذلك انك انسان محترم -
وجدير بالمعرفة ومستحيل تقول رأي خارج او لفظ سيئ .. النصيحة من اخ للاخ واجبة وغير ملزمة طبعا وقد تؤدي لتكوين انطباع سيئ - فأحسنت قولاَ وكلاماَ يا دكتور محمد ..
فعلا دكتور محمد من الاشخاص المحترمين جدا
ومن غير ما يوضح انا عارف دكتور محمد ومتاكد انه لا يمكن يبدأ بالسباب لاي عضو
وعلي فكره انا لو كنت مكانه كان ممكن يكون ردي اعنف من كده
لان ده مش الاسلوب الي متعودين نتعامل بيه هنا مع اخواتنا العضوات
وكون مفيش قوانين للادره بتحكم المواضيع دي وتحط حدود للتعامل وطريقة الكلام (ده لانها حاجات emotional صعب تتقيد بقوانين)
فمفيش مشاكل ان حد من الاعضاء يوضح النقطه دي ويوضح للعضو الفاضل غلطه
واكيد التوضيح ده يكون باسلوب محترم
بس مع تكرار الموقف من نفس العضو مفيش مشاكل برضه ان الاسلوب المحترم يتغير لاسلوب تاني (حتي لو وصلت لوقف مفيش مشاكل برضه)
بس وقتها هيبقي اسمه وقف مشرف
وهيبقي الوقف ده شرف لصاحبه
زي ما حصل مع اخونا شنوري في موضوع سابق
__________________________________________________ ________
والف مبروك يا دكتور علي الوقف المشرف
A.Yakout
معلش لو كانت نبرتي عاليه شويه في الرد الي فات
لا اله الا انت سبحانك اني كنت من الظالمين
A.Yakout
على فكره يا جماعه الأخ مشتمنيش ولا حاجه بس كان بيتكلم بتهكم وأنا كان ردي على أد اللي وجههولي وممكن أكون غلطت في ردي عليه بس هوه برضه تهكمه كان اسلوبه مش كويس
وفي الاول وفي الاخر انا كنت بهزر بس خاني التعبير وعموما كل شيء وجهات نظر وانا بتقبل الرأي الاخر في حدود الاحترام حتى وانا بكلم العضوه كنت محترمهه ومجرحتش فيهه
وعلى فكره انا مشتكتش العضو والاداره هيه اللي وقفتنا احنا الاتنين بسبب شكوته
أخي العزيز انا بكن لكل الناس كل احترام وعمري ما هجرح في عضوه وكده يجوز اكون تماديت في الكلام بإسلوب غلط ولكن دون تجريح أو إسفاف وعموما لو كنت فعلا قللت من احترام العضوه أو إسلوبي كان لا يليق بالمنتدى كنت إتوقفت على ردودي ديه
وعموما انا بتقبل النقد في حدود النقد البناء اللي يفيد ومن غير ما يزعلني أو يزعل حد مني
شكرا ليك
ليا تعليق على النقطة دى تحديداَ .. النقد حتى لو نقد بناء بيزعل احياناَ والشخص الموجة لة النقد فية منهم بيتقبل ومنهم لاء
وف كلام حضرتك قلت تحديداَ جملة مناقضة .. نوعا ما ... وهى " حدود النقد البناء اللى يفيد ومن غير ما يزعلنى !! " جملة حضرتك بتقول انك لن تتقبل النقد اللى ممكن يزعل حضرتك - اي حكمت على نوعية معينة فقط من النقد تريد سماعها والنوعية الاخري لا .. حبيت بس اوضح النقطة دى ان حتى النقد البـناء ممكن يزعل !.. والفيصل هنا هو مدى ثقافة وتسامح وعقلية الشخص الموجة لة النقد ..صح ؟
حصل خير يا باشمهندس
العضو cyborg_ift فهم غلطه واعتذر للدكتوره ازميرلدا
نقطه اخيره هوا مش واخد باله منها
وهيا نقطة ان في حاجات او تصرفات مش مقيده بقوانين
يعني مش كل علاقاتنا الاجتماعيه نقدر نعملها قوانين تحكمها
يعني قوانين المنتدي مش هتقدر تدينك كونك حولت الموضوع لشات وباسلوب مش ظريف وغير لائق
قوانين المنتدي تحكم شتيمه , تجاوز لفظي , شخصنه , تهكم ..... الخ
لاكن استحاله يكون لكل موقف قانون
وعلشان كده انتا متوقفتش علي اسلوبك واتوقفت علي ردك علي الدكتور محمد
بس دي برضه ميديش الحق لاي عضو ان يقول بقي مفيش بالنسبه للنقطه دي قانون ونتصرف براحتنا
لان تكرارك لنفس الاسلوب ده هيحول المواضيع الي كررت فيها اسلوبك ده للجنه وهيا هتشوف العقوبه المناسبه
فيا cyborg_ift المره دي عدت بدون وقف
يا عالم المره الجايه ممكن تكون ايه
A.Yakout
سبحانك اللهم اني كنت من الظالمين