المشاركة الأصلية كتبت بواسطة ahmedhossam86
والدتي معاها فيات سيينا 2001.. دايما الناس الكبار ليهم منطق في ركوب العربيات و التسلسل الطبيعي للحاجة الساقعة ههههه :grin54: (ألماني - امريكي - فرنسي - ايطالي - ياباني - كوري)
و لله الحمد دايما ارائهم ان السيراتو دي عربية خفيفة و لو زودت عن 100 حاتقلب بيا.. و عشان كده هي في اخر "اللستة"
جه طبعا الكلام عن تغيير عربيتها.. لان العربية ابتدت فعلا تتعب .. معدية العشر سنين و لو انها عاملة 60000 بس! و جت طبعا المقارنات و مراجعة الموديلات و الاسعار و الذي منه..
طبعا ستظل البي ام الفئة الثالثة متربعة علي عرش قلبي و قلبها و قلب كل واحد فيكو :grin54:
و بالتأكيد الباسات و الجيتا و الفيكترا (لسه متخيلة ان في جديد منها :grin54:) و كمان السيفيك.. بس طبعا منين و محدش ضامن الزمن ده و اديك شايف..... الخ الخ.. كلام الاهالي ده
نسيت اقولكوا ان زمان قبل ماجيب السيراتو كان كلامها دايما في المعرض كل مانشوفها ان دي عربية كوري و بيئة هههههه و اللون الاحمر مش شيك و خطوطها مش حلوة... و اتغير الحال نسبيا لما جبتها ..اول ما تركب معايا .. شغل قرآن و سمي بالله و ماتركبش صحابك عشان العين و حافظ عليها..
الي اني اتصدمت لما قالتلي من يومين انا بافكر في السيراتو... و قعدت تمدح فيها و انتشارها دليل علي نجاحها و ألوانها التحفة - بالذات النبيتي - و ارتفاعها و شكلها الانسيابي و ماعرفش ايه.. :)))
انا بقي "yessssssssss.. Yahooooo" :d
ماتقولش حاتجيبهالي انا.. والله و لا انتصار حرب اكتوبر او تنحي المخلوع :grin54::grin54:...
اي نعم جه كلام في النص حرقلي دمي.. زي انا لسه محتارة بينها و بين الانسر الشكل القديم!! "نفس منطق الفيكترا :grin54:"... و يا احمد اللوجان برضه حلوة و اوروبي و انا ماركبش كوري... و صدمة اقوي لما قالتلي الـ brilliance حلوة برضه و لو انها كوري (صيني يا ماما :grin54:).. و قالتلي بكل فخر دي بـ 120000 و اكتشفت انها بـ 72000 و اتكلمت عن الفلوانس و قارنتها بالسيراتو و انا قلتلها الفلوانس مش حلوة من جوا .. واسعة اه بس ماتشدنيش.. و اتهمتني بالحقد :grin54:
كلام كلام.. و انتهي الحال ان احنا حانشوف في الوكيل السيراتو.. بس فئة مش عالية عشان هي مش محتاجة الجنوط و فتحة السقف و اشارات المرايات ههه :grin54:
و اتصدمت برضه لما قالتلي نجيبها مانيوال ..و انا اللي يادوب كان بقالي 3-4 سنين باسوق مانيوال كنت زهقت منه و من سنينه.. بس في الاخر طمنتها لو علي الفلوس انا حادفعلها فرق الاوتوماتك:grin54:
انا قلت اعرفكوا بالقصة دي.. عشان ما محبة الا ما بعد عداوة.. و ان شاء الله اسرة السيراتو تزيد فرد :)
عايز اعرف منكو ايه موديلات الوكيل و اسعارهم بعد اذنكو..