فعلا انا برضو كونت الفلوس بعد مشوار طويل من الجمعيات والحمدلله
علشان كدة مش عايز اي مخاطرة في الشراء
ان شاء الله ربنا يوفقك في الشراء وتجيب أحلي حاجة
عرض للطباعة
انا معرفش السويفت عامله كام ولا اعرف حاجه عنها
لكن بأكدلك
انا كنت تايه برضو من سنه
ومكنش معايا غير 27 وكنت لسا متزوج وكنت محتاج عربية جدا جدا
جبت ماروتي مستعمله وتوكلت على الله
وانا انصحك بيها لان لو بتفكر تبيع بعد سنتين فالماروتي سعرها بيفضل كويس ومبينزلش كتير وهتتباع بسهوله...
تحياتي
نصيحه اخوية ويارب تسمع كلامى لانه عن تجربه
انت بتفكرنى بنفسى من سنتين اول مره اجيب عربيه والكل نصحنى اجيب حاجه اتعلم عليها الاول وبعد كده ابقى اشترى حاجه اعلى او جديدة بعد ماكون اتعلمت
طبعا اخوك بقى ازاى اجيب 28 ولا مش عارف ايه لا انا لازم اركب عربيه وركبت دماغى وحطيط اللى معايا فى عربيه كانت حالتها كويسه جدا ومشدودة من الالف للياء وكنت فرحان بيها وخد عندك يا معلم حادثه من ورا وقدام دى اول حاجه بعد شهرين بعد ماقلت انى اتعلمت خلاص كلفتنى اد كده وبرضه العربيه مارجعتش زى الاول غير اللى بوظته وفوت الموتور وجرحتها من كل جنب (مش انا السبب طبعا ) وفى الاخر قررت انى ابيعها بعد ماتعلمت وخسرت مبلغ محترم ( حط تلاتين خط لانى خسرت 20000 الف جنيه فى سنتين ايون عشرين الف مش الفيت )
عموما الحمد لله اواحد بيتعلمش ببلاش بس برضه اتعلمت بالغالى اوى بس المشكله انى فى الاخر بعت وجبت حاجه اقل من اللى كنت راكبها وهى دى اساس المشكله لان المفروض الواحد بيعلى مش بينزل بس بقى ياللا خير الحمد لله المهم ان انا سليم
ودا علشان مش عايزك تغلط نفس الغلطة لانك مهما حافظت انت لسه برضه هاتكون جديد فى السواقه وفى حاجات كتير اوى هاتتعلمها بالخبرة لان السواقه مش انى اركب وادور واطلع بالعربيه وخلاص لو على كده بسيطه لكن فى حاجات تانيه كتيرة اوى مش هاتتعلمها الا مع الوقت
ياباشا شكرا على شعورك بس انا ماقصدش انك تدمع والله انا حكيت على اللى حصل معايا بالظبط وفى الاول والاخر طبعا كلها قسمه ونصيب بس برضه الواحد لازم يفكر بالعقل شوية
ممن الناس اللى جابت زيرو دى ربنا سترها معاهم بس انا اللى اقصده انت نفسك رجلك لسه هاتكون تقيله شوية وحرام عليك من اولها تجيب زيرو وتبهدل فيها لان اى خابطة او لطه بفلوس اد كده وابالذات فى الجديد لكن القديم هاتتلم باى كلام وياراجل لو ماتلمتش مش هاتزعلك اوى لانك هاتغير بعد فتره فبجد علشان خاطرى حاول تبعد فكرة انك تجازف وتجيب جديد حاول الاول تجيب اى حاجه تتعلم فيها وبعد كده بيعها واشترى اللى انت عايزه لان ساعتها كمان نظرتك للعربيات هتتغير خالص وهاتكون عرفت انت محتاج ايه بالظبط وربنا يوفق الجميع
بيس بردو مقلتش انت كان معاك ايه و غيرت ل ايه؟؟؟؟
ياباشا انت شكلك برضه راكب دماغك وانا نصحتك ولله والله وفعلا مش عايز حد يكرر الغلطه انت فيها حاجه لو جبت حاجه صغيرة اتعلمت فيها تلات اربع شهور وبعد كده تقلبها وتجيب اللى نفسك فيه اصل الوسط برضه هايكون حرام علشان لسه انت جديد انا برضه كنت جايبها وسط انا ماكنتش جايب زيرو يعنى بس وسط دى كانت بكل الفلوس اللى معايا
اسمع كلامى وركز معايا هات 128 اتعلم فيها وبعدين بيعها لان سوقها كويس وماشى وقطع غيارها ببلاش الا ربع والصنايعيه كلهم حافظينها واى حاجه هاتحصل فيها هاتتلم بكلام فاضى وبعدين بيعها ومش هاتخسر كتير واللى هاتخسره انت اتعلمت بيه لان ماحدش بيتعلم ببلاش + انت بعد كده هاتكون فكرتك كويسه عن العربيات وساعتها هاتقدر تكرر انت عايز ايه ومن غير مساعدة حد
والله العظيم نظرتك هاتتغير عن العربيه بعد اول عربيه واسمع منى لانى مجرب
ومعلش يعى كل واحد دلوقتى هايدلك على اختيار عربيه من وجهة نظرة هو ودى وجهات نظر بتختلف من واحد لواحد لكن بعد ماتتعلم هاتكون قدرت تكون وجهة نظر كويسه لحد ما ليك انت وساعتها المساعده هاتكون اسهل
هاتفهم فى العربيات كويس هاتعرف يعنى ايه قطعة غيار سهله وموجوده ويعنى حاجه هادوخك ويعنى صنايعى شاطر ويعنى ايه واحد بيعك كل دا يعتبر علام برضه انا عرفت كل الصنايعيه وكل اماكن قطع الغيار ودا اكيد هايساعدنى فى اختيارى بعد كده