1600 خليجى كلاسيك 2007
عرض للطباعة
1600 خليجى كلاسيك 2007
الله يسلمك يا هشام باشا
وزى ماقولتلك اسهل واقرب حل هو رش الشبكه باسود مط طبعا زى دى
لانسر 2007 سبورت لسه جايبها من اسبوعين ان شاء الله هصورها وابعتلكم الصور وعندى شويه اسئله كتير معلش استحملونى
ايه الفرق بين السبورت والسوبر اكشن
سؤال تانى معلش
العربيه اشترتها ماشيه 55000 كيلو بعد ما اختها رحت توكيل مصريه غيرت زيت فتيس اتوماتيك وزيت موتور وفلاتر هوا وبنزين وبوجيهات
سحب العربيه كويس جربتها على الصحراوى جابت 180 و rpm ما زدش عن 5000
المشكله من ساعه ما جبت العربيه وانا ماشي على d بسمع صوت تانى غير صوت الموتور زى صوت تروس بيظهر فى الاول ومع الوقت ولما العربيه تاخد سرعتها الصوت بيقل ومش بحس بيه فى السرعات العاليه حاجه كده زى عزم بتاع الفتيس او شد مش عارف احدد نوعه ايه بالظبط
هل اتوماتيك بيظهر فيه صوت زى ده مع العلم انى اول مره اسوق اتوماتيك ولا رجلى تقيله شويه على البنزين والفتيس بياخد وقت على ما ياخد سرعته الصوت ده قلقنى جدا ومش عارف سببه ايه انا طول عمرى بسوق مانويال ومليش خبرة كبيره فى الاتوماتيك
1600 مانوال 2010
عاوز اضيف ان ممكن الاعضاء الكرام بلاضافة للمشاكل و حلولها ممكن نقترح بعض التعديلات الجوهرية لرفع اداء السيارة
1- انا مركب فلتر سبورت k&n من حوالي 20000 كم واقدر اقول انه فرق في السحب وصوت العربية واستهلاك البنزين
لازم تتاكد من الصوت واكيد مش صوت تروس لان الcvt لا يعمل بنظام التروس ده عباره عن بكر بيتغيير من غير ما تشعر بالنقلات وهو اختصار لـ Continous Variable Transmission اى الانتقال المتغير باستمرار
وده فيديو لشرح الفتيس كان رفعه لينا المهندس طارق من حوالى 3 سنوات
[youtube]http://www.youtube.com/watch?v=4kNtFu9kbEY[/youtube]
K&N filter
الفلتر نفس مقاس الفلتر الاصلي وبيركب مكانه من غير اي تعديل و تمنه حوالي 550 جنيه وتجيب معاه المنظف (انبوبتين) بـ 100 جنية
انا بنضفة كل 20000 كم وبيرجع جديد وفرق فـــ
1- صوت المحرك هدي شوية
2- السحب
3-استهلاك البنزين (في السرعات القليلة طبعا )
شكرا يا ابو اياد باشا على النصيحه انا خليت صحابى يجربوا العربيه واحد قالى الصوت طبيعى بس انت رجليك تقيله على البنزين علشان متعود على المانوال ولما خفيت رجلى الصوت هدى شويه وواحد تانى قالى ده صوت العزم بتاع العربيه انا رحت التوكيل وكشفت على العربيه وقولتلهم انا لسه شاريها وعملولى الصيانات ومحدش جاب سيه الفتيس خالص