يا جماعة كاسيت الفيرنا فيفا اللى لسة شاريها من 4 ايام فصل ومش عارف اعمل ايه على فكرة الكاسيت رودستار مش هيونداى شكله متركب عند غبور !!! اروح لكهربائى سيارات ولا اروح التوكيل افضل لانى لو رحت لكهربائى وماعرفش يصلحه يقولوا فى التوكيل انى خرجت من الضمان والكلام الكبير ده !! أعمل ايه وما هو الصواب ؟؟؟؟؟
علي طول علي التوكيل و ماتضيعش حقك في الضمان , التوكيل بدون نقاش عشان ماترحش لحد يلعبلك في الضفيره و يخرجك من الضمان , انت لسه في الضمان فا روح التوكيل من غير ما تفكر ,
لو عنك شويه خبره بعربيتك ممكن تكون الفيشه بتاعة الكاسيت بس وقعت من جوه وللا حاجه , لو تقدر توصل لضهر الكاسيت و تشوف الفيشه أخبارها ايه مش هاتخسر حاجه بس تخللي بالك كويس عشان ما تبوظش حاجه , أنا معايا ماتريكس فا للأسف مش عارف توصل لضهر الكاسيت منين في الفيرنا الفيفا , لكن لو انت مش هاتعرف يبقي تروح التوكيل علي طول أحسن ليك كتير ...
تحياتي لك .
هو ده الصحاقتباس:
علي طول علي التوكيل و ماتضيعش حقك في الضمان , التوكيل بدون نقاش عشان ماترحش لحد يلعبلك في الضفيره و يخرجك من الضمان , انت لسه في الضمان فا روح التوكيل من غير ما تفكر ,
لو عنك شويه خبره بعربيتك ممكن تكون الفيشه بتاعة الكاسيت بس وقعت من جوه وللا حاجه , لو تقدر توصل لضهر الكاسيت و تشوف الفيشه أخبارها ايه مش هاتخسر حاجه بس تخللي بالك كويس عشان ما تبوظش حاجه , أنا معايا ماتريكس فا للأسف مش عارف توصل لضهر الكاسيت منين في الفيرنا الفيفا , لكن لو انت مش هاتعرف يبقي تروح التوكيل علي طول أحسن ليك كتير ...
تحياتي لك .
عليك وعلى التوكيل دة حقك
لو الكاسيت فاصل كهربة يبقى 90% فيوز بـ50 قرش اتحرق
ومحتاج تغيير مش اكتر. خلي كهربائي يراجع على فيوز الكاسيت
الاول ولو مطلعش فيوز يبقى عليك وعلى التوكيل.
هو ده الكلام على التوكيل ومش هاسيب حقى
التوكيل وعلى فكره ده شئ عادى جدا انا واحد صاحبى كان جايب الفيرنا والكاست بايظ اساسا بس راح للتوكيل وعملوه متقلقش
ممكن لو جاى مع الكاسيت ورقة الضمان الخاصة بية يعنى زى الماتريكس الكاسيت الية مركبة عشم نوار
فا لو جاى معاة ورقة الضمان ممكن تروح على طول لتوكيل الكاسيت يشوفوا
وى لو مش جاى معاة حاجة يبقى عليك وعلى التوكيل
معلش سؤال جانبى
انا عندى فيرنا فيفا فول اوبشنز - الكاسيت بتاعها هيونداى اصلى مش رود ستار ؟؟؟؟؟؟؟؟؟
ازاى حضرتك الكاسيت بتاعك رود ستار
السؤال الثانى : لو عربيتك هاف اوبشنز - ساعة لما انا اشتريتهاا ماكنوش بينزلوها بكاسيت اصلا
؟؟؟؟؟؟؟؟؟؟؟؟
انا استلمتها بكاسيت رودستار ومعاه ورق ضمان للكاسيتاقتباس:
المشاركة الأصلية كتبت بواسطة arch_peter
اخص ... حتي العربيه المستورده بياخدوا الكاسيت بتاعها ويبدلوه ايه التوكيل الزباله ده اعوذ بالله واصلا كاسيت الرودستار ده زباله اساسا انا رميته اول ما جبت العربيه وركبت كاسيت سي دي كلاريون روح التوكيل وحطه في عينهم ولا ال ...... دول لازم اي حاجه نروح كلنا التوكيل ونعمل زيطه لحد ما التوكيل ده يتزبط او يتاخد من غبورر .
ربنا ينتقم منهماقتباس:
المشاركة الأصلية كتبت بواسطة zakiali
فعلا كاسيت الفيفا النص كماليات رودستار وهو سىء للغاية بدليل انى امتلك ماتريكس وعندى كاسيت jvc والfm modulater بيشتغل عليه جميل جدا رايق بدون خروشة وجربت نفس الموديلاتور عند صديق لى يمتلك فيفا والنتيجة صوت وحش وخروشة
فنصيحتى لك
لو انت غاوى وجع دماغ روح التوكيل واطلب تغييره بنوع أفضل
لو عايز تريح دماغك بيعه او ارميه وهات واحد أفضل
نفس الموضوع حصل معايا بالظبط... في فيرنا هاف أوبشن.. حاطين كاسيت رودستار فعلا.. قمامة يعني... أول مرة أحط فيه شريط مرضاش يطلع.. وفيلم عشان أعرف أدخله تاني... رحت مدخل فيه شريط الـكار كيت ومطلعتوش من ساعتها.. حتى بشيل وش الكاسيت وأنا سايب الشريط جوة... والسلك مدلدل لبرة..
لو رحت التوكيل.. أروح فين بالظبط؟ أبو رواش وللا أي فرع زي اللي في العجوزة دة؟
ابو رواش او اظن تروح توكل رودستار هتلاقي عناونه في ضمان الكاسيت
انا حصلت مع واحد صحبي في كاسيت الفرنا ولسة زيرو راح التوكيل شالوه وجابو واحد تاني من غير فلوس