انهي احسن في الكاستين الدبل دول Pioneer او Alpine و مقارنه بسيطه بينهم..!

**sigma** · 08-05-2011 06:56 PM

السلام عليكم

ان شاء الله ناوي اجيب كاسيت دبل للافيو و بعد ما دورت في السوق لاقيت السوني و البايونير و الكينوود بتاع السبرانزا و الباين..

طبعا الناس هنا كان ليها تجارب مع البايونير 6050 و في رأيي هوه احسن شكل ..مع تابلوه الافيو..

بس وانا بدور لاقيت عند مجدي كلاريون.. الباين 203 ..فأتجهت للمقارنه بين البايونير و الباين..!

السعر : البايونير اغلي 50 جنيه بي 1300

الشكل : في رأيي البايونر احسن

الاداء : طبعا ده اللي مستنيه من اللي عندو خبره

العيوب : البايونير بيدعم ال ipod و مبيدعمش ال iphone ..الباين يدعم الاتنين
عيوب في الاتنين كان نفسي يكون بيدعمو كروت ال sd و يكون فيهم built in bluetooth

المخارج : الاتنين نفس المخارج في كل حاجه 50*4..الفرق ان البايونير مخارجه من الخلف ..و الباين aux و usb من الامام

الاكسسوارات : الاتنين بيركب عليهم بلوتوث .. الاتنين معاهم ريموت.. الفرق ان البايونير ليه ريموت بيركب في الطاره (بيدي شكل Multifunction) بس ده بتشتريه بي 75 جنيه

الصناعه : البايونير تايلاندي و الباين تقريبا يباني.. (مش متأكد و ارجو التأكيد)

الضمان : الاتنين سنه..

الصور : بي الفوتوشوب للتجربه علي التابلوه

الصور علي الطبيعه علي البايونير من اخونا hulk

مستني مقارنات و التجارب من الاعضاء للمساعده علي الشراء...و ياريت لو في اماكن ارخص للشراء...

- طبعا انا عرفت اني لازم اجيب فريم و ده سعرو تقريبا من 200-250 جنيه و في انواع منو كتير : تايواني ..صيني .مصري.. انهي احسن و بيخلي مفيش فرق خالص بين التابلوه و الفريم و اجيبو منين و بكام؟

**sigma** · 08-05-2011 07:27 PM

و دي صوره للسوني علي الافيو ..و الصراحه شكلو رزل جدا جدا

يا ريت لو في حد عندو اخبار عن ال double din اللي موجود في السوق و ممكن يخش في المقارنه يقول..!

**beetleMOSH** · 08-05-2011 08:52 PM

يا عم انت مخلص كل حاجه اهو و مفيش كلام تانى بعد كلامك d:
و انا من رايى خليك فى البايونيير شكلو اشيك
و كده كده الاوبشن قريبه اوى من بعض او زى بعض
مع اختلافات بسيطه يعنى
بس خليك فى الباونييير
الفريم ممكن تسال عليه فى المركز اليابانى سانت فاتيما او الحجاز
و ممكن عند السجان فى شارع دمشق
و ممكن فانتازيا جسر السويس

و لازم اشوف الكاسيت بعد التركيب ان شاء الله d:

**sigma** · 08-05-2011 08:52 PM

انا برضوا شفت ال LG LAB59OON الدوبل عند مجدي كلاريون بس معرفش السعر كام ..! بس شكلو معجبنيش و مبيدعمش ال ipod

و لقيت دول علي النت من JVC و Clarion بس الصراحه مشفتهمش في السوق..!

JVC KW-XR616

Clarion CX201

ملحوظه : موديلات KENWOOD اللي موجوده علي النت ملقتهاش في ولا محل ..كل اللي كان موجود الموديل اللي بينزل في الاسبرانزا اللي بيغير لون الكاسيت كل شويه اللي فوق ده و الموديل الجديد بتاعو اللي فيه USB اللي بينزل في ال Toyota Yaris

**beetleMOSH** · 08-05-2011 08:58 PM

lg ايه بس يا عمو d:
اسمع منى و خليك فى البايونيير
و الكلاريون ده برضو حلو و ال jvc
بس البايونيير اعلى شويه فى الاوبشن ( مش كتيراوى يعنى بس حلو صدكنى d: )

**sigma** · 08-05-2011 09:05 PM

خلاص بيونير يعني علي ضمانتك يا موووووووش :) ...بي 1250 -1300 مجند..؟ و افكس لل alpine؟

علي فكره الكلاريون انا شفتوا علي النت بس مشفتوش في السوق..

اول ما هركب و اجيب كاشات هجيلك ووووووووش ..

**beetleMOSH** · 08-05-2011 09:57 PM

يا ماو بايونيير ان شاء الله و توكل على الله
و الف مبروك مقدما :)
و استنى برضو لو حد عنده راى تانى اسمع باقى الاراء

**Dr/ P.K.Sh** · 08-05-2011 10:44 PM

ana ma3aya aveo automatic zayak we kont me7tar nafs el 7era beta3tak mn 2 months 3ayez aghayar el cassette bardo bs ana shakly hageeb el pioneer 6050 ba3d ma kont me7tar ben kenwood 5110 & pioneer 6050 bs el pioneer yeksab. bs law rakebt a2bly wareny el swar we o2lly rakebt fen.

**AshrafSello** · 09-05-2011 05:01 AM

أنا رأيى طالما هاتغير اللى موجود فى العربية ومش عاجبك وكده كده هاتدفع فلوس فكر فى وحدة دى فى دى بشاشة أفضل علشان تحس بأبجريد بجد ويسلام لو شاشته تاتش وفيه نافيجيتور - طبعا الكلام ده لو بدجت الفلوس مافهوش مشكلة - عموما أتمنى لك ان ربنا يوفقك لأحسن حاجه أنا قلت بس أقول رأيى.

**heshamzaky** · 09-05-2011 05:06 AM

المشاركة الأصلية كتبت بواسطة ashrafsello

أنا رأيى طالما هاتغير اللى موجود فى العربية ومش عاجبك وكده كده هاتدفع فلوس فكر فى وحدة دى فى دى بشاشة أفضل علشان تحس بأبجريد بجد ويسلام لو شاشته تاتش وفيه نافيجيتور - طبعا الكلام ده لو بدجت الفلوس مافهوش مشكلة - عموما أتمنى لك ان ربنا يوفقك لأحسن حاجه أنا قلت بس أقول رأيى.

++++++ 1111111 بالظبط كدة ديفيدى بشاشة

الموضوع: انهي احسن في الكاستين الدبل دول Pioneer او Alpine و مقارنه بسيطه بينهم..!

LinkBack

أدوات الموضوع

عرض

-

-

-

المواضيع المتشابهه

مقارنه مابين Renault Alpine و toyota Mr2 للمميزين و الفاهمين فقط

مقارنه بسيطه

Kenwood أو Alpine أو Pioneer

مقارنه بسيطه

للبيع CD Alpine+Spk Pioneer

الكلمات الدلالية لهذا الموضوع

المفضلات

المفضلات

ضوابط المشاركة