يا جماعة أنا محتاج مساعدتكم
أشترى الانترا أوتوماتيك ولا الأكسنت rb الجديدة ؟
ياريت تساعدونى وبسرعة
عرض للطباعة
يا جماعة أنا محتاج مساعدتكم
أشترى الانترا أوتوماتيك ولا الأكسنت rb الجديدة ؟
ياريت تساعدونى وبسرعة
السلام عليكم
طبعا الإلنترا لأن مفيش مقارنه في الحجم و الأتساع و لكن الأكسنت تتميز بالشكل الجديد فقط لا غير
و كده بنظلم الأكسنت لما نقارنها بالإلنترا
النترا الشكل القديم افضل طبعا فى كل حاجة باستثناء الشكل
شكرا جزيلا للافادة بس أنا والله لسه محتار
النتر ااااااااااااااااااا طبعاااااااااااااااااااااا
الانترا جميلة قوى بس الحيرة لأن ال rb شكلها أشيك
بص ياباشا طبعا الالنترا احسن فى كل حاجه
على فكره انا ركبت الانترا والاكسنت ال rb
فعلا هناك فرق شاسع بين الاثنين
الانترا اكبر طبعا من الداخل الاكسنت ضيقه اوى
طاره القياده فى الانترا متحركه فى الاكسنت لا
الشنطه فى الانترا كبيره اوى عن الاكسنت
الانترا قطع غيارها متوفره جدا فى كل حته طبعا الاكسنت لسه نازله
ثبات الانترا رائع على الطريق فعلا
بس بردو الاكسنت فيها حاجات مش فى الانترا
يعنى مثلا الاكسنت الكرسى بتاعها متحرك الى اعلى واسفل
فيها امكانيات فى التابلوه زى مثلا لم تفول البنزين بيجبلك البنزين ده يمشيك كام كيلو على الشاشه
بس شكلها مش عاجبنى الصراحه كثره السوك اللى فيها دى مشكله لو لا قدر الله وحصل حادثه او اتخبط مش حتعرف تعدلها تانى على شان خاطر الحروف الكثيره اللى فى العربيه
ده من وجه نظرى وعلى فكره انا رايح التوكيل بكره ان شاء الله على شان احجز عربيه النترا 2011 اوتوماتيك باذن الله تعالى
أنا لسه جاري مع أر بي فبقولك جيب إلنترا الrb الطريق هدي مرة واحده انا هديت براحة وهو فرمل وزحف لدرجة إنه عداني بفرق عربيه وإحنا الإتنين دايسين فرامل!!! وأنا نص دوسة بس كنت خايف تطلع زي الفرنا في الفرامل وللأسف طلعت زيها
يا ريت من غير ضرب يا جماعة أنا بقول الي حصل معايا
يا yoko أستخدام الفرامل ده موهبه و إتقان أكتر مما هو أمكانيات فرامل ممكن واحد يبقي ماشي علي 60 بعربيه فراملها روعه و تلاقيها زحفه منه
و ممكن واحد عارف فرامل عربيته بتوقفها أمتي يبقي طاير و يوقف العربيه في مسافه قليله
و طبعا لا نغفل جودة الفرامل لكن الrb فراملها قريبه من الإلنترا إلي حد ما
لكن المستفز في العربيه دي سعرها الصراحه و المفروض الهاي لاينGLS منها ميعديش ال95_100 بالكتير علشان تنافس أما كده غبور بيبعها للناس بالغصب علشان قطع الغيار و الصيانه الرخيصه[
معاك طبعا في موضوع السعر100%
اما الفرامل معاك لكن مش قوي لإن انا سمعت ان فراملها تحفة وقويه وكلام كتير كدة ملقتوش خالص وموضوع انها حرفنه فهي حرفنه لكن مع موتور زي ده حى لو حريف مش هيلمها من غير abs و ebd
انا من يوميين لولا الEbd كان زماني مخيش بالعربيه مع اني من الناس الي المفروض بتسوق كويس مرة واحدة واحد وقف قدامي الساعة 11 بليل في شارع فاضي ومعهوش انوار لو عربيه فراملها اي كلام هياخدها بالحضنتخيل بقى عربيه من غير فرامل ولا ايرباج بصراحة مش قادر افهم فكر عمو غبور
وعن نفسي لو هرب هيونداي يبقى الالنترا الي بabs airbag ودي نزلها متأخر قوي مش عارف ليه
معلش طلعت برة الموضوعورغيت كتيييييييير
الأكسنت فيها 3 فئات بabs و 1 إيرباج
لكن هي وجهة نظري أن قلة الخبره المتمثله مثلا في عدم كشف الطريق علي فترات و عدم توقع أخطاء الأخرين و ترك مسافات مش هانقول قانونيه لأن لو تركنا المسافه القانونيه هاتلاقي ناطط فيها ميكروباصين و تكتك مسافه تسمح بالفرمله و تدارك الأمر
يعني أنا أقصد الناس اللي فاكرين السواقه أكسراتير و فرامل فقط و دول الله يكون في عونهم
و بالرغم من أنها مجهزه بفرامل ميكانيكيا و نظريا جيده جدا لكن في الواقع توزيع الوزن هو اللي بيجي دايما و يحسم الموضوع في الثبات و الفرمله و التسارع
هي عربيه جميله لكن لما الإلنترا القديمه تخلص من سوق الزيرو هاتبقي زي الرز لأن الإلنترا حطاها في موقف محرج بالخامات و الرحابه و السعر
شكرا لكل اللى شرفنى فى موضوعى
أنا قررت ان شاء الله أجيب الالنترا
الالنترا احسن لانها اكبر وفئة اعلى
اختيار موفق بس هاتها اتوماتيك و مبروك مقدما
هى الانترا اتوماتيك بكم؟
واجيبها منين ؟
هل من التوكيل ولا من معرض احسن؟
الالنترا الاوتوماتيك عامله دلوقتى 104.5 الف جنيه
وطبعا تجيبها من التوكيل احسن انا ان شاء الله رايح الصبح احجز واحده اوتوماتيك من توكيل قليوب باذن الله
هى عليها عرض دلوقت خصم 5 آلاف جنيه واسأل فى التوكيل وده لينك فيه عناوينه
ContactCars | هيونداى - الانترا
والفول أوبشن أوتوماتيك ب 104500 جنيه
هو العرض يخلص امتى يا جماعه بتاع الالنترا؟
حد عندة رقم هايونداى عمارات العبور؟
اجيب من فرع عمارات العبور ولا ابو غالى؟
وايه الفرق ما بينهم ؟
يا استاذ zamalek26
العرض شغال حتى نفاز الكميه انا لسه جايب عربتى النهارده من توكيل غبور اللى فى قليوم استلمتها وانا واقف على طول
والله مش عارف اللى فيدك حد يكون اتعامل معهم من قبل على شانم يقدر يحددلك الاحسن مين