gen2 اسئلة يجب الاجابة عليه قبل الشراء؟؟؟؟؟

**blackeagle** · 20-04-2008 06:41 AM

اولا هي افضل عربية في فئتها سواء من الاداء او الكمليات وسعرها لابد ان يتجاوز 100000 في راي الكثيرين
ولكن هنالك العديد من الامور الشائكة حولها
1)العربية اول ظهورها كان عام 2006 و هو نفس عام ظهور الاسبرانز ولكن انظر اليوم كم عربية اسبرانزا في شواع مصر و كم عربية جين-2........ابو الفتوح قال انه باع حتي الان اكثر من 12000 سيارة علي الرغم ان الجين 2 افضل من الاسبرانزا 100 مرة و لكن الاهمال الواضح من الوكيل لها كان سبب ضعف انتشارها.
2)بعد عدة سنوات هل ستصبح مثل الدايو او الهيونداي....ام ستصبح مجرد سيارة شكلها جميل لا يعرفها احد.
ولا يقول لي احد ان العربية ممتازة سوف تثبت كفائتها لاني الكفاءة ليس العامل الوحيدالانتشار
و الامثلة كثيرة مثل الالفا رميو -الاودي-لانشيا -موسوسانج يونج فهي عربيات ممتازة ومع ذلك فشلت في السوق المصرية
3)لما تيجي تبيعها كعربية مستعملة هناك اسئلة يسالها اي شخص يريد ان يشتري عربية مستعملة
اولا في حد بيعرف يصلحها؟
ثانيا هل قطع الغيار متوفرة؟
طبغا لو قلت له في التوكيل سوف يهرب لان من يشتري سيارة مستعملة لن يفكر في لحظة ان يروح التوكيل نظرا لانه يعقد ان الحاجة اللي بتتعمل ب 100 بره التوكيل هيعملها ب 1000
4)ثانيا محلات قطع الغيار الموجودة في المنتدي تقريبل 3 او 4 محلات كلهم في القاهرة يعني لو واحد ساكن في اسيوط و اشتري العربية هياخد قطار يقعد فيه 8 ساعات رايح جاي عشان بشتري فانوس اشارة اتكسر و ممكن بعد مايشتريه ما يلقاش حد يركبه له في اسيوط..
اخيرا انا لست ضد الجين 2 بل علي العكس اريد ان اشتريها و لكن كل هذة الاسئلة تمنعني لذا ارجو من ملاك جين 2 الاجابة عليها و ارجو من التوكيل ان يصرف عليها شوية فلوس في الدعاية عشان الواحد يقدر يشتري العربية و هو مطمن....

**blackeagle** · 20-04-2008 07:13 AM

6)انا سالت في عز العرب عن توفر قطع غيار الجين فكان الرد كالتالي الحاجات اللي بتبوظ او معرضة للتلف موجود منها كمية و لكن الحاجات النادر ان توظ بيبقي في منها كمية صغيرة و لكن لو كانت مش موجودة احنا بنطلبها لك من ماليزيا و بتيجي بعد اسبوعين ...معني كده لو حاجة باظت في العربية و صادف انها مش موجودة في التوكيل سوف تترك العربية واقفة لمدة اسبوعين لحد ما يجبوها من ماليزيا....ده معقول يا جماعة.
7)لو حصل مشكلة بين الوكيل و شركة بروتون ذي مع حصل في شركة كيا ....وترك الوكيل السيارة هتصلحها فين و تجيب قطع الغيار منين و طبعا مشكلة شركة كيا تسسببت في انخفاض عدد سيارات الكيا في مصر في اخر سنتين ...بل الكيا برايد تكاد تكون اختفت من شوارع مصر...اما الكيا سفيا فلا احد يتذكرها اساسا.
8)نلقي نظرة علي سيارات عز العرب لنعرف هل سياسته التسوقية ناجحة ام فاشلة
اولا ستروين و الكليسلر و عربتاها الشهيرة نيون
جرب روح اي معرض و قوله انا عندي عربية ستروين او نيون عاوز ابعها يكون رد واح : مابنشتغلش فيهم يا بيه
الجيب ...فقدت كثير من سوق 4*4 لصالح باقي الشركات مثل تويوتا نيسان سوزوكس ديهايتسوا شيفورليه
اخيرا ال بي ام دابليو لاتزال قوية نظرا لانها ذات سمعة عالمية بالاضافة لانها جائت لعز العرب قريبا من بعد سحب التوكيل من ابو الفتوح

**tutankhamoun** · 20-04-2008 08:03 AM

السلام عليكم
حضرتك متشائم جدا ........... أيه يا عم ..... تفائل شوية :)
بالنسبة للرد على نقاط حضرتك
1 - الأنتشار و الظهور مع الاسبرانزا
أولا الاسبرانزا تجميع محلي ......... و صيني ........ لذلك سعرها لا يُقارن بالجين 2 اطلاقا و هناك فرق لا يقل عن 15 إلى 20 ألف جنيه مصري
و أنا معاك أن عز العرب توكيل بخيل و مبيحبش يعمل إي اعلانات أو تسويق لعربياته

2- أنا أتفق معك تماما أن الكفاءة ليس العامل الوحيد للإنتشار و لا أعتقد أنا ستصبح مثل الدايو أو الهيونداي في موضوع الأنتشار و لسبب بسيط هو ارتفاع سعرها عنهما
و لكني أعتقد أنها ستنتشر خصوصا و أن هناك 3 موديلات من بروتون يبيعون مبيعات جيدة بالترتيب التالي .. الجين ثم الويرا ثم الواجا

3- سعر إعادة البيع منخفض قليلا في الوقت الراهن و لكن إذا إنباع من السيارة عدد أكبر في خلال سنة أو أثنين سوف يرتفع سعر اعادة بيعها

4- مشكلة محلات قطع الغيار الموجودة في القاهرة فقط ده راجع لانتشار السيارة في القاهرة أساسا و أيضا هذه المشكلة تشترك فيها سيارات كثيرة مثل الرينو و البي إم دبليو و السوباروا و البيجو الحديث و الألفا روميو و الكثير
محلات الأقاليم تبيع للسيارات القديمة أساسا و كنت أقابل كثيرين من الأقاليم في محلات القاهرة لشراء قطع غيار للفيات

5- الرد بتاع عز العرب على موضوع الحاجات قليلة الأعطال و اللي وجودها بكميات صغيرة أعتقد أنها سياسة مُطبة في أغلب التوكيلات و ليس عز العرب فقط
و لكن ما هي تلك قطع الغيار النادرة الأعطال ؟؟؟

6- بالنسبة للمشكلة الخاصة بالوكيل و الشركة الأم
في الوقت الراهن لا يوجد اي مشاكل من اي نوع و لا يوجد أحد أخر يُنافس عز العرب على وكالة بروتون و صدقني إذا حصل حاجة زي كدا هتلاقي 100 شركة عايزة تأخذ عقد الوكالة
و مينفعش نقارن بروتون بكيا
لأن كيا كان عندها مشاكل مُركبة و مُعقدة نسبيا مع وكلائها في مصر
و هذا هو ما سبب المشاكل الكثيرة للماركة المحترمة كيــــا

و أنا رأيي إنك متشائهم قوي يا أخي .......... أتكل على الله و متخافش و أعتمد عليه ......... و هات العربية اللي نفسك فيها
و بعدين لما تنضم لنادي بروتون ... العدد يزيد و كلمتنا تعلى عند الشركة الأم و عند عز العرب البخيل :D :D :D :D :D
و على فكرة نقطة أخيرة
بروتون بتبيع كويس و مش بتخسر في سوق المستعمل و لكن ليس بنفس سرعة عربية دايو ب 50 ألف أو 40 ألف
لأن البروتون بيتباع غالي شوية و بيدخل في فئة أعلى حتى و هو مستعمل

يلا مستنيين قرار شرائك ......... علشان نقولك ألف مليون مبروك