معروض عليا بيعه للنيسان ايه رايكم

**احمد المصرى** · 08-05-2011 04:34 PM

السلام عليكم

صاحب العربيه ال انا اشترت منه النيسان عايز يشتريها تانى منى وهاخد كل ال صرفته عليها يعنى تقريبا هيدفع 64 الف جنيه وانا قدامى عربيه نيسان برضوا 2008 او 2009 مش فاكر بالظبط واتوماتيك وحالتها كويسه جدا بس لونها اسود ولسه متكلمتش فى السعر بس ال عاجبنى انها نيسان وانها اتوماتيك

وفى برضوا احتمال انى اغير خالص واجيب هيونداى النترا 2007 او 2008 مثلا بس مش عارف متوسط سعرها كام يعنى ممكن 70 او 73 يجيبوا النترا اتوماتيك حلوه ولا رايكم ايه

انتم لو مكانى هتعملوا ايه

**احمد المصرى** · 08-05-2011 04:40 PM

اكتر حاجه هتصعب عليا لو بعت النيسان الناس المحترمه ال عرفتها فى قسم النيسان وبجد دى حاجه تعبانى نفسيا جدااااااااااااا بجد يمكن انا مقعدش معاكم كتير بس مش عارف حاسس اننا نعرف بعض من زمان واسره واحده والله الكلام دا بجد مش مجاملات

ربنا يعمل ال فيه الخير

**Ahmed.TV** · 08-05-2011 05:06 PM

فى البداية حنفتقدك طبعا يا بوحيمد

بس اللى عايزك تعرفه , اننا اخوات واصدقاء مش عشان عربيات والكلام ده , لو على العربيات ما بيجمعنى صداقات بناس كتير فى المنتدى معاهم عربيات مختلفة مش نيسان , وصداقة حميمة فعادى ياباشا

بس انا عاوز اقولك على حاجة

ممكن اللى يخليك طالما بتفكر فى 73 الف او حتى 75 الف ممكن تاخد سوبر صالون موديل 2008 وتبقا حاجة كويسة وبردوا وفى نفس الوقت طلعت من المانيول الى الاتوماتيك وكمان جبت السوبر صالون

الالنترا هى عربية بردوا ميزتها انها منتشرة جدا وواسعة جدا , وده اللى اعرفه عنها عشان مش افتى فيها
بس فى ناس بتشكر فى الشكل القديم منها بيقولوا افضل من الجديد المنتشر حاليا
وبالنسبالى مش فارق عندى نقطة اليابانى والكورى , طالما بحط قطع غيار اصلية فى العربية

وفى الاخر لو حيران اعمل مقارنة بين الاتنين فى قسم المقارانات عشان تاخد اراء اكتر وتكون مفيدة ليك

وفى الاخر القرار بيرجعلك

**egypt0777** · 08-05-2011 08:31 PM

ربنا يوفقك

بس غريبة انه يرجع للعربية تانى

يا ترى ايه السبب

**احمد المصرى** · 09-05-2011 12:31 AM

المشاركة الأصلية كتبت بواسطة ahmed.tv

فى البداية حنفتقدك طبعا يا بوحيمد

بس اللى عايزك تعرفه , اننا اخوات واصدقاء مش عشان عربيات والكلام ده , لو على العربيات ما بيجمعنى صداقات بناس كتير فى المنتدى معاهم عربيات مختلفة مش نيسان , وصداقة حميمة فعادى ياباشا

بس انا عاوز اقولك على حاجة

ممكن اللى يخليك طالما بتفكر فى 73 الف او حتى 75 الف ممكن تاخد سوبر صالون موديل 2008 وتبقا حاجة كويسة وبردوا وفى نفس الوقت طلعت من المانيول الى الاتوماتيك وكمان جبت السوبر صالون

الالنترا هى عربية بردوا ميزتها انها منتشرة جدا وواسعة جدا , وده اللى اعرفه عنها عشان مش افتى فيها
بس فى ناس بتشكر فى الشكل القديم منها بيقولوا افضل من الجديد المنتشر حاليا
وبالنسبالى مش فارق عندى نقطة اليابانى والكورى , طالما بحط قطع غيار اصلية فى العربية

وفى الاخر لو حيران اعمل مقارنة بين الاتنين فى قسم المقارانات عشان تاخد اراء اكتر وتكون مفيدة ليك

وفى الاخر القرار بيرجعلك

طبعا يا باشا كلنا اخوات قبل اى عربيات بس انتم السبب انى حبيب الصنى اساسا وتقريبا كان ليكم دور اساسى فى حبى للصنى

انا فعلا قدامى نيسان اتوماتيك وعلى كلام الراجل انها بيتى وممتازه بس انا بقارن بين الصنى والانترا من وجهه نظرى الالنترا احسن من حيث الشكل الخارجى ووسع الصالون

والله يا باشا انا هصلى استخاره لانى متردد كتير ومش عارف هرسى على ايه

**احمد المصرى** · 09-05-2011 12:32 AM

المشاركة الأصلية كتبت بواسطة egypt0777

ربنا يوفقك

بس غريبة انه يرجع للعربية تانى

يا ترى ايه السبب

انا اعرفه شخصيا لانه معايا فى الشغل وهو كان عنده مشكله ماديه والحمد لله اتحلت فعلشان كدا بيفكرى يشتريها تانى لانها كانت معاه كام سنه وعارفها كويس

**WalidAdel** · 09-05-2011 02:35 AM

المشاركة الأصلية كتبت بواسطة احمد المصرى

وفى برضوا احتمال انى اغير خالص واجيب هيونداى النترا 2007 او 2008 مثلا بس مش عارف متوسط سعرها كام يعنى ممكن 70 او 73 يجيبوا النترا اتوماتيك حلوه ولا رايكم ايه

لو النترا خاليك في الشكل القديم احسنلك ميت مره من الشكل الجديد و من النيسان الاوتو في راي
الالنترا التسارع بتاعها رهيييييييييب عربيه محترمه فخاااااااامه قاعد مرتاح ورا و قدام (كراسي) معاك سرعه لحد 200 و ثابته علي الطريق ماشاء الله و فيها abs و ايرباج و سينسور بارك نازله بيه في العربيات الخليجي (مع واحد صحبي من 2006)
المبلغ اللي معاك دا يبجيبلك واحد 2006 بالمواصفات دي بتقول ماما و بابا كمان هاتبقي في حدود 60-65
تفرق عن الصني التسارع بتاع الاوتو في الصني مش اد كده و الكنبه الخلفيه ضيقه حاجه بسيطه
بس الصني تتفوق انها ياباني و معمره و كل الحاجات اللي حضرتك عارفها
بس طالما جيبت سيرة الالنترا قولت اقولك اللي في نفسي يعني و لك حرية الاختيار

**احمد المصرى** · 09-05-2011 11:51 AM

المشاركة الأصلية كتبت بواسطة engaass

استخير ربنا وربنا يقدملك اللى فيه الخير

طبعا مفيش اى حاجه بدون الاستخاره اولا

**احمد المصرى** · 09-05-2011 11:57 AM

المشاركة الأصلية كتبت بواسطة walidadel

لو النترا خاليك في الشكل القديم احسنلك ميت مره من الشكل الجديد و من النيسان الاوتو في راي
الالنترا التسارع بتاعها رهيييييييييب عربيه محترمه فخاااااااامه قاعد مرتاح ورا و قدام (كراسي) معاك سرعه لحد 200 و ثابته علي الطريق ماشاء الله و فيها abs و ايرباج و سينسور بارك نازله بيه في العربيات الخليجي (مع واحد صحبي من 2006)
المبلغ اللي معاك دا يبجيبلك واحد 2006 بالمواصفات دي بتقول ماما و بابا كمان هاتبقي في حدود 60-65
تفرق عن الصني التسارع بتاع الاوتو في الصني مش اد كده و الكنبه الخلفيه ضيقه حاجه بسيطه
بس الصني تتفوق انها ياباني و معمره و كل الحاجات اللي حضرتك عارفها
بس طالما جيبت سيرة الالنترا قولت اقولك اللي في نفسي يعني و لك حرية الاختيار

الالنترا الشكل القديم تحفه بكل المقاييس بس محدش بيبيعها خالص لانه كله عارف قيمه العربيه دى ... بس انا بفكر فى الشكل الجديد اكثر فخامه واكثر جوده من ناحيه الشكل والتسارع بتاعه فى الاتوماتيك ممتاز

صحيح هو التسارع بتاع النيسان فى الاتوماتيك اخباره ايه يا شباب حلو ولا ضعيف وهل بنفس جوده المانيوال كتسارع ولا اقل

-

الموضوع: معروض عليا بيعه للنيسان ايه رايكم

LinkBack

أدوات الموضوع

عرض

معروض عليا بيعه للنيسان ايه رايكم - انشر الموضوع فى :

-

-

-

-

-

-

المواضيع المتشابهه

معروض عليا اراضى فى مطروح ايه رايكم

معروض عليا اشترى a11 اوتوماتيك ايه رايكم

معروض عليا فيرنا اوتوماتيك ب 48 الف ( عايز رايكم )

معروض عليا البونتو دي.. قولوا لي رايكم ايه؟!!؟

الكلمات الدلالية لهذا الموضوع

المفضلات

المفضلات

ضوابط المشاركة