السلام عليكم
سير كاتينة الفيليشيا جنزير والحمد لله مابيتقطعش بس ممكن يخشن ويعلى صوته، هل لو سير الكاتينة قديم يأثر على سحب العربية؟؟ ولو عاوز أغيره بكام ومنين الأصلي، واحد قاللي إن عشان تغيره هيطلع الموتور ويفك نصه الكلام ده صح؟؟ يا ريت حد يفيدني...
عرض للطباعة
السلام عليكم
سير كاتينة الفيليشيا جنزير والحمد لله مابيتقطعش بس ممكن يخشن ويعلى صوته، هل لو سير الكاتينة قديم يأثر على سحب العربية؟؟ ولو عاوز أغيره بكام ومنين الأصلي، واحد قاللي إن عشان تغيره هيطلع الموتور ويفك نصه الكلام ده صح؟؟ يا ريت حد يفيدني...
حبيبى قلبى
انا لسه مغير سير الكتينه من شهر حظك حلو
بص يا جميل السير الاصلى بترسين ب120 جنيه
وقصه انه يخلع الماتور دى لاااااااااااااااااااااااا اااااا ولا
هو حيفك سير الدينمو والتكيف ويشيل طنبورة الكرنك ويشيل وش كده ورها
ويفك سير الكتينة القديم ويحط الجديد ويظبطه على الشعرا
وكل القصه دى من خلال خلع الكوتشه اللمين بس كده ولا ماتور ولا يحزنون
بس حقول لك هات جوان وش تقسيمه علشان بيطلع مقطع فلازم واحد تانى
واحتمال جوان كرتيرة زيت
بس كده
اما بخصوص السحب بأنا ملاحظ ان العربيه من ساعت ما غيرت السير السخونية قلت بنسبه كبيره جدا ( السير لو مش مظبوط يسخن العربية) وكمان العربيه بتجمع بسرعه جدا
والعيب الى بيصيب السير دا مع انه جنزير انه بيرهل يعمل بيسيب شويه فدا بيعمل صوت والمستوى بيقل شويه
بص اوعا تسمع غير الكلام دا علشان انا عملته والله وعينى الى شافت مش عين حد حكالى
واانا عربيتى فليشيا 96
الميكانيكى اخد منى 130 جنيه تركيب سير الكتينه وغيرلى الزيت وظبط الكهربا والهوا
نسيت اقولك غير زيت وهات زيت شل ابو 68 جنيه ألف كيلو علشان هو بيغسل ببنزين وكده فأغسل العربية بالزيت دا علشان اى أثر من بنزين فى دورة الزيت او جاز يخرج وامشى بيه لمدة 300 كيلو كده ولا 400 وغيره بقى بالزيت بتاعك الحلو الغالى وانصحك بشل الاصفر 116 وانا لسه عامل الخطوه دى امبارح
يا سيدي ربنا يبارك فيك وشكرا على الإفادة، أنا على العموم بحط زيت التعاون الأصفر xpl أبو 7000 كيلو ممتاز ب 98 جنيه، وهعمل اللي قولتلي عليه بس لو تقولي عند مين اللي عملك السير ومنين جبت قطع الغيار وربنا يكرمك..
عملتها عند ميكانيكى سكودا فى شبرا اسمه رجب وهو كان فاتح فى القوميه فى امبابه وانا رحت له فى القوميه وحروح له فى شبرا قريب
وهو مشاور عليا بس اعمل ايه لفيت على ناس كتير كفتجيه وصرفت كتير لحد ما لقيت الراجل دا بيفهم فى الاسكودا اوى
لو حابب اديك رقمه ولو الموضوع ممكن تصبر اسبوع كده انا رايح له فى شبرا علشان اغير طنابير فرامل وتيل
قطع الغيار هات من عندى الهاشميه او اى حد بتاع سكودا اصلى واكيد الاخوه هنا حدلك على اماكن كتير غير الهاشميه
بخصوص الزيت انا اقصد تحط زيت ر خيص اوى وألف كيلو علشان تغسل بس وبعدين تنزله وتحط الزيت بتاعك
السلام عليكم
جزاك الله خيرا، اسمحلي أنقل لك مغامرتي مع موضوع الفرامل من حوالي 5 اسابيع غيرت طنابير أمامية وأنصحك تركب نوع ألماني اشتريته ومحفور عليه made in germany وثمنه 240 جنيه للجوز. واشتريت تيل كوري ثمنه 65 كوري نوع Gold كان عنده نوع صيني ثمنه 150 بس بصراحة الفرق واضح بين الصيني والألماني. ووصفولي ميكانيكي اسمه رمضان متخصص سكودا في بين السرايات رقمه 0121227101 وشكله فاهم وظبطلي علبة الدركسيون وبطاحات المساعد وهو اللي قال إنه هيحتاج نص يوم وهيفك كتير وعشان كده استغربت المهم قطع الغيار من محل الصياد في الدقي وفك الكربراتير وغسله.
لا يبقى انتا احسن انا الصنيعى بتاعى اسمعه رجب وانتا بتاعك اسمه رمضان يعنى اكتر منى بشهرين هههه
المهم انتا انبسط منه فعلا وظبط لك الاداء ولا التيل لسه بيصفر ؟
واخد منك كام فى القصه دى؟
وكمان موضوع المساعدين وعلبة الدركسيون الشغل دا بتاع عفشجى صح؟
الالمانى ممكن من 120 ل 150 بيجر سير كاتينة + ترسين على بعض
هو قالك كدة علشان بتبقى اريح و هو برة بس متطلعش الناتور علشان مش محتاجة و لو الميكانيكى صمم قله خلاص و شوف واحد تانى
والى بيتفك حاجة على الشمال اسمها وش التقسيمة جواها الترسين و الكاتينة و طبعا لازم تغيرالجوان هتلاقيه ب 2 جنيه
بالنسبة لرمضان الميكانيكي اخد 150 جنيه مصنعيات فك وحشو علبة الدركسيون وفك وغسل الكربراتير وتغيير قاعدة كربراتير ومنقي بنزين وفلتر بنزين وضبطه وفك وركب ماستر فرامل وسحب الهواء طبعا من الفرامل وتغيير صلبيتين الكوبلنين مع تركيب كاوتشتين كوبلن وكاوتش مزيكا علبة الدركسيون وحشو العلبة وبالنسبة لماستر الفرامل ايطالي ثمنه 175 جنيه و صليبة كوبلن 40 جنيه وقاعدة كربراتير حديد مش كاوتش 80 جنيه وكاوتش الكوبلن 15 ومنقي البنزين 40 جنيه وفلتر بنزين 5 جنيه ... ونسيت أقولك اني غيرت زيت الفتيس موبيل 90 ثمنه 75 جنيه. وطبعا روحت ظبطت زوايا 20 جنيه.
والفرامل مبتصفرش واتظبطت اكتر بعد تغيير الماستر وانصح بتغيير زيت الباكم بالكامل وتغيير زيت الفتيس بالكامل مش تزويده
اسعار قطع الغيار ضخمه اوى