السلام عليكم جميعا,
يسعدني ويشرفني أن أدعوكم جميعا لمقابلة زميلنا وأخانا العزيز محمد الشامي يوم السبت الموافق 21 مايو (السبت بعد القادم)
الساعة والمكان سوف يتم تحديدهم قريبا إن شاء الله.
عرض للطباعة
السلام عليكم جميعا,
يسعدني ويشرفني أن أدعوكم جميعا لمقابلة زميلنا وأخانا العزيز محمد الشامي يوم السبت الموافق 21 مايو (السبت بعد القادم)
الساعة والمكان سوف يتم تحديدهم قريبا إن شاء الله.
يشرفنا طبعاً مقابلته ... هو بقاله فترة غايب عن الهوندا بعد انضمامه للفولكس فاجن ومشوفتش مشاركات ليه من زمان لعل المانع خير .
ايوة بقى الأخبار الحلوة، في انتظار المقابله الراجل ده هونداوى أصيل و بقالى كتير ماشوفتوش :)
شكراً يا أحمد بك على اهتمامك بترتيب المقابلة
خلاص ربنا يسهل واكون موجود , بجد راجل محترم جدا وكلنا نتمنى اننا نشوفة ونتعرف بية
ان شاء الله موجود طبعا ، وياريت لو فى السخنه زى المره اللى فاتت
:049:
+1
+1
الله يكرمك يا باشا إن شاء الله تكون مقابلة جميلة بكل إللي فيها,,,
أكيد يا سامح باشا إن شاء الله ,,, رتب نفسك مافيش أعذار,,,
إن شاء الله يا هايثم باشا ,,, بس عايزين نغير ,,, أنا لسة جاي من السخنة ,,,
فيه إقتراح أو نسميها (خريطة طريق) يوم السبت
أولا نتفق على مكان المقابلة (كارفور المعادي مثلا)
محمد الشامي والعبد لله عايزين نروح الأهلي ستورز (لو مافيهاش زعل مع الإخوة الزمالكاوية) إللي لسة فاتح من كام يوم (جنب نادي الصيد) ,,, إن شاء الله نتقابل في (كارفور المعادي مثلا) ونتحرك من هناك في عربية أو إثنين حسب عددنا والباقي يسيبوا عربياتهم في الباركينج ونطلع على الأهلي ستورز تجيب إللي إحنا عايزينه ونرجع كارفور الساعة 6 مثلا نقابل الإخوة الزمالكاوية وإللي ظروفه مش هاتسمح لطلعة الأهلي ستورز دي و نكمل باقي اليوم في كارفور ,,, إيه رأيكم؟
ده من عند محمد بيك الشامي هو إللي متابع ,,, المهم مين جاي؟
اليوم السابع | افتتاح "الأهلى ستورز" تحت شعار "أنا الأهلى.. أنت مين"
Al Ahly Store | Facebook
الأهلي ستورز.. مفاجأة عشاق النادي الأهلي
إن شاء الله الترتيب هايكون:
التواجد الساعة 2 ظهرا في كارفور المعادي ثم التوجه للأهلي ستورز ,,, برجاء إللي هايجي معانا الأهلي ستورز يقول هنا ويكتب نمرة موبايله علشان نعمل حسابنا
بعد كدة إن شاء الله هانرجع كارفور الساعة 6 المغرب نكمل قاعدة
مين جاي الأهلي ستورز ومين جاي كارفور بعد 6 المغرب؟
الزمالكاوية شكلهم مراقبين الموضوع هنا وسخنوا ,,,
:)
اليوم السابع | 4 شركات تبدأ المنافسة على "ستورز" الزمالك
السلام عليكم,
نظرا لعدم إمكانية تأكيد بدأ الأجازة (حتى الآن) لمحمد بيك الشامي وبالتالي عدم إمكانية تأكيد موعد المقابلة ,,, سوف نحتفظ بنفس الترتيبات ولكن سوف نؤكد يوم المقابلة لاحقا إن شاء الله.
طيب على السادة الحضور التأكيد ومراعاه فروق التوقيت
في انتظار التأكيد يا أحمد بك
يا حاج أحمد أمين أنا موجود بس ظروف شغلى ممكن أعملكم مقابلة في أى محكمة تختاروها بس اللى مش هيطلع معرفوش p: عشان أنت عارف البلاغات كتره اليومين دول وأنا جالى أخبار أنك هتغير وتجيب مرسيدس بنز 2011!! عاوز تفسير منك للنقطة دى عشان النائب العام ما بيصدق :) المهم هعدى على الموضوع بس عاوز واجب ضيافه شاى قهوة حاجه ساقعة وياسلام بقى لو سندوتشين كمان على الماشى :)
سلامون قول من رب رحييم ... آآآمااان يا ربى آآآماأأن هوة الواحد ميعرفشى يعمل حاجة حاجة من غير ما الابوكاتاوية ميعرفوها .
ربنا يجعل كلامنــــا خفيف عليكـــوا ... ليطلعلى معاك سيدهاية ولا حاجة .
ويا جميل انت تنور بس الموضوع ... وانا اعملك أحلى فرح بلدى والنقوط هيكون من باقى الاعضاء الهونداوية .
دانتا مقمامك كبير أوى فى الهوندا ... بس متنساش تجيب معاك عم هورس باور علشان تحلوا القعدة .