مشكلة في فتيس التيجو عندي

**dobyking1** · 08-05-2011 04:47 PM

انا الحمد لله جبت تيجو وعمله حوالي 8000 لكن عندي مشكلة في الفتيس ان لما اجي ادي التاني والتالت بالذات بحس بخشونة في الفتيس يعني اكنك مش دايس دبرياج علي الاخر فعلشان محسش بالموضوع دوت بدوس دبرياج وانقل بالراحة جدا الفتيس علشان مايحصلش الموضوع دوت فياريت تفيدوني ومحدش يقولي علي الدبرياج علشان هو مضبوط بدليل اني بفضل اضبط الفتيس براحة لحد ما الغيار بيضبط ..... وجزاكم الله خير الجزاء علي النصيحة .....

**bassem.naguib** · 08-05-2011 05:22 PM

المشكلة دي ظهرت مؤخراً .. ولا موجودة من الأول .. وفي كل الأحوال يرجى مراجعة التوكيل .

**egypt0777** · 08-05-2011 08:16 PM

سيبك من التوكيل

ده لا حتاخد منه حق ولا باطل ----- دول عصابة

خليك عند واحد ميكانيكى محترم

انا ارشحلك احمد مهران -- خبره

ربنا يعينك وان شاء الله تطلع حاجة بسيطة ومحتاجة تقريط والذى منه

**apolies2** · 16-05-2011 03:35 AM

بص انا معايا تيجو بردوا وبحس بنفس المشكله بس لما تكون العربيه بارده لسه ما سخنتش بيبق الفتيس ناشف اوووى
بس لما سألت قالى يبق زيت الفيتيس تقيل ولما تيجى تغيره هات واحد أخف منه ولسه ما غيرتوش بس لما العربيه بتسخن اوى بيبق ميه ميه

**dobyking1** · 16-05-2011 11:51 AM

المشاركة الأصلية كتبت بواسطة apolies2

بص انا معايا تيجو بردوا وبحس بنفس المشكله بس لما تكون العربيه بارده لسه ما سخنتش بيبق الفتيس ناشف اوووى
بس لما سألت قالى يبق زيت الفيتيس تقيل ولما تيجى تغيره هات واحد أخف منه ولسه ما غيرتوش بس لما العربيه بتسخن اوى بيبق ميه ميه

بص يا باشا حتي لو العربية سخنة 80% بيعمل كده المهم انا بعتلهم ميل بالمشكلة واتصلوا بيا واتفقت ان شاء الله هرحلهم ابو رواش علي طول علشان يشفوللي المشكلة

**ayman66** · 19-05-2011 04:50 PM

ان شاء الله تتحل فى التوكيل بس ياريت حضرتك تبلغنا ايه تم بعد متروح التوكيل وتتحل المشكله على خير إن شاء الله

**khaled_Saga** · 20-05-2011 02:09 PM

ان شاء الله مفيهاش مشكلة وتبقى بسيطة ...

اعتقد انها فعلا موضوع زيت مش اكتر ممكن يبقى ناقص او تقيل وفعلا زى ما الاخوة قالوا انك هتحس بده اكتر اوى لو العربية باردة ولما تسخن الموضوع بيخف هقولك مثال النهاردة مثلا حر جدا وانا نازل بركب العربية كانت المدام عاملة مشوار قبل الصلاة وانا نزلت بعد الصلاة اخدت العربية لقيت الفتيس ناعم جدا برغم انى احيانا بحس نفس مشكلتك بس فى الاول والتانى فقط لكن لما العربية بتسخن الموضوع بيتحسن كتير

انا معايا ام 11 مش تيجو ورايح بكرة ابورواش صيانة الالف وقولتلهم فى الحجز على الموضوع ده وهخليهم ان شاء الله بكرة يكشفوا على الزبت

هبقى اطمنك ان شاء الله