الموضوع: احداث امبابة كما سمعتها اليوم من سكان المنطقة

المشاركة الأصلية كتبت بواسطة wael17

للاسف سمعت روايات كتير مختلفة و كل واحد بيقول رواية بيبقي مقتنع ان هي الحقيقة و اي حاجة غيرها مجرد كذب و اشاعات

كل الكلام امبارح ان سبب المشكلة واحد اسمه ياسين ثابت مش حسام


دي اسماء القتلي و مش عارف من فيهم الشيخ الوقور الي اتقتل جوه الكنيسة

القائمة ضمت 10 متوفين، بينهم 5 مسلمين و5 مسيحين، وهم محمود عبد العزيز رفعت 22 عاما، ومحمد أسامة رمضان 22 سنة، وأحمد محمد حسان 18 عاما، وإسماعيل محسن إسماعيل 29 عاما، ورامى ملاك بشاى 25 عاما، وصلاح عزيز صليب 23 عاما، ومدحت مجدى عطية 24 عاما، وأبانوب كرم عبد السيد 18 عاما، وباسم محمد كامل 18 عاما، بالإضافة إلى العثور على جثة مجهولة الهوية لم يتم التوصل الى صاحبها.

على فكرة لو تلاحظ اني في الموضوع لم اقل شاهدت او رايت بل بالعكس ذكرت اني لم اعرف بالاحداث الا في الصباح وذكرت اني سمعت شخصيا من احد زملائي القاطن بمنطقة الاحداث
عشان كدة انا دائما بسمع واحكم عقلي في النهاية
ولاكن تعالى كدة نحاول نحط سيناريو مع بعض للي حدث ونفكر فيه
هنفرض ان في ناس رايحين يهاجمو الكنيسة سواء بلطجية او سلفيين او واحد واخد ناس ورايح يحرر مراتة المخطوفة تمام
الطبيعي انهم هيروحو الكنيسة فجأة ويحاول يقتحموها ومش هيلاقو مقاومة الا من العاملين في الكنيسة او القساوسة يعنى معركة غير متكافئة هتنتهي سريعا باصابة الكام نفر اللي في الكنيسة في دقائق وهتنتهي الحكاية وهيهرب المعتدين بعد تنفيذ مخططهم تمام والا انا غلطان
اللي حصل بقى بعيد عن روايتى اللي سمعتها وسردتها في اول مشاركة
ان فيه ناس توجهو للكنيسة ايا كان السبب والهدف وكانت المفاجاة من وجود الناس تعتلي اسطح الكنيسة والمنازل المجاورة وتطلق نار من اسلحة الية بغزارة على المعتدين فسرلي دي لو سمحت

نترك الموضوع للنيابه تقول كلمتها وسوف نحترم جميعا حكم القانون ولا داعى لترديد قصص لايملك احد اثبات صحتها
بدليل ان الشيخ الوقور اللى حضرتك بتقول انه مات لم يحدث له اى شىء اطلاقا لان خالد صلاح الصحفى بتاع اليوم السابع قال فى برنامج العاشرة مساء انه كان يجلس معه منذ قليل وروى له تفاصيل ما حدث وطلب منه التوجه الى النيابه للادلاء بشهادته
وبالنسبه للاسلحة احب اؤكد لك ان الكنائس ليس بها اى اسلحه لان لوكان بها اسلحه مكانش ده بقى حالها والكلام ده اكده الدكتور محمد سليم العوا مع يسرى فوده وقال اللى معاه اى دليل ان الكنائس بها اسلحة يتقدم ببلاغ للنائب العام ويفتش جميع كنائس واديرة مصر واذا وجدوا اى اسلحه يطبق عليهم القانون

لكن ممكن اصدق ان بعض المنازل المحيطه بالكنيسه عندهم اسلحه عاديه زى كل الموضه اللى ماشيه بعد الثورة والانفلات الامنى
عموما النيابه شغاله ويا خبر دلوقتى بفلوس بكره يبقى ببلاش
المهم اننا كلنا نحتكم للقانون ونرضى بحكمه

المشاركة الأصلية كتبت بواسطة beshomilan

اظن من العيب حضرتك ان تقول فى الكنيسة سلاح الى واى كلام غير مثبوت بدليل احنا كنايسنا بيت للصلاة وحضرتك مش مصدق كده تبقى مشكلتك انما حضرتك احنا مش ارهابيين وكفاية بقى الكلام الفارغ اللى بيردده بعض الجهلة على التليفزيون
ومش اى كلام اى حد يقولوا لحضرتك تصدقه وتتهمنا بكده ولو حضرتك بتقول كده ليه حضراك متكلمتش على الكنيسة اللى اتحرقت تماما والكنيسة اللى اتهدت فى صول وال 20 واحد اللى ماتوا فى اسكندرية بدون ذنب ولا احنا دمنا مباح للجميع؟؟
واظن احنا عمرنا معملنا عكس اللى انا ذكرته كده اطلاقا..ولو فى دليل على اى كلام حضرتك هاته انما شهود عيان يبقى ده كله كذب لانى اكيد عندى 100 شاهد عيون هيقول عكس حضرتك
تقبل تحياتى واشكرك

اولا حكاية الكنيسة فيها سلاح الي وكان بيتم تبادل اطلاق النار مع الجيش دى كل اللي كان في الحدث شافها دول مين بقى يا ريت حضرتك تجاوبني
ثانيا مين اللي قال انكو ارهابيين وليه دخلت موقف الجمع في الموضوع وكأن كل المسيحيين مسؤلين عن احداث الكنيسة
بالنسبة لكنيسة صول مين قالك ما اتكلمتش فيها فيه موضوع اتعمل هنا يا ريت تدور عليه وتشوف انا كنت قايل ايه وطبعا انا رافض قطعيا احراق اي كنيسة ويجب معاقبة المسؤل عن ذلك
كما يجب ايضا معاقبة من اطلق النار من اسطح الكنيسة والمباني المجاورة لها ومن سمح لهم بالتواجد او الدخول الى الكنيسة ومعهم سلاح
في النهاية يجب سيادة القانو ن

المشاركة الأصلية كتبت بواسطة beshomilan

اظن من العيب حضرتك ان تقول فى الكنيسة سلاح الى واى كلام غير مثبوت بدليل احنا كنايسنا بيت للصلاة وحضرتك مش مصدق كده تبقى مشكلتك انما حضرتك احنا مش ارهابيين وكفاية بقى الكلام الفارغ اللى بيردده بعض الجهلة على التليفزيون

كلام الجيش والشرطة ليس دليل
كلام وزير الداخلية في التلفزيون إمبارح ليس دليل

أتمنى من حضرتك لا تدفن رأسك في الرمال وتعتبر الحياة مسلمات لا نقاشية

أنا لو عرفت إن في جامع في سلاح أو حد مسيحي قال كده
هروح بنفسي أبلغ الحكومة

لكن مش هدفن راسي في الرمل وأقعد أقول عيب وميصحش ومش ممكن

الغلط وارد من كل البشر طالما هم بشر
لذلك لا تتعجب إذا اخطأ قسيس أو شيخ جامع فهم بشر

لكن الغلط إننا نقول مينفعش سيدنا القسيس أو الإمام يغلط

لا ينفع ونص لأنه بشر

المشاركة الأصلية كتبت بواسطة beshomilan

ومش اى كلام اى حد يقولوا لحضرتك تصدقه وتتهمنا بكده ولو حضرتك بتقول كده ليه حضراك متكلمتش على الكنيسة اللى اتحرقت تماما والكنيسة اللى اتهدت فى صول وال 20 واحد اللى ماتوا فى اسكندرية بدون ذنب ولا احنا دمنا مباح للجميع؟؟

إنت عايز الناس تعمل إيه أكثر من اللي إتعمل ؟؟؟؟؟

الكنيسة حرقها البلطجية والمجرمين

وكنيسة صول تم هدم بعض جدرانها
وجميع شيوخ المسلمين في مصر وأولهم السلفيين إستنكروا ما حدث

ولما حصل هجوم الإسكندرية الكل إستنكر ولم يعتذر أحد لأننا لن نعتذر على أخطاء المجرمين
لكن شيخ الأزهر اول واحد عزى في الضحايا

لما إتنين مسلمين إتقتلوا في أبو قرقاص بالمنيا بواسطة المسيحيين
لم يخرج أي قسيس بإعتذار
وأصدرت كنيسة قنا بيان قذر عن الأحداث لم تذكر فيه كلمة عزاء
ولا اللي ماتوا دول دمهم حلال مباح ؟؟؟؟؟؟؟؟؟؟؟؟؟؟؟؟؟؟؟؟
برد عليك بنفس منطقك

كل واحد يبدأ بنفسه

مش ندفن راسنا في الرمال ونقول الطرف الآخر عمل ومعملش

دا لو خايفين على البلد

المشاركة الأصلية كتبت بواسطة maged

نترك الموضوع للنيابه تقول كلمتها وسوف نحترم جميعا حكم القانون ولا داعى لترديد قصص لايملك احد اثبات صحتها
بدليل ان الشيخ الوقور اللى حضرتك بتقول انه مات لم يحدث له اى شىء اطلاقا لان خالد صلاح الصحفى بتاع اليوم السابع قال فى برنامج العاشرة مساء انه كان يجلس معه منذ قليل وروى له تفاصيل ما حدث وطلب منه التوجه الى النيابه للادلاء بشهادته
وبالنسبه للاسلحة احب اؤكد لك ان الكنائس ليس بها اى اسلحه لان لوكان بها اسلحه مكانش ده بقى حالها والكلام ده اكده الدكتور محمد سليم العوا مع يسرى فوده وقال اللى معاه اى دليل ان الكنائس بها اسلحة يتقدم ببلاغ للنائب العام ويفتش جميع كنائس واديرة مصر واذا وجدوا اى اسلحه يطبق عليهم القانون

لكن ممكن اصدق ان بعض المنازل المحيطه بالكنيسه عندهم اسلحه عاديه زى كل الموضه اللى ماشيه بعد الثورة والانفلات الامنى
عموما النيابه شغاله ويا خبر دلوقتى بفلوس بكره يبقى ببلاش
المهم اننا كلنا نحتكم للقانون ونرضى بحكمه

انا متفق معك انه يجب ان نترك الموضوع للنيابة وان تكون كلمة الموضوع هي العليا
وطالما ذكرت خالد صلاح وقولت ان الشيخ كلمة كمل كلامك وقول ان الشيخ اثناء توجه للكنيسة تعرض لاطلاق نار مش ده كلام خالد صلاح برضة ومش خالد صلاح ده برضة قال ان واحد لواء شرطة اتصل بالشيخ وقالة يروح الكنيسة يحل الموقف واثناء ذهاب الشيخ حصل الاعتداء
يا ريت تفسرلي انت وتربطلي الاحداث عشان نحاول نفهم سوا