عرض للطباعة
السلام عليكم و رحمة الله و بركاتة
كنت عاوز اسال عن اسعار قاعات كتب الكتب في مصر الايام دي و الاسعار الجديدة لو حد يعرفها
و خصوصا :-
مشيخة الازهر
مسجد الرحمن الرحيم
مسجد الشرطة بصلاح سالم
مسجد الشرطة باكتوبر
اي اماكن تانية
ياريت اسعار المأذون في كل قاعة بردو
شكرا جزيلا
مبرررررررررررررررررررروك يا أسامة ربنا يتمم بخير
حا أحاول أقولك الاسعار يا باشا بس عموما هو المأذون أنت بتتفق معاة دة أفضل علشان كان زمان النظام أنة بياخدو تقريبا نسبة من مؤخر الصداق الى مكتوب
القصة أعتقد ب الاتفاق ممكن 300 جنية أو حاجة كدة
و ممكن أشوفلك الموضوع بأذن الله حا أسألك و ممكن أوصى عليك داخل المشيخة كمان يا باشا ههههههههههههههه
أنا جبت المأذون من جامع النور يا أسامة بتروح و تديلة الصور الشخصية و صور البطاقات و هما بيحضرو الاوراق و بيجى المكان الى بتحددة و مجرد تمضى و تبصم يا باشا هههههههههههههههههههه
الله يبارك فيك يا اتش
طيب ياريت يا اتش
انا حابب المشيخة اكتر الصراحة
لو عرفت الاسعار ابقي قولي
و ايه كتب ( الكتب ) اللي مكتوبة دي
مع اني راجعت علي الموضوع قبل ما اطلعة
مبروك يا أسامه ربنا يتمملك بخير يارب
أنا كتبت في النور القاعه الكبيره كانت بحوالي 500 والمأذون اخد 500 زيهم ربنا يكرمك ولو محتاج اي حاجه احنا تحت امرك ونعملك زفه تمبراويه
هههههههههه شوفت الكلمة بس سكت كنت حا أقولك كتب ال ((((( كتاب ))))) ههههههه أنت متلخبط من أولها ههههههه
حبيبيييييي يا زلباني
واحشني جدا والله يا محمد
انتي مختفي ليه كده
الله يبارك فيك يا معلم
انت كتبت من زمان يا ريس
ولا تكونش اتجوزت تاني
ههههههههههه
طيب مسجد النور ولا المشيخة ؟؟
لازم الواحد ياخد لفلة حلوة كده عشان يعرف الاسعار الجديدة
الف الف مبروك يا استاذ اسامة ربنا يتمم بخير
بص انا حضرت فى كل الى أنت كاتبهم . المشيخة الوقت محدد بالظبط حا تخلص الوقت المحدد و مع السلامة تخلى القاعة فية وراك ناس تانية المشيخة زحمة شوية بس ممكن تركن العربيات بسهولة بالداخل . المسجد بتاع الشرطة القاعة أفضل بصراحة بس مقرفة فى الركنة للناس الى جاية تحضر . بتاع جامع مسجد الرحمن الرحيم القاعة كويسة برضو .
الله يبارك فيك يا استاذ احمداقتباس:
المشاركة الأصلية كتبت بواسطة juventus
ربنا يخليك يا فندم
كلك ذوق والله
مسجد النور حلو اوي برده على فكره في مسجد شرطه جديد على المحور وانت جاي من اكتوبر قبل نزلة الصحراوي بس مش عارف دار المناسبات اشتغلت ولا لسه بس شكله حلو
أسامة بص بتاع الشرطة أسهل للناس الكبيرة فى التحرك شوية و مش زحمة قوى زى المشيخة . المشيخة زحمة قيس بالنسبة للناس كبار السن مش الشباب الى ممكن يطلعو و ينزلو فى الزحمة و السلالم عالية على كبار السن . بص أخطف رجلك ما بين دار الشرطة و جامع الرحمن الرحيم و المشيخة كلهم قريبين جدا من بعض ساعة زمن يا ريس تخلص الموضوع دة كلة سؤال و أستفسار
فية كذا مكان فى مدينة نصر بس طبعا دة بعيد جدا عليكم من الهرم .
مش مهم بعيد من الهرم
انا تقريبا كده الكوافير هايبقي في مصر الجديدة
يا سمسم الف مبروووووك وربنا يتمم على خير وانا روحت الرحمن الرحيم عجبنى اوى بصراحه فا روح اتفرج وربنا يكرمك
انا سمعت ان كان فيه قرار طلع بس السنة اللي فاتت بانه تم منع عقد القران في مشيخة الازهر
بس مفيش مصدر موثوق للكلام ده برضو عشان اكون صريح
الله يبارك فيك يا ابو حميد ربنا يخليكاقتباس:
المشاركة الأصلية كتبت بواسطة ahmed_elkhateb
ان شاء الله هاروح اتفرج عليه
انا سمعت كده بردواقتباس:
المشاركة الأصلية كتبت بواسطة juventus
ان شاء الله تبقي اشاعة هههههههه
انا حابب انه يكون في المشيخة
ربنا يسهل الحال
أوعى تقولى عند الكلية الحربية ههههههههههههههههههههههههه ههههاقتباس:
المشاركة الأصلية كتبت بواسطة bonanza
الف مبروك يا باشا وربنا يتمم لك علي خير
ويا ريت كنت أقدر افيدك بس الاسعار بتاعتي قديمة قوي يجي من اربع سنين كده
مبروك يا ابو نسمه
انا رايي تعمله في قاعه المناسبات بتاعت الشرطه
بس معرفش بكام
مبروووووووووووووووووووووو وووووووووووووووك
`الف مليون مبروك يا اسامة وربنا يتمم على خير ويرزقك الذرية الصالحة :15_2_143::_Alshmokh22[1]:
ومتنساش تعزم الرجالة
الله يبارك فيك يا فندماقتباس:
المشاركة الأصلية كتبت بواسطة madyyuri
كفاية تشريفك للموضوع
الله يبارك فيك يا وساااماقتباس:
المشاركة الأصلية كتبت بواسطة zago
عقبالك يا معلم
و اجي ازفك في اللانسر
ههههههه
امين يا رباقتباس:
المشاركة الأصلية كتبت بواسطة yoyomano
ربنا يخليك يا فندم و يبارك فيك
و طبعا الرجالة كلها هاتتعزم
اومال مين اللي هايزفني ؟
الف مبروك و ربنا يتمم لك بخير
انا كنت في نفس حيرتك ديه بالظبط من اسبوعين كده و الحمد لله حجزت في الرحمن الرحيم
انا طبعا لفيت علي كله و هو مبدأيا مفيش في المشيخة كتب كتاب خلاص فكده عندك :
1- الرحمن الرحيم بداية من 1500 و انت طالع ( ده القاعة بس ) بخلاف المأذون ( حوالي 350 و نسبة ال 3% من المؤخر ان وجد ) و العصير بداية من 140 قرش الواحدة
2- مسجد الشرطة حوالي 800 جنية للقاعات ال 180 فرد و نفس اسعار المأذون و العصائر
3- مسجد النور حوالي 500 جنية و نفس اسعار الماذون و العصير
4-مسجد الشرطة اللي في اكتوبر لما انا كنت بدور مكنش لسه اشتغل فممكن تشوفه دلوقتي
نصيحة لوجه الله لازم لازم لازم المسجد و الكوافير و التصوير يكونوا جنب بعض فمش هينفع معاك اكتوبر ديه خالص و ده لخبراتي و انا بزف اصحابي و كل حاجة بعيدة عن التانية و كنا بندعي علييه و انت عارف مينفعش تدعي علي واحد في يوم زي ده بيفضل عايش بذلة اليوم ده طول العمر ههههههههههههههههه ده غير اصلا ان العريس و العروسة بيفرهدوا من الزحمة و الوقت بيروح علي الفاضي و متنساش انك هتبقي في الصيف.
بالنسبة بقي لرأيي انا لو انت هتعمل فرح خليك في مسجد النور او الشرطة كويسين و اسعارهم حلوة و في الحنين
اما بقي لو مش هتعمل فرح زي حالاتي كده و عايز مكان فخم و شيك و تعزم فيه الناس كلها فمش هتلاقي احسن و اشيك من الرحمن الرحيم بس هو غالي شوية فبردوا انت شوف امكانياتك
و ربنا يوفقك ان شاء الله
أسامة لما تفضا كلمنى يا باشا أى وقت
الف مبروك يا أسامة
وربنا يرزقك بالذرية الصالحة ان شاء الله
يا جماعة ده القسم العام لمنتدى سيارات مش القسم الااجماعى
ههههههههههاقتباس:
المشاركة الأصلية كتبت بواسطة Karim_Monir
ماهو عايز زفه جماعيه فقال يحطه هنا العربيات اكتر :grin54: