بسم الله الرحمن الرحيم... تحياتى الشديدة لصاحب فكرة انشاء رابطة لملاك البومة.. و تحياتى لكل الاعضاء
و انشاء الله سوف نقوم بإنشاء جناح سياسى و جناح عسكرى داخل الرابطة..
الجناح العسكرى لضرب الروابط الاخرى و الاستيلاء على الموارد الخاصة من تيل فرامل و زيوت و بوجيهات و خلافه !!! ههههههههه
الجناح السياسى للتفاوض مع اصحاب الروابط الاخرى لإقرار السلام فى المنطقة و عمل الهدنة بعد ما نضربهم !!!!!!!!!!!! ههههههههههههههه
و انا اهدى اليكم صور عربيتى اللانسر. و انشاءالله هتبقى العربية دى فى طليعة السيارات المقاتلة من اجل الحرية و الديموقراطية !!!!!!
العربية دى 1300سى سى خليجى سعودى موديل 2008 و الصور دى تم التقاطها فى ساحة انتظار بمطار القاهرة الدولى... و انا بصور العربية بتاعتى العسكرى اللى كان واقف كان فاكرنى جاسوس و كان عاوز ياخد منى الموبايل !!!!!!!.. بس طبعا ماقدرش ياخد منى حاجة لما عرف ان انا رئيس الجناح العسكرى برابطة البومة بمنتدى نايل موتورز !!!! هههههههههه... و مش كده و بس... كان عاوز ياخد توقيعى على اوتوجراف... بس قولتله لا علشان مابعرفش اكتب...هههههه ... و كان عاوز يتصور معايا بس قولتله لا علشان الموبايل مش بتاعى!!!!
المهم... الصور اهى...
انا لما اشتريت العربية دى كنت متحمس جدا و كنت ناوى اعمل منها تحفة...يعنى زينون و جنوط و ستيكرات و حاجات... كنت ناوى اعمل فيها شغل عالى... بس للأسف عدت الايام و الشهور.. و الحياه اخدت الواحد و ماعملتش فيها اى حاجة... الحاجة الوحيدة اللى عملتها انى بوديها الصيانات الدورية فى التوكيل.. و بحط بنزين...و بحط ماية للمساحات... انا حتى عمرى ما بصيت على الزيت...
يالا... ماحدش واخد منها حاجة !!!!!!!!
المفضلات