الشيخ لم يقول ان الرصاص جاى من جوه الكنيسه
عرض للطباعة
الشيخ لم يقول ان الرصاص جاى من جوه الكنيسه
اتمنى اللى يحب يعرف يعرف ويتاكد من الخبر..اقتباس:
أكد اللواء منصور العيسوى، وزير الداخلية، فى اتصال هاتفى ببرنامج الحياة اليوم على قناة الحياة1، أن صاحب مقهى قبطى مجاور للكنيسة هو الذى بدأ بإطلاق النار وليس الكنيسة.
ونفى "العيسوى" تماما العثور على أى أسلحة داخل الكنيسة
واحترم جميع الاراء وربنا يهدينا كلنا
تقبلوا تحياتى
متفق معاك في هذه النقطة
لكن كل واحد محتاج يعمل توعية لمن حوله
أنا بقول للناس ننتظر النيابة والقانون يأخذ مجراه
وهذا ما فعله شيوخ الجوامع في إمبابة اليوم
والمفروض الكل يعمل كده
ومطلوب من المسيحيين أن يقولوا لمن نزلوا منهم اليوم في القاهرة وقاموا بمظاهرات وضرب نار وإغلاق طرق ومسيرة للسفارة الأمريكية وماسبيروا
وغير ذلك من الأعمال الهادفة للقفز على سلطة النيابة والقضاء
لابد يتم توعيتهم
لكن كل واحد قاعد يتكلم على الطرف التاني وخلاص هذا لن يفيد
واللي عايز يحرق البلد يروح الأول يتعلم يستحمل الحرق لأنه أول واحد هيتحرق بنار نفسه
وانا ايضا متفق معاك ومقتنع تماما بعدم النزول فى مظاهرات وتعطيل حركة المرور والتعرض لاشتباكات
لانى كنت غير راضى عن مظاهرات السلفيين امام الكاتدرائيه
وكنت غير راضى عن قطع السكه الحديد فى قنا وكنت اتمنى تطبيق القانون على الجميع ومنع التظاهر تماما وخصوصا اذا كان يؤدى الى تعطيل حياة الناس او يعرضهم للخطر
لكن بصراحه بالنسبه للاقباط التمس لهم العذر ليس لانى قبطى اطلاقا
لكن تخيل انت ان اى حد حرق مسجد حتى لو كان مسلم زيك كنت هتعمل ايه
لكن رغم تعاطفى لكن موافق على تطبيق القانون بكل صرامة وبلا رحمه بشرط الا يظلم احد او يعاقب بجرم لم يرتكبه سواء مسيحى او مسلم
المهم أننا إتفقنا على أننا لابد أن نحترم القانون والقضاء ونعطيه حقه ووقته ونحترم قراراته
والمفروض نبقى إيجابيين للنهاية ونعرف الناس كده وندعوهم لكده
ومننساش إن في ناس من خارج البلد من مصلحتها إن البلد تتبهدل
تخيل إن أحداث إمبابة ضربت البورصة المصرية اليوم ضربة محترمة
في ناس بتستفيد من ضرب مصر
يا ريت منتحولش لآلات في إيديهم يحركوها زي ما هما عايزين
وربنا يحفظ مصر بلدنا من كل سوء
-
يارب نفهم كلنا ...... ان اللي بيحصل ده هيا دي الظريقة الوحيدة اللي بتضعف البلد من جوه وبتخلي البلد تولع نار
مش هقول اكتر من كلمتين اتنين بس
عــــــــــــــــــــــــ ـــــيب يا مصـــــــــــــــــــــــ ـــــــــــريين
-------------------------------------------------
تخيل وقع كلامه علي الناس البسطاء اللي واقفين وراه
تم حذف الفيديو لإحتوائه على تحريض للعنف
مشرف 5ب
ربنا يصلح أهل بلدنا ويهديهم ويبعد عنا الفتن