انا على وشك استلام الساجا و لكن............

السلام عليكم و رحمة الله و بركاته

محتاجة المساعدة بشدة، لقلة الخبرة فى هذه الاشياء, انا على وشك استلام السيارة ان شاء الله بعد امضاء الشيكات بالبنك. و لكن قالولى بالتوكيل انى لازم اختار شركة تامين خارجية و عمل البوليصة قبل الاستلام لانهم فى التوكيل غير ميعاقدين مع شركة تامين حاليا....
انا لا افهم فى هذة الاجراءات فياريت من يعرف الاجراءات بالتفصيل و يعرف شركات تامين جيدة يخبرنى؟
ما السعر التامين تقريبا و لو تعرفوا حد فى التوكيل او فى شركة تامين يقدر يفيدنى و يساعدنى بذلك؟
انا اتفقت فى توكيل العجوزة على سعر 72,900 للساجا هل ممكن تخفيض اى شىء حاليا و هل من احد يفيدنى فى ذلك؟
و شكرا!

اقتباس:

---

المشاركة الأصلية كتبت بواسطة nohaa80

السلام عليكم و رحمة الله و بركاته

محتاجة المساعدة بشدة، لقلة الخبرة فى هذه الاشياء, انا على وشك استلام السيارة ان شاء الله بعد امضاء الشيكات بالبنك. و لكن قالولى بالتوكيل انى لازم اختار شركة تامين خارجية و عمل البوليصة قبل الاستلام لانهم فى التوكيل غير ميعاقدين مع شركة تامين حاليا....
انا لا افهم فى هذة الاجراءات فياريت من يعرف الاجراءات بالتفصيل و يعرف شركات تامين جيدة يخبرنى؟
ما السعر التامين تقريبا و لو تعرفوا حد فى التوكيل او فى شركة تامين يقدر يفيدنى و يساعدنى بذلك؟
انا اتفقت فى توكيل العجوزة على سعر 72,900 للساجا هل ممكن تخفيض اى شىء حاليا و هل من احد يفيدنى فى ذلك؟
و شكرا!

---

شوف يا سيدى الفاضل
لانك هتشترى العربية قسط فلازم تامن عليها عشان لو لا قدر الله حصل حاجة ليها البنك يقدر ياخد فلوسه من التامين
فالتامين ده اجبارى فى حالة القسط

اما الشركة فعندك كتير
مصر للتامين - قناة السويس - المهندس - دلتا - كونتاكت - الخ الخ
افضلهم كونتاكت بس غالية اوى

اما المعقول فى مصر للتامين بنسبة 3.5% و فى قناة السويس 4.0%
من تمن العربية

و انا لفيت على كل الشركات تقريبا فالتامين كلهم واحد بس يعنى افضلهم نسبيا قناة السويس
اما موضوع التخفيض ده فصعب انا يحصل للقسط

عموما انت هتاخد رقم الماتور و الشاسيه بتاع العربية بتاعتك و تروح شركة التامين اللى هتختارها و تسال على قسم التامين على السيارات و تامن عليها و تاخد الوثيقة و تصورها و تديها لعز العرب يديها للبنك
و تستلم على خير و ربنا يكرمك و يبعد الشر عنك ان شاء الله

و اى استفسار تحت امرك

مفيش كلام يتقال بعد كلام طارق بيه !!
ولكن انا برجح بنك قناة السويس لأنه اكثر تعاملا مع الأعضاء والمهندس بلاش لأنه له واقعة مع احد اصدقائي .. فتوكل على الله مع بنك قناة السويس ان شاء الله ولو عايز عنوانهم حضرتك تقولي وانا ها اطلب حضرتك واوصفهولك ..

شكرا جزيلا للرد المستفيض
و لكن افضلهم من انهى منطلق بالضبط؟ انا خبرتى قليلة و هل كلهم الاجراءات سهلة فيهم؟
تنصحنى بمصر للتامين و لا بقناة السويس افضل عن تجربة وفى ايه بالضبط؟
ملحوظة: انا مهندسة و ليس سيدى الفاضل :))

المشرق العربى للتامين التكافلى - اكبر شركة فى الامارات و مملوكة من مجموعة الفطيم : 3.25 % - 10% تحمل فى حالة الاصلاح لدى الوكيل و بدون تحمل خارج التوكيل + 200 جم عن كل حادث

المجموعة العربية اميج 3.4% و 10% تحمل وكيل برضوا

انا سئلت فى كل الشركات و دى الخلاصة

افضل شركة ايه اى جى بس بتوصل 5 %

يا بشا ممكن تخلص الساجا فى التوكيل على 72000 بس و الله شفتهم بينزلو ال 900 دى قدامى

اقتباس:

---

المشاركة الأصلية كتبت بواسطة nohaa80

شكرا جزيلا للرد المستفيض
و لكن افضلهم من انهى منطلق بالضبط؟ انا خبرتى قليلة و هل كلهم الاجراءات سهلة فيهم؟
تنصحنى بمصر للتامين و لا بقناة السويس افضل عن تجربة وفى ايه بالضبط؟
ملحوظة: انا مهندسة و ليس سيدى الفاضل :))

---

:))
مش عارف هجوم المهندسين على المنتدى ده هيفضل لحد امتى :))
المنتدى كله مهندسين حاسس انهم هيستقلوا بالمنتدى فى يوما ما و يطردونا :)
طيب اولا انا افضل قناة السويس طبعا
و كلهم الاجراءات سهلة اه وحضرتك واقفة هتاخدى الوثيقة فى 10 دقايق ان شاء الله
و افضلهم دى فى التعامل و المكان بس مش اكتر

هو حضرتك جايبها من معرض عز العرب اللى فى العجوزة من استاذ وائل ؟؟

الفكرة بتبقى دائما الإضلية من حيث السعر الإفضلية من حيث الإنتهاء سريعا من اجراءات الإسلاح وعدم المماطلة في الدفع وعدم التهرب من الحوادث واكم من اعضاء شوفنا معاهم حركات غريبة من شركات تأمين في حاودث ينفوا انه العربية مش مؤمن عليها ولكن انا شايف انه حضرتك افضل تجيبي ورق كل الشركات وتختاري مش بناءا على السعر ولكن بناءا على المميزات والإمكانيات يعني انا شايف انه بنك قناة السويس للحاجاتاللي بيغطيها ممتازة وكافية جدا .. او يمكن عشان واخد عنده خصم عشان دية تاني عربية ولكن مش بيماطلوا نهائيا في الدفع عند حدوث حاجة لا قدر الله ولكن برضوا حضرتك افضل شئ تقارني انتي بتدوري على تأمين وخلاص يبقى لأقل سعر ها يمشي ولا بتدوري على تأمين يغطي ايه بالضبط هكذا الموضوع بيتقاس ومن رأيي الدليل موجود وحضرتك تتصلي وتتناقش وتفهمي كل شركة ايه مميزاتها وعيوبها .. وهكذا .. وتحت امر حضرتك ومتأسف لعدم الإنتباه ..

نعم تعرفه برده؟ حضرتك اتعاملت معه قبل كده؟
قناة السويس مكانها فين بالضبط؟ اصلى ساكنة فى مصر الجديدة و ماذا عن ايه اى جى و المجموعة العربية اميج و المشرق العربى للتامين التكافلى كما قال الزميل العزيز؟

اقتباس:

---

المشاركة الأصلية كتبت بواسطة nohaa80

نعم تعرفه برده؟ حضرتك اتعاملت معه قبل كده؟
قناة السويس مكانها فين بالضبط؟ اصلى ساكنة فى مصر الجديدة و ماذا عن ايه اى جى و المجموعة العربية اميج و المشرق العربى للتامين التكافلى كما قال الزميل العزيز؟

---

اه اعرفه

قناة السويس موجودة فى شارع التحرير بجوار سينما التحرير علطول

و ايه اى جى شركة كويسة برضه زى كونتاكت بس غالية
و المشرق معقولة متعاملتش معاها بس مسمعتش عنها حاجة وحشة

خليكى فى المضمون و المشهور و خلاص و سيبيها على الله يا باش مهندسة ((( هو الحافظ )))

فيه فرع ليها اقرب جدا لحضرتك في مصر الجديدة من نفس الفرع اللي انا امنت عندوا انا مش عارف اسم الشارع ( انا سئ جدا في شوارع مصر الجديدة ) ولكن هوا في نفس العمارة اللي فيها كومبيو مي ها تلاقي الإعلان بتاعهم متعلق على جنبها .. والشارع ده فيه شريط مترو !!!! لو تديني فرصة ها اجيب لحضرتك اسم الشارع اللي العمارة فيه ..

:) شكرا جزيلا على مهل حضرتك لما تفتكره براحتك
و شكرا جزيلا على ردكم الذوق جدا ..............انا ان شاء الله هروح قناة السويس و اتوكل على الله......واضح ان الاعضاء يفضلوه

فييييييييييييي شارع الأهـــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــــر ام في العمارة اللي فيها كمبيو مي ها تلاقي ممر جانبي كده هيا العمارة دي فيها البنك !!!
لو حضرتك متجهة الى نادي هيليوبلس ها تلاقيه على ايدك الشمال ...
اكتر من كده مش عارف افتكره لأنه دهاليز مصر الجديدة تتهوه !!
والعنوان بالتفصيل فين العمارة كام ها اجيبه بكرة لحضرتك ...

:) شكرا جزيلا كلك ذوق

عن سابق تجربة شركة كونتكت هى افضل شركة هى غالية شوية لكن اجراءتها سريعة جدا ومحترمة جدا فى التعامل وفى حالة العربية تاخد وقت فى الاصلاح تعطيكى عربيى بدل لمدة 3 ايام بدون اى مقابل المشكلة غالية شوية

انا اتعاملت مع كونتكت كانوا كويسين بس دلوقتى لا خالص بقوا زى اى شركة تانية ومن غير ما ادخل فى تفاصيل. مصر للتامين احسن وارخص وفى الاخر كلة متساوى يعنى فى حالة الحوادث(لا قدر الله ربنا يحفظك) بتصرفى من جيبك وبعدين تحاسبى التامين بفواتير الاصلاح المعتمدة سواء فى التوكيل او غيرة وعلى فكرة انا لسة مستلم ساجا منيوال وباردو كنت فى حيرة لولا ان هدانى الله

شكرا جزيلا و ربنا يباركلك فيها ان شاء الله وبما ان حضرتك لسة مستلم ساجا منيوال فاولا ايه انطباعات حضرتك عن السيارة؟
هل اجراءات الترخيص تمت بيوم واحد فقط فى المرور و هل يجب شراء نمر تجارية للترخيص ولا ممكن بدونها؟
ممكن فعلا ينزل السعر فى التوكيل شوية حتى لو تقسيط؟

الترخيص بيتم في يوم واحد !!!
ولا حاجة لنمر تجارية ولا الكلام ده عادي مدام حضرتك ها تخرجي من التوكيل ومثلا ها تقعدي يوم على ما تروحي المرور او ثالث يوم عادي فيه اعضاء قعدوا بالعربية 3 ايام من غير نمر على ما جه ورقها ..
وبالنسبة للسعر مش عارف بصراحة ..

حضرتكم انا قدامى بيبيعو السلجا على 72000 و الله بينزلو ال 900

كاش او تقسيط ما يفرقش معاهم هما هيقبضوا كاش من البنك قبل ما يسلموا ليكى العربية

الكلام ده لو هما بيقسطوا ليكى مباشرة

الترخيص فى يوم واحد بس روحى المرور بدرى

شويه فصال خفيف بيشيلو ال 900

اقتباس:

---

المشاركة الأصلية كتبت بواسطة yaseenmohamed

شويه فصال خفيف بيشيلو ال 900

---

ده اللى حصل معايا و ممكن كمان ينزلو اكتر

شكرا لاهتمامكم جميعا
سؤال هام: ما تكلفة الترخيص فى المرور لو انا مامنة على السيارة؟؟؟ للساجا اتوماتيك؟؟؟

سؤال اخر : هل فعلا جواب المرور لا نتسلمه مع استلام السيارة فى نفس التوقيت؟ هل يكون بعد استلام السيارة بيوم او فى نفس اليوم بليل؟

اقتباس:

---

المشاركة الأصلية كتبت بواسطة nohaa80

سؤال اخر : هل فعلا جواب المرور لا نتسلمه مع استلام السيارة فى نفس التوقيت؟ هل يكون بعد استلام السيارة بيوم او فى نفس اليوم بليل؟

---

أنا كمان عندي نفس السؤال و محتاج جواب بسرعة لأني بإذن الله رايح النهاردة أستلم الساجا

على حسب ما انا فهمت ان لو حضرتك رايح تستلم انهاردة بليل....جواب المرور حضرتك بتستلمه بعدها بيوم او يومين بالكثير....و بتكون دفعت المبلغ كله كاش او بقيت منه 5000 فقط مثلا و بتكون طبعا استلمت السيارة.
بس كده لازم تستنى على الترخيص يوم او يومين : (.......السؤال الهام: هل لازم ناجر نمر تجارية عشان نمشى بالسيارة؟
من فضل حضرتك تبقى تقولى ايه الى حصل فى الاستلام و الترخيص و جواب المرور عشان انا هستلم السيارة يوم الخميس القادم ان شاء الله

اقتباس:

---

المشاركة الأصلية كتبت بواسطة nohaa80

على حسب ما انا فهمت ان لو حضرتك رايح تستلم انهاردة بليل....جواب المرور حضرتك بتستلمه بعدها بيوم او يومين بالكثير....و بتكون دفعت المبلغ كله كاش او بقيت منه 5000 فقط مثلا و بتكون طبعا استلمت السيارة.
بس كده لازم تستنى على الترخيص يوم او يومين : (.......السؤال الهام: هل لازم ناجر نمر تجارية عشان نمشى بالسيارة؟
من فضل حضرتك تبقى تقولى ايه الى حصل فى الاستلام و الترخيص و جواب المرور عشان انا هستلم السيارة يوم الخميس القادم ان شاء الله

---

أولا مبروك علينا !!
ثانيا شكرا على الرد السريع. صاحب المعرض قاللي أنه هيديني إيصال استلام أمشي بيه يوم واحد (مثلا بتاريخ بكرة) بحجة أني لسة مستلمها و ملحقتش أرخصها. لكن قاللي أن الحل ده أمشي بيه يوم واحد بس على أمل أن خطاب المرور بكرة و أرخص بعد بكرة. إدعيلي.
إن شاء الله لما أستلمها هاقولك على اللي حصل.
ربنا يبارك لنا