انا اتثبت واتخطفت واتسرقت

**fouaa** · 08-05-2011 04:08 PM

شوفتى الى حصلى امبارح فالمطريه ماشى فامان الله رايح لواحد صحبى عشان اشتغل معاه فمشروع الكليه اعترض طريقى اتنين بساكاكسن فضهرى وعربيه تاكس قديمه اركب حاضر انا مقاومتش حقننا للدماء المهم ركب مشيو بيا فاماكن معرفهاش وبعد فتره وصلو لمنطقه شعبيه قزره جدا وفيها ناس شكلهم كلهم شمامين اوى المهم مكنش فى حد بيتكلم قبل ميقفو قالولى الشارع كلو معانا ولو ججريت هتموت وانا حسيت بده وفهمتو تماما المهم مشيت معاهم فحاره كده صغيره طلعونى بيت قديم وشقه فالدور التانى دخلت شقه قديمه مفيهاش عفش اثار العفش على الحيطه وشكلو من زمان اوى دخلونى غرفه وجهم قالو هات الى معاك انا بكل تمالك اعصاب وهدوؤ طلعت موبايلى والساعه كنت لسه جايبها اول امبارح مكنش معايا فلوس تزكر ومحفظه فيها بطاقه وكارنيه كليه ورخصه سواقه وتصريح دخول المطار وعضويه ماكرو وشويه ورق مهم كده بس مكنش فيها فلوس المهم جابو طبق حشيش واعدو يلفو من الكروت بتاعتى الى فالمحفظه ساعتها انا فرحت ههههههه عزمو عليا طبعا وانا مش بدخل الحمد لله بس فرحت انى هقدر اسيطر على الوضع تماما عشان انزل من المكان ده اروح سليم مش متعور المهم بدؤا يكلمونى اسمك مينن والاسئله العاديه مكنتش برد صح طبعا بدا الحوار يبقى فملعبى اثبتهم اقنعهم بالى عاوزو جابولى وصلات امانه اكتبها وامضيها وابصم عليها كنت مطيع لغرض انى امشى وخلاص قلولى هتروح تجيب 10000 جنيه وترجع تاخد حجتك وتاخد الوصولات وتروح فضلت ادادى لحد مقنعتهم انى لازم امشى عشان الحق اجيب الفلوس قررو ينزلونى وانا نازل طبعا عينى كاميرا بتصور اى حاجه بتشوفها ده اصلا هوايتى عشان معمارى البيت الشارع اسم الشارع اى محل الشارع التانى لحد مركوبنى تكس وادولى 5 جنيه وسبونى طبعا انا اخدت التكس ومشيت بيه شويه ورحت نازل اديتو 3 جنيه واتبقى اتنين ههههههه رحت واخد تاكس تانى قلتلو يودينى لحد بيت واحد صحبى وكلمتو نزل حاسب الرجال بس النهرده هروح اعمل محضر شرطه ومحضر شرطه عسكريه وربنا يسهل هقولوكو بقى الى هيحصل المهم كل واحد والنبى ياخد بالو من نفسو اوى ويحرص حرص مفرط

**gebreel** · 08-05-2011 04:11 PM

حمد الله على سلامتك يا باشا بس خلي بالك ان البطاقة فيها عنوانك و لو كان معاك مفاتيح ساعتها غير الكوالين كلها

**Hussein_Emara** · 08-05-2011 04:13 PM

حمد الله على السلامة يا هندسة

احييك على رباطة الجأش و حسن التصرف و الايجابية في البلاغ

ربنا يستر طريقنا جميعا

**MRBEBO** · 08-05-2011 04:20 PM

انت بتتكلم جدا ولا بتحكي فيلم !!!!!!!!!

عليه العوض فيكي يا مصر :(

خلاص يعني الواحد لازم يشيل سلاح بقه وزي ما تيجي تيجي ولا ايه

فينك يا ريس كانت ايامك ايام عز ومحدش كان حاسس :(

**fouaa** · 08-05-2011 04:21 PM

الله يسلمو يا جماعه والله وانا كويس وكمان اخدت البطاقه وانا ماشى ومفاتيحى ومفتاح العربيه الاسبير عشان كانت بتقفللوحدها بس انا مكنتش بالعربيه طبعا اصلهم كانو مش ايقين وكن من السهل انك تقنعم لحاجه انت عاوزها مش بيفكرو دول كانو عاوزين يسلمونى لامن الدوله وانا كنت خايف جدا اروح امن الدوله ينهار اسوخ كنت هضيع ههههههههههههههههههههههههه هههههههههههههه

**AirForces** · 08-05-2011 04:33 PM

يا حلاوة يا حلاوة دا انا فى المطرية يعنى ممكن اتقلب واتشقلط ولو قاومت اروح فى ابو نكلة :)

بس بصراحة احييك على شجاعتك وهدوءك فى موقف زى دا وإن شاء الله يتمسكوا وحقك يرجعلك

**weller** · 08-05-2011 04:35 PM

الف سلامه عليك ياباشا وياريت تقولنا بلغت ولا لسه دي بقت حاجه تقرف والله وايصالات الامانه دي تقريبا ملهاش اي معني بعد البلاغ بتاعك لانها تحت التهديد
بس انا مش فاهم يعني ايه كانوا عاوزين يسلموك لامن الدوله هما مين دول الحراميه ولا ايه