الموضوع: الجين تو الجديده

فبل ما تهجموا و تقول ايه الاهبل ده لازم تسمعوا الحوار ده لانه لسه بيهلكني ضحك لغايه دلوقتي

زميل ليا في الشغل اتعرفت عليه و اكمنه جديد في البلد و بيته قريب مني كنت بوصله معايا
و جت سيرة العربيات و حكالي انه في مصر غير عربيات كتير و تدرج من 127 لغايه ما ربنا كرمه و قبل ما ييجي الكويت كان معاه لانسر شارك و باعها
انا مكدبتش خبر و عادي لقيته كمل و قالي انه اول ما ياخد الرخصه عايز يجيب جين تو فانا بصراحه استغربت بس معلقتش و حاولت اوضحله ان الجيت تو نزلت في الكويت قبل مصر بكتييير و معملتش شغل فتوكيلها بطل يجيبها و ان بروتون مبقتش موجوده في الكويت كلها


المهم بعدها بكام اسبوع لقيته بيقولي يا عم انت طلعت فتاي
بقوله ليه قالي سيتي سنتر(سوبر ماركت كبير) عاملين عروض و سحب علي عربيه جين تو
و كوني متاكد ان البروتون مفيش منها جديد في الكويت قلت في عقل بالي معقول يكون ستوك قديم و بيصرفوه بس ازاي دي من 2006 و ملهاش اثر و الجين تو تحديدا مشفتهاش في الشارع كل البروتون هنا وييرا و واجا اكمنهم نزلوا تاكسي
المهم مشي و طبعا نظراته كانت مبينه اني سقطت من نظره و اني طلعت فشار و فتاي كبيرو قال ايه فاهم في العربيات

بتنغدي بعدها بكام يوم مع بعض و راح جايب الجرنال و لقيته طلع منه بروشور و بيقولي اهو
العرض يتاع سيتي سنتر اهو و ادي صوره الجين تو
و الاقي اييييه
صور العربيه اللي حاططها فوق دي
الفورد موستينج
طبعا انا عقبال ما فقت من الصدمه قلتله ازاييييي بس خيالك اوحالك ان دي بروتون
انت عارف لوجو البروتون شكله ايه
قالي ما هو يا عم مكتوب عليها GT يعني Gen Two
هنا بقي انا فطست علي روحي من الضحك
و لغايه دلوقتي كل ما اشوف موستينج افتكره و قلت اشارك معاكم الحوار ده

فها ايه رايكم في الجين تو الجديدة