عاوز رايكو بقي في الفرش بتاعي ده بعد ماركبت من جينز كار

**mazen234** · 11-05-2011 01:18 AM

المشاركة الأصلية كتبت بواسطة tamerosman

ازى التفويلة بتعمل 220 كيلو يعنى 100 كيلو فى الصفيحة

بيطللك الاستهلاك كام عاى شاشة التريب كومبيوتر ؟

ماحاولتش تشوف سبب المشكلة , لا انتا بتحرق جامد على الغيارات ( مش هقول كيك دوان علشان واضح من الصورة ان عربيتك مانيوال ) و مش ممكن الاستهلاك ده غير مع حد شغال كيك داون

انا كان عندى مازدا 3 و كانت حرييقة بنزين علشان مكنتش بقاوم احسحاس الكيك داون بتعها بس مع المنيوال و الحرق استحالة يكون الاستهلاك ده طبيعى

ايوه فعلا انا بحرق جامد بعدي ال 4 ونص ار بي ام وساعات بوصل ل 6 اربي ام
بس جيت في مره فولت وقلت هاخد التفويله ديه تحت ار بي ام 3 عملت معايا 245 كيلو يعني مش الفرق الرهيب بين الحرق واني اسيب العربيه تاخد راحتها في المشي فا طبعا بحرق مجتش علي ال 25 كيلو الزياده
مع اني قولت في التوكيل علي المشكله ديه ودفعوني ساعتها 100 جنيه ومفيش اي امل ولا فايده قالو عشان لسه ان شاء الله علي 5000 هتتظبط واديني داخل علي 5000 ومفيش فايده فامستني ان شاء الله اقول عليها تاني في صيانه ال 5000
ده بصراحه العيب الوحيد اللي مكرهني في العربيه انها خاربالي الدنيا بنزين:b4_611:

**fouaa** · 11-05-2011 01:33 AM

حلو اوى على فكره ربنا يباركلك فيها

**tamerosman** · 11-05-2011 08:02 PM

الاستهلادك كام فى الشاشة الى فى التابلوه ؟

ما تسكتش على حقك و اشتكى فى حماية المستهلك لو التوكيل محلش مشكلتك

**dr_radioooooo** · 11-05-2011 09:34 PM

زوقه هايل ماشاء الله
الف مبروك

**mazen234** · 12-05-2011 12:55 AM

المشاركة الأصلية كتبت بواسطة tamerosman

الاستهلادك كام فى الشاشة الى فى التابلوه ؟

ما تسكتش على حقك و اشتكى فى حماية المستهلك لو التوكيل محلش مشكلتك

10.4 ده الاستهلاك اللي بيبقي علي الشاشه يعني لو الاستهلاك ده صحيح التفويله المفروض تعمل حوالي 450 كيلو

**Raul_7** · 12-05-2011 01:18 AM

ايه الاستهلاك الخزعبلي ده! أنا نفس عربيتك بالضبط, وبحرق أول تاني تالت رابع 4-4.5 rpm والتفويلة بتعمل حوالي 370 كم.

مرة ربنا هداني وكنت ماشي على 90 بتاع 50 كم كده عملت بتاع 420.

طرق سفر و سرعة متغيرة من 120-150 عملت 480 كم.

هو إنت بتسوق في حتت زحمة ولا طرق مفتوحة؟

**mazen234** · 12-05-2011 02:26 AM

المشاركة الأصلية كتبت بواسطة raul_7

ايه الاستهلاك الخزعبلي ده! أنا نفس عربيتك بالضبط, وبحرق أول تاني تالت رابع 4-4.5 rpm والتفويلة بتعمل حوالي 370 كم.

مرة ربنا هداني وكنت ماشي على 90 بتاع 50 كم كده عملت بتاع 420.

طرق سفر و سرعة متغيرة من 120-150 عملت 480 كم.

هو إنت بتسوق في حتت زحمة ولا طرق مفتوحة؟

زحمه زي الهرم فيصل تحرير دقي م نصر بس كده
واحر حاجه وصلتلها 245 كيلوووو التفويلة

**mido_soliman** · 12-05-2011 02:55 AM

المشاركة الأصلية كتبت بواسطة mazen234

زحمه زي الهرم فيصل تحرير دقي م نصر بس كده
واحر حاجه وصلتلها 245 كيلوووو التفويلة

استهلاكك عالى فعلا يا مازن انا الصفيحة عندى بتعمل 200 كيلو مستريحة بس انا فى اكتوبر فمعنديش زحمة بس بردة مفيش جرى فى البلد وفى اشارات بس مش زحمة طبعا
حاول تشوف الاستهلاك دة فى الصيانة الجاية فى التوكيل ممكن الفلتر مكتوم او الرشاشات محتاجة تنضيف او البوجيبهات تعبانة ودة الاغلب