الحقونى!! يا خبراء البارات وياصناع الشدادات

**THE_HERO2005** · 08-05-2011 06:24 PM

السلام عليكم ورحمة الله وبركاته

انا معايا عربية 127 توب .... رحت علشان اركب بار قدام و ورا علشان الشاسيه ما يتفتحش راح بص على الشاسيه وقالى كويس ومش مفتوح !!! وخد المقاس بين متوسط الركبتين تقريبا 85 : 86 سم.
المهم السمكرى لما شاف الحوض لقا فى الركبه اليمين 4 مسامير (3 مسامير مساعد + 1 مسمار 17 بالقاعدة بتاعتو مش عارف ايه لازمتو ) والركبة الشمال فيها 3 مسامير مساعد بس.
قعد ياحاول يمين شمال معرفش يعمل فلانشة على الركبتين فقام ربط مسمار المساعدالشمال بالمسمار 17 الماسك فى الركبة اليمين بحدبدة وساب بقيه المسامير !!!! انا حاسس انو اشتغلنى وان البار كدا مالوش لازمة ؟?

والبار الى ورا هوا راح واخد الوردة الى بتقفل على المساعدالخلفى وراح لحمها فى حديدة بتربط بين الركبيتن قالى علشان تبقى ماسك السنتر مظبوط. الكلام دا صح ولا ايه ؟؟؟

الحوار دا كلفنى 100 جنيه !!! ياريت تقولولى الشغل دا صح وايه المفروض اعملو لو الشغل مش مظبوط ؟ وان شاء الله هجيب ليكو صور من الحوض والشنطة !!!

مطلوب : مقاس مضبوط من نصف المصمار إللي في منتصف البطاحة اليمني لغاية نصف المصمار إللي في البطاحة اليسري
و مطلوب أيضا مقاس الحوض علي هيئة حرف إكس X ؟

**misoalex** · 09-05-2011 06:05 AM

مفيش حاجه اسمها مقاس مظبوط يعنى لو جبتلك بار فابريكه بالمقاس المظبوط ومركبش عندك حتعمل زرجينه للشاسيه ؟؟

اللى عمله البنى ادم اللى انت رحتله ده غلط طبعاااااااااا واصلا 100 جنيه ده كده نصب

روح قوله يعمل الصح هو حب يفتى ويخلص الموضوع سريع سريع وطبعا على حساب حياتك

انت كده بدل متعمل حاجه تحمى العربيه عملت حاجه ممكن تأذيك اذى كبير جداا

هو خرم الحديده وربطها فى مسمار المساعد اللى طالع من البطاحات
طيب المسمار ده هو اللى ماسك المساعدين فى الشاسيه ومع الحركه طبعا طبعا الصاموله حتفك او ممكن المسمار يتقطم او يفوت لان انت كده حملته حمل اكبر من اللى مخصص ليه بكتييييييييير
وطبعا انت عارف ايه النتيجه لو اكلت مطب هوا على سرعه عاليه والمسمار ده اتفك او اكسر مش عاوز اقولك ايه اللى حيحصل عشان حصلت مع واحد اعرفه والحمد لله انه طلع منها سليم والتلفيات كانت فى عربيته كبيره جدا

نفس الكلام على الى عمله ورا مينفعش خالص
لازم ترجعله يشتغل صح ومتدلهوش ولا مليم فوق ال 100 جنيه كده كويس عليه