كام زمن التسارع بتاع السيراتوال 4 و 6 سرعات من 0-100 كم ؟؟

**subzero_freez** · 13-05-2011 01:45 AM

النهارده , شديت مع صحبى , هو معاه ال 6 سرعات و انا ال 4 .. انا طلعت منه اولانى و مشينا مع بعض ل حد 90-100 كده بعدين هو بدا يفرق عنى جامد , الواضح ان نسب السرعات الجديده متظبطه اكتر على عزم العربيه .. ربنا يبارك له فيها

**AHMED1718** · 13-05-2011 02:15 AM

على اد ان معظم الاعضاء اجمعو على ان الست غيار اسرع واريح وف الشد احسن من الاربعة

بس انا مشفتش غير انه اريح للعربية بس

جربت كزا مرة مع ناس معاهم ستة وطلعت منهم واخر مرة كانت من كام يوم على طريق مصر اسماعيلية

بس اللى شايفه الوضع الوحيد اللى ممكن يخليه يطلع منى هوا لما تبقا ماشى فوق 140 وتهدى شوية وترجع

تدوس تانى العربية ف المشوار ده بتبقا رخمة شويتين

واخيرا تمتع بعربيتك اربعة بقا ستة ان شالله مانيوال كله كويس واحمد ربنا على نعمه عليك وعليا

وتحياتى

**M.Akef** · 13-05-2011 06:01 AM

النهرده كان مزاجي رايق و عملت فيديوهين
واحد في 11.5 و دي كانت كارثه و كنت مصدوم لاني فعلا حاسس ان العربيه بقت تقيله
و التاني صديق لي قال شيل الفلتر شلته و فعلا مليان تراب مع اني منظفه من اسبوع و حققت التسارع في 10 و كسر بسيط مع العلم اني غيرت كذا حاره بسرعه في المره دي
و هرفع الفيديوهات بكره ان شاء الله

**love_life** · 14-05-2011 02:18 AM

المشاركة الأصلية كتبت بواسطة moha4tec

السلام عليكم
هو بيريح المكنه و بيهدى صوتها شويه
و لكن مبيفرقش فى السحب الا على السرعات العاليه و بيفرق حاجه بسيطه اوى او زى قلته
انما المخروطى احسن من حيث السحب و اعلى فى الصوت بكتير
و الفلتر اللى راكب عندى جبته ب 380 جنيه من توكيل k&n فى شارع دمشق جنب محل الشيخ ابراهيم بتاع الاستيكر
و جبت الكيت بتاعة التنضيف و التزييت
و السلام ختام

طيب يا ابو حميد نصيحة ممتازة
حد يعرف المخروطي بيتجاب منين؟

**subzero_freez** · 15-05-2011 11:43 PM

المشاركة الأصلية كتبت بواسطة love_life

طيب يا ابو حميد نصيحة ممتازة
حد يعرف المخروطي بيتجاب منين؟

فى محل بيبيع الفلتر المخروطى دا " امام السراج مول " و انا ركبته قبل كده اسمه " سيموتا" و نوع كويس اوى .. انا فعلا مش فاكر السعر اوى بس اعتقد كان حوالى 170 جنيه